Hosea 9:11 - Tedim Bible

¹¹ Israel’ min liatna teng vasa bangin leeng mang ding a, amau’ sung panin nau suak nupi gai, nau paai cih om nawn lo ding hi.

Tedim Bible Revision 2017

¹¹ Israel-teʼ minliatna teng vasa bangin leeng mang dinga, amauʼ sung panin ta suak nawn loin, nupi gai, naupaii cih zong om nawn lo ding hi.

Hosea 9:11 Referans Kwoze

Hosea 10:5

Beth-aven khua a bawngno milim a taanna hangun Samaria khuapi sunga a teeng mite lau-in liing ding uh a, amaute leh tua milim na a sem siampite thuum ding uh hi. A etlawmna teng a maiman’ ciangin tau ding uh hi.

Hosea 9:14

Topa aw, hih mite tungah na piak ding bang hong ngen ding ka hi hiam? Amaute tatolhsak in la, a nawizu uh kangsak in.

Hosea 4:7

Siampi tam semsem leh kei tungah a khialhna uh tam semsem hi. Amau’ minthan’na mindaina ka suaksak ding hi.

Thu-hilhkikna 28:18

Note’ sung pana piangte leh na leitang pan uh a, gahte, na bawngte uh a pun’na, leh na tuuhon note uh in zong samsiatna ngah ding hi.

Luka 23:29

Bang hang hiam na cih uh leh, ‘Tasel numei leh ta a paii ngeilo gil leh a kine ngeilo nawite in thupha a ngah ding uh hi,’ a cih ding uh hun hong tung ding hi.

Amos 1:13

Topa in hih bangin ci hi: Ammon mite a khialh kikkik nilohna hangun, pel loin amaute daan ka tat ding hi. Bang hang hiam cih leh amaute in, huaihamin gam a deih thuah manun, Gileah gamsung simgawp uh hi.

Thuhilh-sia 6:3

Mi khat in ta zakhat nei-in, kum saupi zong nungta thei kha ding hi; bangzahin sauveipi a nungta ahi zongin leitungah nopsakna ngah loin, lim tak-a vuina a ngah kei leh, a sisa-a suak naungek hoihzaw lai hi.

Late 58:8

Amaute, a naai a bei toktol, a hun cing loin a nausuak, ni a mu ngei lote bangsak in.

JOB (Job) 18:5

“Migilopa’ meivak kisumit ding a, cikmah hunin a kuangkik ngei nawn kei ding hi.

Thu-hilhkikna 33:17

A tacil bawngtal in minliatna nei a, a kite in gamsial kite ahi hi; amah in tuate tawh mite nawt ding a, lei mongdong ah amaute khempeuh phul ding hi; Efraim tul sawmte in tua bang hi a, Manasseh tul tampite in zong tua bang mah ahi hi,” a ci hi.

Thu-hilhkikna 28:57

Note lakah a om a ngeksuak, a ci-thei pen numei, amah ngek-in a ci neellua ahih manin a khenuai tawh lei sik ding a ngaihsun ngei vet lo nu in, a it a pasal, a tanu leh a tapa adingin, ama sung pana a piang a tate leh ama khe kikal-a a paikhia a nau-nungzuite phal lo ding hi; bang hang hiam cih leh hong umcihna leh na galte un na khuapite uhah note hong lungkhamsak nading lungkhamna sungah bangmah neih lohna hangin amah in tuate nesim ding hi.

Piancilna 49:22

Josef in a gah pha leenggui hi a, cik tui gei-a a gah pha hiang ahi hi; a hiangte kulh tungah zam hi.

Piancilna 41:52

A nihna amah in Efraim phuak hi; “Bang hang hiam cih leh ka thuakna gamsungah kei a pungin hong bawl hi,” ci hi.

Isaiah 17:3

Efraim gam panin kulhpi bei-in, Damaskas khua panin kumpi gam mangthang ding hi; Siria mi a suakta laite pen Israel mite vangliatna mah bang ding uh hi, Vanglianpen Topa in ci hi.

Hosea 5:9

Daan thuak ni hun hong tun’ ciangin Israel mite in siatna thuak ding uh hi. A tung taktak ding thu, Israel mite’ lakah a gen ka hi hi.

2 SAMUEL NIHNA 6:23

Tua ciangin Saul’ tanu Mikhal in a sih ni dongin ta nei lo hi.