Hosea 8:8 - Tedim Bible

⁸ Israel khempeuh kinawmvalh-in kisusia ding a, tu nangawnin mi namdangte in bangmahin ngaihsun nawn lo uh hi.

Tedim Bible Revision 2017

⁸ Israel khempeuh kinawmvalhin kisusia dinga, tu nangawnin minam dangte in bangmahin ngaihsun nawn lo uh hi.

Hosea 8:8 Referans Kwoze

Jeremiah 22:28

Jekoniah in kuama’ deih loh a kipaimang beel kitam tawh kibang ahi hiam? Bang hangin amah leh a tate kilawnkhia a, a theih loh gamah kipaai mang ahi hiam?

Jeremiah 51:34

“Babilon kumpipa Nebukhadznezzar in Jerusalem khua hong valhtum a, hong sukham gawp hi. Beel hawm bangin a hawmin hong koih a, gulpi bangin hong nawm valh hi. Ka neihsa a lim nono tawh amah kivak kham a, kei a hong hawlkhia hi.

ROM (Romans) 9:22

Pasian in ama hehna hong lak a, a vangliatna a kitheihsak nading a deih maninah a kisia ding a bawlsa, hehna a thuak beelte a lungneemna tawh a thuak leh, bang gen ding a om lai hiam?

Ezekiel 36:3

Tua ahih ciangin mailam thu gen khol in la, Topa Pasian ahi keima thugen hih bangin pulak in: Na kimkot-a om minam dangte in no Israel mualtung gamte hong la-in na neihsate a hong suh uh ciangin, mite khempeuh in no Israel mite hong simmawh bawlin hong ciamnuih bawl lel uh hi.

Kah la 2:16

Na galte in hong simmawh uh a, muhdahna tawh a hong siik-et uh hi. “Khuapi susia zo ta hang! I suksiat zawh mateng i cihcih niloh mah hi” ci-in a hagawi uh hi.

Kah la 2:5

Topa in galte bangin Israelte a susia hi. Amah in kulhpite leh kumpi innte a siasa-in a nusia hi. Amah in a bei thei lo dahna Judah gam sungah a tungsak hi.

Kah la 2:2

Topa in Judah gama khuate khempeuh hehpih loin a susia hi. Amah in a galdalna kulhpite khempeuh balzan gawpin a gam leh a gam ukte a maizumsak hi.

Jeremiah 50:17

“Israel mite humpi in a delhmang tuu tawh a kibang uh hi. A masa-in Assiria kumpipa in a ne a, tu-in a tawpna ah Babilon kumpipa Nebukhadnezzar in a guh dongin a teep tum hi.

Jeremiah 48:38

Moab gam innkhum khempeuh leh lam lianpi khempeuh ah kahna bekbek a om hi. Bang hang hiam cih leh Topa in kong cih-inah, leibeel suktap bangin Moab gam ka sutam a, kuamah in phamawh a sa kei hi.

Isaiah 30:14

tua cipna pen iplah loin a kidengkham beel seekpa’ beel themte lak pan meikhuk a, mei lak nading ahi zongin, tuikhuk a, tui dip nading ahi zongin a om het lo tawh kibang ding hi,” a ci hi.

2 KUMPI NIHNATE 18:11

Assiria kumpipa in Israel mite Assiria ah la a, Halah gam sung, leh Gozan gama gun om Habor, leh Media khuapite sungah koih hi;

Thu-hilhkikna 28:64

Topa in leimong khat panin mong khat, minamte’ lakah note hong thehthang ding hi; tua lai-ah note leh na pu na pate un a theih nai loh sing leh suang tawh a kibawl pasian dangte’ na na sem ding uh hi.

Thu-hilhkikna 28:25

“Topa in na galte uh mai-ah note hong lel sak ding hi; amaute do dingin lam khatah na kuan ding uh a, amau mai-ah lam sagih ah na taikeek ding uh hi; leitung kumpi gamte khempeuh muhna ah note in a cikzet-huai na hi ding uh hi.

Siampi Laibu 26:33

Keimah in minamte lakah note kong thehthang ding a, keimah in namsau a paai panin dokin note kong delh ding hi; na leitang uh gamkhing hi ding a, na khuapite uh a sia hi ding hi.

Jeremiah 25:34

“No makaite aw, tau un la, kap un, no uliante aw, vut lakah kikhuk un. Bang hang hiam cih leh hong kithahlup ni ding leh na kikhenthang ni ding uh hong tung zo hi; tuutal teelte bangin hong kithatlum ding hi.

Kah la 5:2

Ka neihsa teng uh gamdang mite’ khut sung tung khin a, ka innsung uhah gamdang mite a teeng uh hi.

Kah la 4:2

Kham banga manpha Jerusalem tangval note, tu-in leibeel bang lel-in a kibawl hi.