Hosea 8:5 - Tedim Bible

⁵ Samaria khuapi mite in a biak kham bawngno ka deih kei hi. Tua a bia mite tungah ka heh hi. Amaute in mihoih a suah nading uh bang tan vei ngak lai ding uh ahi hiam?

Tedim Bible Revision 2017

⁵ Samaria khuapi mite in a biak kham bawng no ka deih kei hi. Tua a bia mite tungah ka heh hi. Amaute in mihoih a suah nading uh bang tanvei ngak lai ding ahi uh hiam?

Hosea 8:5 Referans Kwoze

Hosea 10:5

Beth-aven khua a bawngno milim a taanna hangun Samaria khuapi sunga a teeng mite lau-in liing ding uh a, amaute leh tua milim na a sem siampite thuum ding uh hi. A etlawmna teng a maiman’ ciangin tau ding uh hi.

Jeremiah 13:27

Na kihhuainate, na ang kawmna, na hukna leh gamlak mual tunga numei paktat banga milim pasian peuh na biak kawikawinate ka mu zo hi. Jerusalem aw, gimna ngah ta in! Na sian’tho nadingin bang tanvei sawt ding ahi hiam?”

Paunak 1:22

”Mihaite aw, bangtanvei hai omom nuam lai na hi uh hiam? Bangtanvei pilna thudon loin om ding na hi uh hiam? Pilna ngaihsutin nei ngei lo ding na hi uh hiam?

Sawltak 7:41

Tua lai takin amaute in bawngno milim khat a bawl uh a, tua milim bia-in, amau khut tawh a bawl uh na tawh a lungdam uh hi. Tua ahih manin Pasian in amaute nungngat-in milim biakna sungah a piakhia hi.

Hosea 8:6

Israel sunga om mi khat in tua milim bawl a, tua milim in Pasian hi lo hi. Samaria mite in a biak milim kisuzan ding hi.

Jeremiah 4:14

Jerusalem khua aw, nang hong kihotkhiat nadingin, na lungsim sung panin gitlohna sawpkhia in. Na sungah gitlohna lungsim bang tan vei kem cip ding na hi hiam?

Isaiah 45:20

“Minam sung panin a suakta lai note aw, nomau kikaikhawmin hong pai un la, hong nai un! Amau’ sing milim a pua kawikawi mite in theihna nei lo uh a, a honkhia thei lo pasian tungah thu ngenngen uh hi.

Thu-hilhkikna 32:22

Bang hang hiam cih leh ka hehna in mei tawh kuang a, Leinuai thukna mun dong kuang hi, leitung leh a tunga piangte kangtum a, mualte’ bulpite’ kuangsak hi.

Late 19:13

Mawh kaltangnate panin zong na nasempa hong kem in la, tuate keima tungah hong uk sak kei in! Tua ciangin kawk ka baang kei ding a, mawhna lian panin ka siang ding hi.

Jeremiah 48:13

Tua ciangin Israel mite, a muan’ uh Bethel pasian in a maizum sak mah bangin, Moab mite, a biak uh Khemoshpasian in a maizum sak ding hi.

Hosea 13:2

Tua hi napi-in amaute khial thuah semsem uh a, a biak ding uh milim bawl uh hi. Amau’ ngunte milimin bawl uh a, a hoih takin khutsiamte bawlsak uh hi. Tua ciangin, “Hihte tungah biakna pia un,” ci uh hi. Mihing in milim bia-in nam tazen uh hi.

Amos 8:14

Samariah milim pasian Ashimah min tawh kiciam a, ‘Dan khuapi pasian a nungta ahih mah bangin,’ a ci mite leh ‘Beersheba khuapi pasian a nungta ahih mah bangin,’ a ci mite pukin thokik nawn lo ding uh hi,” ci hi.

2 KHANG TANGTHU NIHNATE 13:8

“Note mi tampi na hihna uh leh note’ pasian dingin Jeroboam in hong bawlsak kham bawngnote note tawh a om manin, David’ suante’ khut sung panin Topa’ kumpi gam do ding tu-in na ngaihsun uh hi.

Hosea 10:8

Israelte in milim bia-in mawhna a bawlna munte kisusia ding a, a biakna taute uh tungah ling leh kiak po ding hi. Tua ciangin mite in mual liante kiangah, “Hong vuk cip un,” ci ding uh a, mual neute kiangah, “Hong deng cip un,” ci ding uh hi.

Micah 1:7

A milim manphate khempeuh kisuzanin, mei tawh kisusia ding hi. Pasian tungah a thuman lohna hangun mihingte in hih milimte nei uh ahih manun, a paktatna uh tawh kizui-in tu-in thuak kik ding uh hi, ci hi.