Hosea 9:16 - Tedim Bible

¹⁶ Israel mite ahih leh a zung a keu, gah a gah lo ding singkung tawh kibang hi. Amaute in ta a neih uh hangin amau’ it mahmah tua a tate uh ka thahsak veve ding hi, ci hi.

Tedim Bible Revision 2017

¹⁶ Israel mite ahihleh a zung a keu, gah a gah lo ding singkung tawh kibang hi. Amaute in ta nei ta mah le-uh zong, amauʼ it mahmah tua a tate uh ka thahsak veve ding hi, ci hi.

Hosea 9:16 Referans Kwoze

Ezekiel 24:21

Israel mite kiangah hih bangin thu gen in hong ci hi. Ama cihna in: Note in na kisaktheihpih uh, a sungah paipai-in na etet nop uh ka biakinn pen a ninsak ding ka hi hi. Tua ciangin note’ nung-a a om lai na tate uh, namsau-in si ding uh hi, ci hi.

Isaiah 5:24

Tua ahih ciangin, mei in buhkung keute kangtum a, meikuang sungah lopa keute a kattum bangin, amaute’ zung pen muatna hi ding a, amaute’ pak palhte pen leivui bangin van-ah leengto ding hi; bang hang hiam cih leh Vanglianpen Topa’ thu nialin, Israelte’ Siangtho Pa’ thu simmawh uh hi.

Malakhi 4:1

Vanglianpen Topa in hih bangin ci hi: “En un, mi kiphasak khempeuh leh migilo khempeuh, a zung a hiang cih om loin buhtu bangin a kattum ding hun hong tung ding hi. Tua ni ciangin khat zong suakta loin a vekpi-in kangtum khin ding uh hi.

Hosea 8:7

Paunak-ah, Huih a tuhte in huihpi ngah kik ding a, a vui om lo an kung in an nek ding piang sak lo hi, kici hi. A vui om lo an kung panin an kingah mah taleh zong gamdang mite in a netum ding hi.

Hosea 5:11

Israel in zong gimna thuakin a cimawh hita hi; bang hang hiam cih leh piak ding bang mah a nei lote kiangah huh ngen dingin pai hamtang hi.

Isaiah 40:24

Amaute pen a gina-in kisuan lo, a gina-in kivawh lo, amau’ kungte in a gina-in lei sungah zung kha lo uh a, amah in amaute a mut ciangin amaute vul a, huihpi in nahpa keu bangin amaute a len’ khiatpih hi.

JOB (Job) 18:16

Lei sunga ama zungte keu in, a tunga ama hiangte a si ta hi.

Piancilna 41:23

tuate khit ciangin nisuahna huihpi in a keusak, a hawm, a theem vui sagihte hong po a,

Thu-hilhkikna 32:25

Namsau in amaute gamlakah susia in, inn sungah launa lianpi om ding a, tangval leh nungak, naungek nawi nete sam kangsate tawh susia khawm ding hi.