Hosea 8:9 - Tedim Bible

⁹ A hon lak panin a taikhia a, a thumang lo gam la bangin Assiria mite tung panin huhna ngen dingin va tai uh hi. A huh ding uh a deihna-in midangte tungah amau pumpi va zuak uh hi.

Tedim Bible Revision 2017

⁹ A hon lak panin a tai khia, a thumang lo gam la bangin Assiria mite tung panin huhna a ngen dingin va tai uh hi. A huh ding uh a deihna-in midangte tungah amau pumpi a va zuak uh hi.

Hosea 8:9 Referans Kwoze

Jeremiah 2:24

Gamlak nuam a sa laano hukte na bang zen hi! A huk lai-in kua in khaam zo ding hiam? Amah a zong nuam peuhpeuh in gim kul se loin, a huk hunin a ngah lel ding uh hi.

Hosea 7:11

Israel in a khem nop kawl vakhu hai tawh kibang hi. Izipt-te kiangah huhna va ngen masa uh a, tua ciangin Assiria-te kiangah va tai uh hi.

Hosea 5:13

Israel in ama ci natna kithei a, Judah in ama liamna a muh ciangin, kumpi lianpa kiangah huh ngen dingin Assiria gamah Israel va pai hi. Ahi zongin amah in amau’ natna na damsak thei lo a, a liamna uh zong na damsak thei tuan lo hi.

2 KUMPI NIHNATE 15:19

Assiria kumpipa Pul tua gam do dingin hong kuan hi; tua ciangin kumpi aana a letna a kipsak dingin a huh theih nading a deihna-in Menahem in Pul tungah ngun talen tulkhat pia hi.

Hosea 12:1

Israel mite, a nung kawikawi huih tawh kibangin, sun tha pai-a a nasepna uh a mawkna ahi hi. Zuauna leh siatna lamsang bekbek khangsak uh hi. Assiria tawh kipawlna bawl uh a, Izipt tawh kizopna nei uh hi.

Hosea 2:10

Tua ciangin ama it pasal dangte’ muhna-ah a puante hawk khiatsakin a guak tangin ka om sak ding a, kuamah in kei’ khut sung panin amah honkhia zo lo ding hi.

Isaiah 30:6

Negeb gam-a ganhingte tawh kisai thu: Amaute in, humpinelkai nu leh humpinelkai pa, gul gu nei leh a leengthei gulpi a omna, lungkhamna leh gimna gam nawk-in, amau’ hauhnate la nungzang leh amau sumte kalaoh thuvum tungah suanin amaute bangmah phattuamna a pia thei lo mite tungah puak uh hi.

Hosea 12:2

Topa in Judah mite a mawhsak nading a thu om hi. Jakob a gamtatna tawh kizui-in daan pia ding a, ama gamtatna bangin thukkik ding hi.