Hosea 7:16 - Tedim Bible

¹⁶ Amaute, kei lam hong nga loin, Baal pasian lam nga tawntung uh hi. A khakna san ding a kha thei lo thal peu tel tawh kibang uh hi. Amau’ kiphatsak pauna hangun a uliante uh namsau-in si ding uh a, Izipt mite in, amaute nuihsan lel ding uh hi.

Tedim Bible Revision 2017

¹⁶ Amaute, keiʼ lam hong nga loin, Baal pasianʼ lam nga tawntung uh hi. A khak nading san a kha thei lo thalpeu tel tawh kibang uh hi. Amauʼ kiphatsak pauna hangun a uliante uh namsau-in si ding uh a, Egypt mite in amaute nuihsan lel ding uh hi.

Hosea 7:16 Referans Kwoze

Hosea 9:3

Bang hang hiam cih leh Topa’ gam sungah na om suak kei ding uh a, Izipt gamah pai kikin, Assiria gam sungah an siang lo na ne ding uh hi.

Late 78:57

a pate uh mah bangin kiheikhia-in zuau gamtat uh hi; thal ginalo bangin amaute kihuiheek uh hi.

Ezekiel 23:32

Topa Pasian in hih bangin ci hi: Na u nu’ hai mah na dawn ding hi; tua hai golin thuk mahmah hi. A hai dim sitset ahih manin, mi khempeuh in hong simmawhin hong nuihsan ding uh hi.

Late 73:9

Amaute’ gensiatna in vantung ban a, kiliatsakna tawh leitungah thu gen kawikawi uh hi.

Hosea 9:6

Lungkhamna hun hong tungin, mite na kithehthang uh ciangin, Izipt mite in note hong saangin hong kaikhawm ding a, amau gam Memfis khuapi-ah vui ding bek na hi uh hi. Na inn na lote uh, kiak leh lopa in khuhcip lel ding hi.

Mangmuhna 13:5

Tua sahang kiangah a lianpi thute leh kosiatna thu tampi a gen thei muk ahi zongin, kha sawmli leh kha nih tawntung om nading thu ahi zongin, a pia hi.

2 PETER NIHNA 2:8

Tua midik pa in amaute lakah a omkhawm lai takin, amaute’ gitloh gamtatna ni simin a mit tawh mu-in, a bil tawh za ahih manin ama dikna lungsim nakpi-in a buai hi.

Jeim 3:5

Tua mah bangin leii in na neu ahih hangin alianpi nate a kisaktheihpih thei hi. Bang zah alian sing tampi a neu mahmah mei tawh a kikangsak thei hi cih no na en un.

Luka 8:13

Suang lakah a kiate in, thu a zak ciangin lungdamin a mang pahte ahi uh hi. Amaute in zung kip nei lo uh a, tawlkhat kikal a up uh hangin khemna a thuak uh ciangin a tawp kik uh hi.

Mattiu 12:36

Ke’n kong cih-inah, mite in mawkna kampauna khempeuh hangin thukhen ni ciangin teldotna a thuak ding uh hi.

Hosea 11:7

Ka mite in kei kiang panin pial ding ngaihsun tawntung ahih manin amaute in kol bulhna thuak ding uh a, kuamah in a kol sutsak lo ding hi.

Hosea 7:13

Amaute in kei hong taisanin hong lehdo ding uh ahih manin gimna ngahin siatna thuak ding uh hi. Amaute ka hotkhiat nop hangin amaute in kei hong lehgen zawsop uh hi.

Hosea 6:4

Israel leh Judah aw, note bang hong cih thei nawn ding ka hi hiam? Note’ hong itna in zingsang meiilum bangin theng pak a, a mangthang pak daitui tawh kibang lel hi.

Ezekiel 36:20

Ahi zongin midangte in, ‘Hih mite pen Topa’ mite hi napi-in, Pasian in amaute tungah a piak gam panin taikhia uh hi,’ ci-in a paina peuhpeuh uhah na kigen ahih manin, ka min siangtho hong daisak uh hi.

