Hosea 8:6 - Tedim Bible

⁶ Israel sunga om mi khat in tua milim bawl a, tua milim in Pasian hi lo hi. Samaria mite in a biak milim kisuzan ding hi.

Tedim Bible Revision 2017

⁶ Israel sunga om mi khat in tua milim bawl a, tua milim pen Pasian hi lo hi. Samaria mite in a biak milim kisuzan ding hi.

Hosea 8:6 Referans Kwoze

Sawltak 19:26

Hih Paul in, ‘Mi’ khut tawh kibawl Pasian om lo hi,’ ci-in Efesa khua bek hi lo, Asia gam khempeuh ah mi tampi zol a, a uuksak cih na mu uh, na thei uh hi.

Sawltak 17:29

Pasian’ suan i hih ciangin Pasian pen mi lungsim siamna leh khutsiamna tawh a kibawl kham tawh, ngun tawh, suang tawh kibang hi ci-a i up ding a kilawm kei hi.

Habakkuk 2:18

Milim, banga kimang ahi hiam? Mihingte’ bawl na khat hi lel a, thuman hong gen thei lo hi. Tua bang a pau thei beek lo pasian khat, a bawlpa in muan’in a neih bang phatuam ahi hiam?

Hosea 10:2

A lungsim uh man lo ahih manin tu-in a mawhna uh thuak ding uh hi. Topa in amau’ biakna taute suzanin, a biakna khuampite suksiatsak ding hi.

Jeremiah 50:2

“Gam khempeuh ah genin tangko un; dial khai un la, im kei un. ‘Babilon’ khuapi kila ta hi. Bel pasian maizum ta, a Merodak pasian kitangawp ta hi. A milimte uh maizum ta a, a pasiante uh kisiagawp ta hi,’ ci-in tangko un.

Jeremiah 10:14

Mi khempeuh hai-in pilna nei lo hi khin uh a, kham sekte khempeuh in a milimte uh a maizum lawh uh hi. Bang hang hiam cih leh a milimte uh zuau hi lel a, naak thei lo uh hi.

2 KHANG TANGTHU NIHNATE 31:1

Tu-in hihte khempeuh a man ciangin, tua lai-a a om Israel khempeuh Judah khuapite ah pai-in khuampite sat khamin Asherah milimte phukin, Judah leh Benjamin sung, leh Efraim leh Manasseh sunga mual dawn-a biak piaknate leh biakna taute a suksiat khit mateng uh phelkek uh hi. Tua ciangin Israel mi khempeuh, a mi kimin amau’ inn omna a khuapi ciat uhah ciah uh hi.

2 KUMPI NIHNATE 23:19

Tua ciangin Israel kumpite in a bawlsa, Topa a hehsakna uh ahi Samaria khuapite sunga om mual tunga biakna munte khempeuh zong Josiah in lakhia hi; Beth-el a, a hihsa khempeuh mah bangin tuate tungah hih hi.

2 KUMPI NIHNATE 23:15

Tua tham loin Israelte a khialsak Nebat’ tapa Jeroboam in Beth-el ah a phuhsa mual tunga biakna, tua biakna mun a biakna tau tawh, amah in phelin a suangte sukham a, tuate satvui hi; amah in Asherah milim zong hal hi.

Jeremiah 48:13

Tua ciangin Israel mite, a muan’ uh Bethel pasian in a maizum sak mah bangin, Moab mite, a biak uh Khemoshpasian in a maizum sak ding hi.

Hosea 13:2

Tua hi napi-in amaute khial thuah semsem uh a, a biak ding uh milim bawl uh hi. Amau’ ngunte milimin bawl uh a, a hoih takin khutsiamte bawlsak uh hi. Tua ciangin, “Hihte tungah biakna pia un,” ci uh hi. Mihing in milim bia-in nam tazen uh hi.

Hosea 14:3

Assiria mite in hong honkhia zo ngei lo ding a, sakol galkapte zong suan’in, ka nei kei ding uh hi. Kote’ bawlsa milimte pen Pasian hi, ka ci nawn kei ding uh hi. A cimawh mite in nangma tung panin hehpihna a ngah theih lam ka thei uh hi,” ci-in thu ngen un.

2 KHANG TANGTHU NIHNATE 13:8

“Note mi tampi na hihna uh leh note’ pasian dingin Jeroboam in hong bawlsak kham bawngnote note tawh a om manin, David’ suante’ khut sung panin Topa’ kumpi gam do ding tu-in na ngaihsun uh hi.

Micah 1:7

A milim manphate khempeuh kisuzanin, mei tawh kisusia ding hi. Pasian tungah a thuman lohna hangun mihingte in hih milimte nei uh ahih manun, a paktatna uh tawh kizui-in tu-in thuak kik ding uh hi, ci hi.