Hosea 7:11 - Tedim Bible

¹¹ Israel in a khem nop kawl vakhu hai tawh kibang hi. Izipt-te kiangah huhna va ngen masa uh a, tua ciangin Assiria-te kiangah va tai uh hi.

Tedim Bible Revision 2017

¹¹ Israel pen a khemnop kawl vakhu hai tawh kibang hi. Egypt-te kiangah huhna va ngen masa uh a, tua ciangin Assiria-te kiangah a va tai uh hi.

Hosea 7:11 Referans Kwoze

Hosea 12:1

Israel mite, a nung kawikawi huih tawh kibangin, sun tha pai-a a nasepna uh a mawkna ahi hi. Zuauna leh siatna lamsang bekbek khangsak uh hi. Assiria tawh kipawlna bawl uh a, Izipt tawh kizopna nei uh hi.

Hosea 5:13

Israel in ama ci natna kithei a, Judah in ama liamna a muh ciangin, kumpi lianpa kiangah huh ngen dingin Assiria gamah Israel va pai hi. Ahi zongin amah in amau’ natna na damsak thei lo a, a liamna uh zong na damsak thei tuan lo hi.

Hosea 11:11

Izipt gam panin vasa bangin lawp takin hong leeng ding uh a, Assiria gam panin vakhu bangin hong leeng ding uh hi. Tua ciangin keimah in amaute’ inn ngeisa-ah ka tun’pih kik ding hi, Topa in ci hi.

Hosea 4:11

Leenggahzu in ka mite’ thu ngaihsut theihna beisak hi.

Hosea 9:3

Bang hang hiam cih leh Topa’ gam sungah na om suak kei ding uh a, Izipt gamah pai kikin, Assiria gam sungah an siang lo na ne ding uh hi.

Hosea 14:3

Assiria mite in hong honkhia zo ngei lo ding a, sakol galkapte zong suan’in, ka nei kei ding uh hi. Kote’ bawlsa milimte pen Pasian hi, ka ci nawn kei ding uh hi. A cimawh mite in nangma tung panin hehpihna a ngah theih lam ka thei uh hi,” ci-in thu ngen un.

Jeremiah 2:36

Bang hangin na lungsim khel ziauziau na hi hiam? Assiriate in nang hong maizumsak ngei bangin Iziptte in zong hong maizum sak ding uh hi.

Jeremiah 2:18

Tu-in Izipt gamah na pai manin bang phattuamna ngah ding na hi hiam? Nail guntui va dawn lel ding na hi hiam? Assiria gamah na pai manin bang phattuamna ngah ding na hi hiam? Eufrates guntui va dawn lel ding na hi hiam?

Paunak 17:16

Mihaipa in thu ngaihsut theihna nei lo ahih manin, pilna zon’ nading sum tampi a zat hangin a phattuamna om lo hi.

Paunak 15:32

Kithuhilh ding a ut lote amahmah a kisusia hi a, kithuhilh ding a utte pil semsem hi.

Paunak 6:32

Ahi zongin numei tawh mawhte in thu ngaihsun thei lo mi hi a, amah leh amah a kisusia tawm ahi hi.

2 KUMPI NIHNATE 15:19

Assiria kumpipa Pul tua gam do dingin hong kuan hi; tua ciangin kumpi aana a letna a kipsak dingin a huh theih nading a deihna-in Menahem in Pul tungah ngun talen tulkhat pia hi.

Mattiu 10:16

“Ngia hon lakah tuute bangin no kong sawl hi. Tua ahih ciangin, note in gul bangin na pil un la, vakhu bangin gilo nei loin na om un.

Hosea 4:6

Ka mite in kei hong phawk lo uh ahih manin ka susia ding hi. No siampite in kei hong phawk nuam loin, ka thuhilhnate nial na hih manun ka siampi dingin kong deih nawn kei a, na tate uh zong siampi-in ka zang kei ding hi.

Hosea 5:4

Amaute’ gamtatna in a Pasian kiang uh zuansak thei lo hi. Amaute in nakpi takin biak nopna lungsim nei uh ahih manin Topa phawk kha lo uh hi.

Hosea 8:13

Amaute in gan tawh biak ding utin, a biakna sate ne nuam uh hi. Ahi zongin Topa ahi keimah ka hih leh amaute tungah ka lungkim kei a, amaute’ mawhna phawkin tua mawhnate hangin amaute daan ka pia ding hi. Izipt-ah amaute ka sawl kik ding hi.

Hosea 9:6

Lungkhamna hun hong tungin, mite na kithehthang uh ciangin, Izipt mite in note hong saangin hong kaikhawm ding a, amau gam Memfis khuapi-ah vui ding bek na hi uh hi. Na inn na lote uh, kiak leh lopa in khuhcip lel ding hi.

2 KUMPI NIHNATE 16:7

Tua ciangin Ahaz in Assiria kumpipa Tiglath-pileser kiangah kamtaite sawlin, “Keimah in na nasempa leh na tapa ka hi hi. Hong kuanto in la, keimah a hong sim Siria kumpipa leh Israel kumpipa’ kiang panin kei hong honkhia in,” a ci hi.

Hosea 12:2

Topa in Judah mite a mawhsak nading a thu om hi. Jakob a gamtatna tawh kizui-in daan pia ding a, ama gamtatna bangin thukkik ding hi.

Obadiah 1:7

Na pawl teng in hong khem zo uh a, gamgi ciang dong a hong hawlkhia zo uh hi; na pawlte teng in a hong zo khin ta hi. Na ankuang umpihte in na nuai-ah thang siah khin uh a, “A pilna koi-ah a om hiam?” a hong ci uh hi.