Jeremiah 18:18

Tua ciangin amaute in, “Hong pai un, Jeremiah sawm ni. Bang hang hiam cih leh eite hong hilh dingin siampite ahi zongin, i dot dingin mipilte ahi zongin, Pasian’ thu hong gen dingin kamsangte ahi zongin i nei hi. Hong pai un, amah mawhsakin ama’ thu peuhmah mal khat zong i mang kei ding hi,” a ci uh hi.

Jeremiah 3:10

Hih bang teng hi napi a sanggamnu, numei gina lo Judah, a lungsim khempeuh tawh hong kilehkik loin, a kilehkik hong kineih bek hi, Topa in kong ci hi,” hong ci hi.

Isaiah 3:8

Bang hang hiam cih leh, amau kampaute leh amau gamtatnate in Topa langpangin, a minthang ama omna dem uh ahih manin, Jerusalem khua kipukin, Judah gam kia hi.

Late 78:37

Amau lungsim uh ama lamah kip lo a, ama thuciamna-ah amaute thuman lo hi.

Late 57:4

Mihing tate, huaihamna tawh a netum humpinelkaite laizang ah ka om hithiat hi; amau hate in teipi leh thaltangte hi a, amau leite in namsau hiamte ahi hi.

Late 52:2

Zuau nasempa aw, na leii in mulkiatna temhiam khat tawh kibang hi.

Late 12:3

“I leii tawh gual zo ding i mukte eima neihsa; i to kua hiam?” a ci vial, kiphatsakna a piangsak leii, phat khemna muk khempeuh, Topa in atkhia ta hen.

Late 17:10

Amaute in hehpihna lungsim nei lo uh a, a kam uh tawh amaute kiphatsak pau uh hi.

Daniel 7:25

Amah in Sangpen Pasian langpan’ in thu gen ding a, Pasian’ mite a bawlsia ding hi. Amah in amaute’ biakna tawh kipawl thukham leh pawi bawlna hunte kheel sak ding hanciam ding a, Pasian’ mite in ama khut sungah kumthum leh a lang a om ding uh hi.

Hosea 11:5

Tua hi napi, kei lamah amaute hong kihei nuam lo uh ahih manin, Izipt gamah pai kikin, Assiria mite, amau’ kumpi hi ding hi.

Malakhi 3:13

Topa in hih bangin ci hi: “Kei tawh kisai-in na kam paunate uh khauh mahmah hi. Note in, ‘Bang kam pau ka hi uh hiam?’ na ci uh hi.

Malakhi 3:14

Note in, ‘Pasian’ na i sep a mawkna hi. Ama hong sawl bangin i sep hangin bang a kiman’na om a, i gamtatnasate hangin i dahna lim, Vanglianpen Topa’ mai-ah i lah hangin bang phattuamna om ahi hiam?

Late 12:5

Topa in, “Mizawng mi a neihsa kihawkkhia a, mi cimawh mi thuum ahih ciangin, tu’n ding-in, ama lunggulh lungmuan’na munah amah ka koih ding hi,” ci hi.

Jeremiah 42:18

“Bang hang hiam na cih uh leh a vanglian Topa, Israel mite’ Pasian in kong cih-inah: Jerusalem khua-a teeng mite’ tungah ka hehna leh ka thangpaihna a kibuak mah bangin Izipt gam na pai uh leh note tungah ka hehna hong kibua ding hi. Mite in note hong lipkhap ding a, kihaamsiatna-in hong zangin hong zahko ding uh hi. Note in hih mun na mu kik nawn kei ding uh hi, ci-in a gen hi,” a ci hi.

Hosea 9:4

Gam dangah na om lai takun Topa tungah leenggahzu tawh biakna na pia kei ding uh a, gan gawh biakna zong na bawl kei ding uh hi. Sihna phual-a annek bangin, na annekte un zong a ne teng hong ninsak ding hi. Na ante uh zong na gilvah nading bek uh hi ding a, Topa’ inn-ah khat zong na tun’ kei ding uh hi.