Hosea 8:14 - Tedim Bible

¹⁴ Bang hang hiam cih leh Israel mite in amau a Piangsakpa mangngilh uh a, inn lianpipite lam uh hi. Judah mite in zong kulh nei khuapi tampi lam thuah uh hi. Keimah in tua khuapite mei tawh halin a inn lianpite uh ka kangtumsak ding hi, ci hi.

Tedim Bible Revision 2017

¹⁴ Bang hang hiam cih leh Israel mite in amau a Piangsak pa mangngilh uh a, inn lianpipite a lam uh hi. Judah mite in zong kulh nei khuapi tampi a lam thuah uh hi. Keimah in tua khuapite mei tawh halin a inn lianpite uh ka kaang tumsak ding hi, ci hi.

Hosea 8:14 Referans Kwoze

Thu-hilhkikna 32:18

Note a hong Honkhiapa na phawk kei uh a, note hong suaksak Pasian na mangngilh uh hi.

Jeremiah 17:27

Ahih hangin ka thu nong ngaih kei uh a, sabbath ni siangthosak loin, sabbath ni-in Jerusalem khua kongpite pan van pua-in nong lutpih uh leh, tua kongpite ka hal ding hi. A mei in Jerusalem khua kumpi innte lawhin a kangtum ding a, mei a kiphelh zo kei ding hi,’ va ci in,” hong ci hi.

Amos 2:5

Tua ahih ciangin Judah gamsung ka kangsak ding a, Jerusalem munmuanhuai teng kangtum ding hi.

Hosea 13:6

Ahi zongin gam hoihna mun tungin na gil uh a vah ciangin na lungsim uh kiphasakin kei nong mangngilh uh hi.

Isaiah 17:10

Note in, nomau’ kihotkhiatna Pasian mangngilhin,nomau’ belh Suangpi phawk lo na hih manun note in biakna huan bawlin kung hoihte suan a, leenggui kung namdangte tawh peh-in,

Amos 1:10

Tua ahih ciangin Tai-ar khuapi kulh ka kangsak ding a, a mun muanhuai teng kangtum ding hi.

Efesa 2:10

Bang hang hiam na cih uh leh, eite in gamtat hoih i gamtat nadingin Khazih Zeisu sungah a pian’sak ama bawlsa i hi hi. Tua gamtatna pha eite in i gamtat nadingin Pasian in tua gamtatna a na siam khol zo hi.

Amos 1:14

Tua ahih ciangin Rabbah khuapi kulh ka hal ding a, a mun muanhuai teng kangtum ding hi. Gal do-a kikona aw ging ding a, tua kidona awging khuapi huih nung bang ding hi.

Amos 1:12

Tua ahih ciangin Teman gamsung ka kangsak ding a, Bozrah khuapi mun muanhuai teng kangtum ding hi.

Amos 1:4

Tua ahih manin Hazael innkuante mei tawh ka hal ding a, a meikuang in kumpi Benhadad’ munmuanhuaite kangtum ding hi.

Hosea 2:13

Kei hong mangngilh tan vei sung, Baal pasian tungah paknamtui a hal tan vei sung, leh a pasal it dangte tawh kikhawl dingin a manpha kizepna a tuamtuamte tawh a kizep hun tan vei sung zah mah daan ka pia ding hi.

Jeremiah 23:27

A pute a pate in kei’ min hong mangngilh in Baal a biak uh bangin a mangmat uh a gen kawikawina uh tawh ka mite in ka min hong mangngilh ding uh hi, ci-in a ngaihsun uh hi.

Jeremiah 3:21

Mual tung pan awging khat kiza hi, Israel mite’ kahna leh tauna aw ahi hi. Lam a pialna hang uh leh Topa a Pasian uh a mangngilhna hang uh ahi hi.

Jeremiah 2:32

Nungak khat in a kizepnate a mangngilh thei hiam? A kipi mothak nu in a mothak puante a mangngilh thei hiam? Ahih hangin ka mite in sim zawh loh ni tampi a hong mangngilh uh hi.

