Hosea 9:1 - Tedim Bible

¹ Israel mite aw, mi dangte bangin lungdamin kipak kei un. Na Pasian uh na nusia uh a, ama tungah na citak kei uh hi. Numei paktatte bangin mun citeng ah Baal tungah na kizuak uh a, a hong leina ante hangin na lungdam uh hi.

Tedim Bible Revision 2017

¹ Israel mite aw, midangte bangin lungdamin kipak kei un. Na Pasian uh na nusia uh a, ama tungah na citak kei uh hi. Numei paktatte bangin mun citeng ah Baal tungah na kizuak uh a, a hong leina ante hangin na lungdam uh hi.

Hosea 9:1 Referans Kwoze

Hosea 10:5

Beth-aven khua a bawngno milim a taanna hangun Samaria khuapi sunga a teeng mite lau-in liing ding uh a, amaute leh tua milim na a sem siampite thuum ding uh hi. A etlawmna teng a maiman’ ciangin tau ding uh hi.

Hosea 4:12

Ka mite in aisanin sing them peuh thu dotin nei uh a, amau thu theih nopte, ciangkang peuhin gen tazen hi. Amaute in kei hong taisan uh a, a paktat numei bangin pasian dangte zuan uh hi.

Jeremiah 44:17

Ahih hangin ka ciamsa uh bangin kote, ka pute ka pate, ka kumpite uh leh kumpi uliante in Judah gam khuapite leh Jerusalem khua kongzing lakah ka hih ngei uh bangin vantung kumpinu kiangah paknamtui hal-in tuidawn biakna ka hih zaw ding uh hi. Bang hang hiam cih leh ka tuacih uh ciangin an tampi ka nei uh a, hau-in gimna zong ka thuak kei uh hi.

Jeim 5:1

Sum haute aw, tu-in hong pai un; note tungah hong tung ding gimna tawlna hangin kiko-in kap un.

Jeim 4:16

Tu-in ahih leh, note na kiphatsakna uhah na kisathei uh hi. Tua bang kisaktheihna ahoih kei hi.

Amos 6:13

Lodebar khua bang lel na lak zawhna uhah na lungdam uh a, “Eima thahatna tawh Karnaim khua i la zo hi,” na ci uh hi.

Amos 3:2

Leitung minam khempeuh lakah note bek hong thei-in, note bek ka hong don hi. Tua ahih manin na khialhna khempeuh uh hangin, note daan ka hong pia ding hi.

Hosea 5:7

Topa’ tungah amaute citak lo uh a, midangte tawh zawlta nei uh hi. Tu-in amaute leh a neihsa khempeuh uh kisusia ding hi.

Hosea 5:4

Amaute’ gamtatna in a Pasian kiang uh zuansak thei lo hi. Amaute in nakpi takin biak nopna lungsim nei uh ahih manin Topa phawk kha lo uh hi.

Hosea 2:12

Ka pasal it dangte in thaman-a hong piak hi, ci-a a gen leengguite leh a theikungte ka susia ding a, gamsate in tuate suksiatsakin gamlakpi suak ding hi.

Ezekiel 21:10

Mi thah nadingin kitat hiam sitset a, khuaphia bangin a tee zialzial dingin kipuah hi. Note in thuhilhna ngai nuam lo na hih manun, kuamah in tua namsau kho thei lo hi.

Ezekiel 20:32

Note in na lungsim ngaihsutna uh khentat khinin, gam danga a teeng minam dangte mah bangin sing leh suang na bia nuam uh hi. Ahi zongin note’ ut bang hi thei ngei lo ding hi.

Kah la 4:21

Edom leh Uzmite aw nuinui mai un, ahih theih laiteng kipak un. Bang hang hiam cih leh siatna hun hong tung ding a, a hong tun’ ciangin na guaktangun om-in, maizum-in na om ding uh hi.

Isaiah 17:11

tuate na suan ni mah-un khang a, na tuh ni uh a zingsang mahin a pak hangin a gah om lo ding, cinatna leh a dam theilo natna hong tun’ ni hi ding hi.

Amos 8:10

Na lungdam pawite uh dahna ka suaksak ding a, na lasaknate uh kahna awging ka suaksak ding hi. Dahna limin puanhampi na silh ding uh a, na sam uh zong na mettol ding uh hi. A tapa khat neihsun a sihsuah nupa na bang ding uh hi. Tua hun in a tawp dongin nasia semsem ding hi.

Late 73:27

Bang hang hiam cih leh, en in, nangmah tawh a kigamlate kisia ding a, nangma tunga hong khialte na beisak hi.

Amos 4:5

Lungdam kohna-in silngo sawh anlum va pia un la, ut thu-a biak piaknate va pia-in va kisial un. Hihte pawl in note’ hih nop pawl ahi hi, Topa in ci hi.

Jeremiah 2:19

Na gitlohna mah in nangmah hong thu hilh ding-a, na thu up nawn lohna in nangmah hong mawhsak ding hi. Topa na Pasian nong nusiat ciang, kei nong kihtak nawn loh ciangin, nuam hetlo-a kha keei hi, cih thu thei in la, mu in, a vanglian Topa Pasian in kong ci hi.

Jeremiah 2:20

“Sawt pek lai-a kipanin ka hakkol kuaitan-in ka ukna nong nial a, hong kihenna khau sutat-in, ‘Na na ka sem kei ding hi,’ nong ci hi. Hi hi, numei paktat na bang a, mualsang tung teng leh singliim nuai tengah milim na bia kawikawi hi.

Ezekiel 16:15

“Ahi zongin na meel hoihna leh na minthan’na a sia lamin zangin, na tuah peuhpeuh luppih ding zolna-in na zang hi.

Ezekiel 16:30

“Topa Pasian in hih bangin ci hi: A bangci lawmlawm na hi hiam? Zumna mel thei loin hih bangin na paktat hi.