Hosea 7:8 - Tedim Bible

⁸ Israel in a kiim-a om mi namdangte tawh kipawlin tua mite muan’in nei a, a kihei lo moh ki-em tawh kibang uh hi.

Tedim Bible Revision 2017

⁸ Israel, a kiim a om minam dangte tawh kipawlin tua mite muanin nei a, a kihei lo moh ki-em tawh kibang uh hi.

Hosea 7:8 Referans Kwoze

Late 106:35

Minam dangte tawh kihelin amau gamtat bangbang a gamta dingin kisin uh hi.

Malakhi 2:11

Judah mite citak loin, Pasian’ tungah a thuciamna uh palsat uh a, Israel mite’ lak leh Jerusalem khua sungah siatna tampi gamta uh hi. Topa in a it mahmah biakinn ninsak uh hi. Topa ahi lo, pasian dang a bia numeite zi-in la-in ten’pih uh hi.

Ezra 9:1

Hih thute khempeuh a kisep khit ciangin keima kiangah makaite pawlkhat hong pai-in, “Hih gam-a teeng gamdang mite’ nitna leh Kanaan mite, Hit mite, Perez mite, Jebus mite, Ammon mite, Moab mite, Izipt mite, leh Amor mite’ gamtat a kihhuaite panin Israel mi, siampite leh Levi mite nangawn zong, a siangtho-in tuam om lo uh hi.

1 KUMPI MASATE 18:21

Tua ciangin mi khempeuh mai-ah Elijah hong pai-in, “Ngaihsutna kibang lo thu nih-ah bang tan vei kip loin om ding na hi uh hiam? Topa in Pasian ahih leh amah zui un; ahih hangin Baal pen Pasian ahih leh amah zui un,” a ci hi. Tua ciangin mite in kam khat beek dawng lo uh hi.

Mattiu 6:24

“To nih’ na kuamah in semkhawm zo lo hi. Bang hang hiam na cih uh leh, a tote khat mudahin khat a it ding hi. Khat beelin khat a simmawh ding hi. Note in Pasian’ na leh leitung’ na na semkhawm zo kei ding uh hi.

Zefaniah 1:5

Innkhumzang ah kahto-in, ni, kha leh aksi a bia mi khempeuh ka susia ding a, keimah hong bia-in, keima tungah thuman ding gen napi-in, Milkom pasian’ min tawh a kiciam teiteite zong, ka susia ding hi.

Hosea 9:3

Bang hang hiam cih leh Topa’ gam sungah na om suak kei ding uh a, Izipt gamah pai kikin, Assiria gam sungah an siang lo na ne ding uh hi.

Hosea 5:13

Israel in ama ci natna kithei a, Judah in ama liamna a muh ciangin, kumpi lianpa kiangah huh ngen dingin Assiria gamah Israel va pai hi. Ahi zongin amah in amau’ natna na damsak thei lo a, a liamna uh zong na damsak thei tuan lo hi.

Hosea 5:7

Topa’ tungah amaute citak lo uh a, midangte tawh zawlta nei uh hi. Tu-in amaute leh a neihsa khempeuh uh kisusia ding hi.

Hosea 7:9

A kipawlpih mi namdangte in a thahatna teng uh tep tum a, ahi zongin a kitep tum lam phawk kha lo uh hi. A lu tung uh a, om a sam uh a kan’ lam nangawn phawk kha lo uh hi.