Hosea 8:10 - Tedim Bible

¹⁰ Tua bangin mi namdangte a cial hangun keimah in amaute kaikhawmin daan ka pia ding hi. Assiria kumpipa’ bawlsiatna tawh a sawt loin gimna ngah ding uh hi.

Tedim Bible Revision 2017

¹⁰ Tua bangin minam dangte a cial hangun keimah in amaute kaikhawmin gim ka pia veve ding hi. Assiria kumpipaʼ bawlsiatna tawh a sawt loin gimna a ngah ding uh hi.

Hosea 8:10 Referans Kwoze

Ezekiel 16:37

na lawm luite khempeuh—na itte hita leh, na mudahte hita leh, a vekpi-in ka kaikhawm ding hi. Na kimkot-ah amaute omsakin, tua ciangin na puan teng kong hawkkhiatsak ding a, na guaktangin na omna ka en sak ding hi.

Hosea 10:10

Hih mi mawhte thuhilh nadingin daan ka pia ding a, a thuap thuap-a a mawhna hangun thuhilh nadingin minam dangte in amaute hong sim ding uh hi.

Ezekiel 26:7

“Tua ciangin kumpi khempeuh lak panin a lianpen ahi Babilon kumpipa Nebukhadnezzar, nang Tai-ar khuapi a sim dingin kong paipih ding hi. Amah leilu lam gam pan hong kipanin galkap honpi, sakolte leh a leengte, leh sakol galkap honte hong tonpih ding hi.

Isaiah 10:8

bang hang hiam cih leh amah in, “Ka galkap mangte pen kumpi vive hi khin hilo ahi hiam?

Haggai 2:6

A sawt loin vanpi leh leipi, tuipi leh leitung ka lokgawp ding hi.

Daniel 2:37

Kumpipa aw, kumpi khempeuh lak pan nang a lianpen na hi hi. Vantung Pasian in nang kumpi-in hong koih a, ukna, vangliatna, thahatna leh minthan’na hong pia hi.

Ezekiel 22:20

Mite in ngun, sumngo, sik, hak, leh, dalte kaikhawmin a tuisak dingun meikhuk sungah a khul bangin ka hehna tawh note hong kaikhawmin kong tuisuaksak mang ding hi.

Jeremiah 42:2

kamsangpa Jeremiah’ kiangah, “Kong thuumna uh hong ngai in la, hih a hong kinusia teng adingin Topa na Pasian’ kiangah, thu hong ngetsak in. Bang hang hiam cih leh khat vei lai-in mi tampi ka hih uh hangin tu-in nong muh mah bangin, mi tawmno khat bek ka hi ta uh hi.

Isaiah 36:13

Tua ciangin a ulianpa dingto-in, Hebru pau-in nakpi takin kiko a: “Assiria kumpi, kumpi lianpa’ thu za un!

1 KHANG TANGTHU MASATE 5:26

Tua ahih ciangin Israel’ Pasian in Assiria kumpipa Pul’ lungsim, Tilgath-pilneser a kici Assiria kumpipa’ lungsim hansuah a, amah in amaute, Reuben mite, Gad mite, leh Manasseh minam a langte pua khia-in, amaute Halah, Habor, leh Gozan gun-ah paipihin tu ni dongin tua lai-ah om uh hi.

2 KUMPI NIHNATE 17:3

Assiria kumpipa Shamaneser amah doin kuanto hi; tua ciangin Hoshea in ama khutnuai mi suak a, ama tungah siah puak hi.

2 KUMPI NIHNATE 14:26

Bang hang hiam cih leh Israelte’ thuakna nasia mahmah hi, ci-in Topa in mu hi; bang hang hiam cih leh sal ahi a, a suakta mi ahi zongin a peng kuamah om lo a, Israel a huh ding kuamah om lo hi.

Ezekiel 16:33

Numei paktatte sum tawh kiguai a, ahi zongin nang in na lunggulhte tungah letsong pia zaw sopin, nang hong luppih dingin mun khempeuh panin mi na guai zaw hi.

Ezekiel 23:5

Keima zi hi napi-in Oholah in numei paktatte mah bangin gamta lailai a, Assiria gam pan-a a lawm ngaihte lunggulh mahmah hi. Tua a lawm ngaihte pen,

2 KUMPI NIHNATE 17:4

Ahih hangin Assiria kumpipa in Hoshea a zuautatna mu hi; bang hang hiam cih leh amah in Izipt kumpipa So kiangah kamtaite sawl a, a kum kumin a hih ngeisa bangin Assiria kumpipa tungah zong siah pia lo hi; tua ahih ciangin Assiria kumpipa in amah man a, thong sungah amah hencip hi.

Hosea 12:2

Topa in Judah mite a mawhsak nading a thu om hi. Jakob a gamtatna tawh kizui-in daan pia ding a, ama gamtatna bangin thukkik ding hi.