Isaiah 42:25

Tua ahih ciangin amah in, ama hehna-so leh gal kidonate eite tungah hong tungsak hi. Israel mi khempeuh lakah mei bangin ama hehna hong kuang a, ahih hangin eite in bangmah i thei kei hi. Tua i thuakna hangin bangmah i phawk khia thei tuan kei hi.

Isaiah 42:13

Mi thahatpa bangin Topa kuankhia a, gal a do mipa bangin ama hanciamna so sak hi; amah kiko-in nakpi takin awng khia a, ama hatna a galte tungah a lak hi.

Isaiah 29:23

Bang hang hiam cih leh keima khut tawh ka bawlsa ahi amau’ tate a muh ciangin, amaute in keima min siangthosak ding uh hi; amaute in Jakob’ Siangtho Pa, a siangtho ahihna phawk ding uh a, Israel’ Pasian zaktakin kihta ding uh hi.

Late 106:21

Amaute in Izipt gam sungah na lianpite a bawl, Ham’ gam sungah nalamdangte leh San Tuipi-ah a kihtak-huai nate a bawl, amau’ Honpa, Pasian mangngilh uh hi.

2 KHANG TANGTHU NIHNATE 27:4

Tua tham loin amah in Judah mual tung gamah khuapite, leh sing tamna mualte tungah mun muanhuaite leh tausangte lam hi.

2 KHANG TANGTHU NIHNATE 26:10

Tua ciangin amah in gamlakah tausangte lam a, Shefelah leh zanglei ah ganhon tampi nei ahih manin tuikhuk tampi to a, amah in lei nasep uk ahih manin mual tung leh lei hoihna gamte ah lokhote leh leenggui puahte nei hi.

1 KUMPI MASATE 16:31

Nebat’ tapa Jeroboam’ khialhnate zuih ding ama adingin a thu zang tawh a kibat mah bangin, amah in Sidon mite’ kumpi Ethba-al’ tanu Jezebel zi-in la a, pai-in Baal’ na semin bia hi.

1 KUMPI MASATE 12:31

Amah in mual dawnte ah inn zong lamin mite khempeuh lak panin Levi mi ahi lo mite siampi-in seh hi.

2 KUMPI NIHNATE 18:13

Kumpi Hezekiah’ kum sawm-le-lina kumin Assiria kumpipa Sennakherib, Judah khuapi kulh a neite khempeuh a sim dingin hong kuan to-in tuate la hi.

Late 95:6

Hong pai un, bia-in kun ni, eite hong Bawl Topa mai-ah khukdin’ ni!

Isaiah 9:9

“Leisekte kicim khin hi; ahih hangin suangseek tawh i lam ding hi; theithek singte kisia khin hi, ahih hangin taamtaak sing tawh i khek ding hi,” ci-a kiphasakin lungsim kihisak Efraim mite leh Samaria gam sunga teeng, mi khempeuh in thei ding uh hi.

Jeremiah 5:17

Amaute in lo-a na ante leh na an huante uh hong gaihsak ding uh a, na tapate leh na tanute uh hong thahsak ding uh hi. Na tuu honte leh na bawng honte uh hong gaihsak ding uh a, na lenggahte leh na thei gahte uh hong nek mangsak ding uh hi. Na muan’ mahmah kulhpi tawh a ki-uum na khuapite uh, namsau tawh hong suksiat sak ding uh hi.”

Ezekiel 23:35

Tu-in Topa Pasian in hih bangin gen hi: Nangmah in kei hong mangngilhin hong nungngat na hih manin na hukna leh na paktatna hangin na thuak ding hi,” hong ci hi.

Hosea 4:6

Ka mite in kei hong phawk lo uh ahih manin ka susia ding hi. No siampite in kei hong phawk nuam loin, ka thuhilhnate nial na hih manun ka siampi dingin kong deih nawn kei a, na tate uh zong siampi-in ka zang kei ding hi.