Hosea 9:13 - Tedim Bible

¹³ Tu-in ka mu khol khin hi. Mite in sa bet-a a bet ding leh, a thah ding bekin, Israel mite in a naupangte uh khah khia ding uh hi, a ci hi.

Tedim Bible Revision 2017

¹³ Tu-in ka mukhol khin hi. Mite in sabet-a a bet ding le, a thah ding bekin, Israel mite in a naupangte uh khah khia ding uh hi, a ci hi.

Hosea 9:13 Referans Kwoze

Ezekiel 27:3

Tuipi gei-ah omin tuipi dunga a om mite tawh sum lei sum zuakna a nei khuapi tungah, Topa Pasian keimah in ka gen thute hih bangin gen in: Tai-ar khuapi aw, na mel hoihna na kisaktheihpih hi.

Amos 7:17

Amaziah aw, tua bangin kampau na hih manin Topa in nang kiangah, “Na zi pen khua sungah numei paktat suak ding a, na tate, gal sungah si ding uh hi. Na gam kiphelkhamin midang tungah kipia ding a, lawkite gam sungah nang na si ding hi. Israel mite, gal matin kipai khiatpih ding hi,” ci hi,” a ci hi.

Hosea 13:16

Israelte in a Pasian uh lehdo ahih manin a mawhna uh thuak ding uh hi. Gal sungah amaute si ding uh a, a naungeekte uh lei kiden’ nading a, a nupi naupaaite uh kikuikham ding hi, ci hi.

Hosea 13:8

A no a kilaksak vompi bangin note hong sugawpin kong balgawp ding hi. Humpinelkai bangin hong phual nek pahin, gamsate bangin kong balthang gawp ding hi.

Hosea 10:14

gal in na mite uh hong sim ding a, na kulh muanhuaite uh kisusia ding hi. Kumpi Shalman in a galsimna-ah Bethar-bel khuapi sugawpin, nupite leh a tate leilak den’na-in a sih mangsak hun lai mah bang ding hi.

Hosea 9:16

Israel mite ahih leh a zung a keu, gah a gah lo ding singkung tawh kibang hi. Amaute in ta a neih uh hangin amau’ it mahmah tua a tate uh ka thahsak veve ding hi, ci hi.

Jeremiah 9:21

Bang hang hiam na cih uh leh tawlet vangte panin sihna hong lutin, kumpipa’ inn sungah zong hong lut hi. Kong zinga naupangte a vatmang a, sumbuka tangvalte a vatlum hi.

2 KUMPI NIHNATE 15:16

Tua hun lai takin Menahem in Tappuah leh a sunga teng khempeuh leh Tirzah pana kipan a gam sung teng luh hi; bang hang hiam cih leh amaute in ama adingin a kongpite uh hong lo uh a, tua ahih ciangin amah in luhin, tua sunga om numei naupaai khempeuh phel kham hi.

Jeremiah 7:15

Efraim’ suan-le-khak ahi leilu lam-a na behte khempeuh uh ka paihkhiat bangin note zong ka muhna panin kong paaikhia ding hi.

JOB (Job) 27:14

Tapa tampi a neih hangun, a vekin gal sungah si mang khin ding uh hi; a tate uh gilkial tawntung ding uh hi.

Kah la 2:22

Kei hong dipkua sak dingin ka galte pawisiim ding bangin na sam a, amaute in hong umcih uh a, na heh ni-in a suakta zo khat beek a om kei hi. Ka hawmthawh ka it ka tate hong thahsak uh hi.

Hosea 14:1

Israelte aw, note’ Topa Pasian lamah kihei kik un. Na mawhna hangun note na puk khin uh hi.