Hosea 7:10 - Tedim Bible

¹⁰ Israel mite’ kiphatsakna in amau’ langkhat ah teci pang hi. Ahi zongin hih thu khempeuhah zong, amau’ Topa Pasian ahi kei lamah hong kihei lo uh a, kei hong zong lo uh hi.

Tedim Bible Revision 2017

¹⁰ Israel miteʼ kiphatsakna in amauʼ lang khat ah teci pang hi. Ahi zongin hih thu khempeuh ah zong, amauʼ Topa Pasian ahi keiʼ lamah hong kihei tuan lo uh a, kei hong zong lo uh hi.

Hosea 7:10 Referans Kwoze

Hosea 5:5

Israelte’ kiphatsakna in amau mah’ siat nading ahi hi. Amau’ mawhna in amaute puksak ding a, Judah mite in zong pukpih ding uh hi.

Isaiah 9:13

Amaute a satpa’ lamah mite kihei lo a, Vanglianpen Topa zong lo uh hi.

ROM (Romans) 3:11

A thei khat beek a om kei hi. Pasian a zong mi khat beek a om kei hi.

Zekhariah 1:4

Na pu na pate uh bang nawn kei un. Nidanga kamsangte in amaute kiangah ka thu gen uh a, gamtatsia gamta loin, a mawh nawn lohna ding uh hilh uh hi. Ahi zongin amaute in ka thu ngai nuam loin, ka thu hong mang lo uh hi.

Hosea 7:7

A heh luatna uh tawh amau a ukte that lum uh hi. A kumpite uh khat khit khat a ban banin kithat a, ahi zongin kuamah in kei kiangah huhna hong ngen lo uh hi.

Hosea 6:1

“Hong pai un, Topa kiangah ciahkik ni; amah in eite hong balgawp hangin hong damsak kik ding a, eite hong liamsak hangin i liamnate hong tun’sak kik ding hilo ahi hiam?

Jeremiah 3:3

Tua hang mah-in guahtui kikang sak a, guah nunung hong zu lo hi; ahih hangin numei paktatte bang hi napi-in, na zum thei kei lailai hi.

Paunak 27:22

Mihai khat a sih dek dongin na satsat hangin, a hai ngei mah-in hai veve lai ding hi.

Late 53:2

A pil, Pasian a zong mi a om uh hiam cih a theih nadingin Pasian in vantung panin mihing’ tate en suk hi.

Late 14:2

A pil gamtat, Pasian a zong a om uh hiam cih a theih nadingin Topa in vantung panin mihing’ tate ensuk hi.

Late 10:4

Migilo in kiphatsakna maisuah tawh amah zong lo a, ama ngaihsutna khempeuh ah, “Pasian om kei,” ci hi.

Zefaniah 1:6

Lam pial a, kei hong zui nawn lote, thu dong dingin kei kiangah hong pai lote, ka susia ding hi,” ci hi.

Isaiah 9:12

A mai-a om Siria mite leh a nunga om Filistia mite in kamka-in Israel netum uh hi. Hih thute khempeuh hangin ama hehna dam zo nai lo a, ama khut kilamto lai hi.

Hosea 13:14

Leinuai-a misite’ omna-ah a pai nading uh panin honin, sihna panin tankhia ding ka hi hiam? Sihna aw, gimna na piakna-ah amaute ka hehpih kei hi. Leinuai-a mi site gam aw, na suksiatna-ah amaute ka khasiat kei hi.