Hosea 7:5 - Tedim Bible

⁵ I kumpipa in pawi a bawl ni-in amaute in uliante zu kham sakin haisak uh a, amau’ ngimna thei lopi-in kumpipa zong tua lakah hong kihel hi.

Tedim Bible Revision 2017

⁵ Kumpipa in pawi a bawl ni-in amaute in uliante zu khamsakin haisak uh a, amauʼ ngimna a thei lopi-in kumpipa zong tua lakah hong kihel hi.

Hosea 7:5 Referans Kwoze

Isaiah 28:1

Efraim minam zukhamte’ kisaktheihna leihoih zangkuam i lutunga kisuang, a vulgawp paak ahi, a vanglian ama hoihna tawh zukham a, a pukte’ kisak theihna tua kumpi lukhu in gim ngah ta hen!

Efesa 5:18

Hong khamsak thei leenggahzu tangin, Kha Siangtho tawh kidimin om un.

Marka 6:21

Tua nung ciangin a kilawm ni tung a, Herod’ suah ni-in a upate, galkap mangte, leh Galile gam za liante an a vak hi.

Mattiu 14:6

Tua nung ciangin Herod a suah ni a tun’ ciangin pawi kham a, Herodias’ tanu in pawi khamna-ah a lam ciangin, Herod a nuam hi.

Daniel 5:23

Vantung Topa langah na pang hi. A biakinnpi hai leh kuangte la-in sabuai tungah nangmah tawh, na u liante tawh, na zite leh na zi-neute uh tawh zu dawnna-in na zang uh hi. Theihna a neilo, a mu thei lo, khua a za thei lo, ngun, kham, sumngo, sik, sing leh suang tawh a kibawl pasiante’ min na phat uh hi. Na nuntakna leh na hihna khempeuh a hong uk Pasian na zahtak kei hi.

Paunak 20:1

Leenggahzu in kam tam sakin, khamtheih zu in kitawngsak a, zu khamna in haina ahi hi.

Paunak 13:20

Mipil tawh kikhawl lecin na pil ding a, mihai tawh kikhawl lecin gimna na thuak ding hi.

Late 69:12

Khua kongpi sung a tu mite’ gengen ka hi a, zukhamte in keimah la-in hong sa uh hi.

Late 1:1

Mi nuamsa i cih in, migilote’ thu a zui lo mi, mimawhte’ lampi-a ding lo mi, mi a thusim lote’ phual-a tu lo mi;

1 KUMPI MASATE 13:4

Beth-el a, biakna tau langpangin Pasian’ mipa’ thugenna kumpipa in a zak ciangin biakna tau panin Jeroboam in a khut zan a, “Amah lencip un,” a ci hi. Tua ciangin amah langpangin a zankhiat a khut keu cip ahih manin ama pum lamah a khut tonsak kik thei nawn lo hi.

Piancilna 40:20

A ni thum ni, Faro’ suah ni hunin, amah in a nasemte khempeuh’ adingin pawi khat kham a, an piapipa leh an huanpipa la khia hi.

Isaiah 28:14

Tua ahih ciangin Jerusalem khua sungah hih mite a uk, midangte a kote aw, Topa’ thu za un!

Hosea 7:3

Amaute in a zuaupi teng uh tawh kumpipa lungdamsak uh a, a khemna teng uh tawh a uliante nuam sak uh hi.