Hosea 7:7 - Tedim Bible

⁷ A heh luatna uh tawh amau a ukte that lum uh hi. A kumpite uh khat khit khat a ban banin kithat a, ahi zongin kuamah in kei kiangah huhna hong ngen lo uh hi.

Tedim Bible Revision 2017

⁷ A hehluatna uh tawh amau a ukte a that lum uh hi. A kumpite uh khat khit khat a banbanin kithat a, ahi zongin kuamah in kei kiangah huhna hong ngen lo uh hi.

Hosea 7:7 Referans Kwoze

2 KUMPI NIHNATE 15:30

Tua ciangin Uzziah’ tapa Jotham’ kum sawmnihna kumin, Elah’ tapa Hoshea in Remaliah tapa Pekah sawmsimin amah satpukin that a, tua ciangin ama tangin uk hi.

2 KUMPI NIHNATE 15:25

Tua ciangin ama nuai-ah a ukpa, Remaliah’ tapa Pekah in Gilead mi sawmnga tawh amah sawmsim a, kumpipa’ inn sungtawng, Samaria ah amah that hi; amah a thah khit ciangin ama tangin uk hi.

2 KUMPI NIHNATE 15:14

Tua ciangin Tirzah panin Gadi’ tapa Menahem hong paito-in Samaria hong tung a, tua ciangin amah in Samaria ah Jabesh’ tapa Shallum satpukin that a, ama tangin uk hi.

2 KUMPI NIHNATE 15:10

Jabesh’ tapa Shallum in amah sawmsim a, Ibleam ah amah sat pukin that a, tua ciangin ama tangin uk hi.

Hosea 8:4

Amaute in kei hong dong loin kumpi ding vaihawm uh a, kei’ theihpih lohin ulian koih uh hi. A ngun a khamte uh tawh amau’ siat nading milim bawl uh hi.

Hosea 7:10

Israel mite’ kiphatsakna in amau’ langkhat ah teci pang hi. Ahi zongin hih thu khempeuhah zong, amau’ Topa Pasian ahi kei lamah hong kihei lo uh a, kei hong zong lo uh hi.

Isaiah 64:7

Tua ahih ciangin nangmah hong pom dingin a hanciam tawm, nangma min a lo kuamah om lo hi; bang hang hiam cih leh kote kiang panin nang in na maitang na seel a, mawhna khut sungah kote nong pia hi.

Isaiah 43:22

“Ahih hangin Jakob aw, ka min nong lo kei hi; Israel aw, kei nong cimtaak hi!

Isaiah 9:13

Amaute a satpa’ lamah mite kihei lo a, Vanglianpen Topa zong lo uh hi.

JOB (Job) 36:13

“Migilote a heh-in ni tum uh a, gimna a thuak ciang nangawn-un ama huh ding ngen lo uh hi.

Hosea 7:14

Amaute in lungsim takpi tawh kei tungah huhna hong ngen lo uh a, a lupna tung panun phunphun bek uh hi. An leh leenggahzu hong ngen loin milimte a bia uh hi. Amaute in kei hong lehdo uh hi.

Hosea 5:15

Ka mite in a mawhna hangun gimna thuakin kei hong zon’ kik mateng ka tuaci nusiat phot ding hi. A lungkham uh ciangin kei hong zong ding uh a,

Daniel 9:13

Moses’ thukham sunga kigen daan khempeuh ka thuak uh hi. Topa Pasian aw, tu nangawnin zong nangma maipha hong zong loin, na thuman ka zuih theih nangun mawhna ka kisik kei uh hi.

Ezekiel 22:30

Keimah in ka hehna tawh ka suksiat ding hun ciangin kulh a ciang zo ding, kulh a kicipna munah a ding zo ding, leh gamsung a hu zo ding mi khat amaute lakah ka zong a, ahi zongin tua bang ding mi khat beek ka mu kei hi.

2 KUMPI NIHNATE 10:14

Amah in, “Hing mat un,” a ci hi. Tua ciangin amaute in tuate hing mat uh hi; tua ciangin amaute thatin tua lai-a om dum-ah amaute mihing sawmli-le-nih a sisa-in lawnsuk uh a, amah in amaute khat zong hing khawi lo hi.

2 KUMPI NIHNATE 10:7

Amaute kiangah a laikhak a tun’ ciangin amaute in kumpipa’ suan-le-khakte la-in amau mihing sawmsagihte that uh a, tua ciangin a lutang uh seeng sungah guangin ama kiang Jezre-el ah puak uh hi.

2 KUMPI NIHNATE 9:33

Jehu in, “Amah hong lawnsuk un,” a ci hi. Tua ahih ciangin amaute in Jezebel lawnsuk uh hi; a sisan pawlkhat kulh tung leh sakolte tungah kitheh a, tua ciangin amaute in amah tuancil uh hi.

2 KUMPI NIHNATE 9:24

Tua ciangin Jehu in a thaneih khempeuh tawh a thal keekin a liangko nih kikal sanah Joram kap a, a thaltang in a lungtang pailetin a leeng sungah amah puksuk hi.

1 KUMPI MASATE 16:18

Ama hihsa a khialhna, Topa muhna ah a siat gamtatna, Jeroboam’ khekhap a totna, leh a hihsa a khialhna, Israel a khialhsakna hangin, khuapi kila khin hi, ci-in Zimri in a muh ciangin kumpipa’ inn muanhuai sungah amah pai a, kumpipa’ inn mei tawh amah kihal nelhin si hi.

1 KUMPI MASATE 16:22

Ahih hangin Omri a zui mite in Ginath’ tapa Tibni a zuite zo uh hi; tua ahih ciangin Tibni si a, Omri kumpi suak hi.

1 KUMPI MASATE 15:28

Tua ahih ciangin Judah kumpi Asa’ kum thumna kumin Baasha in Nadab that a, ama tangin amah in uk hi.

Hosea 13:10

Na kumpi ding uh leh na makai dingte uh nong ngen uh hi. Tu-in note hong hon dingin na hong nget uh na kumpipa uh koi-ah om a, note hong huh ding na makaite uh koi lai tung khin ahi uh hiam?

Micah 2:1

A lupna tungah lumin gitlohna a geelgeelte in gimna ngah ta hen. Zingsang khua a vak ciangin, a hih theih ding hun a ngah phetun, a ngaihsutsa uh gitlohnate semkhia uh hi.

Late 14:4

Topa’ tunga a ngen lo, an nek bang a ka mite a netum, siatna a bawlte in theihna nei lo ahi hiam?

Isaiah 64:4

Amah in a ngakte’ ading na a sempa’ thu tanglai pek panin kuamah in thei ngei lo, kuama bil in za ngei lo, kuama mit in nang sim loh Pasian dang mu ngei lo hi.

Isaiah 64:6

Kote khempeuh mawhnei mi ka hi khin uh a, ka gamtat hoih khempeuh uh zong puansianin tawh kibang veve hi. Kote khempeuh singteh bangin ka vul uh a, ka mawhna hangun, huih letkhiat nahthel keu ka bang uh hi.