Hosea 6:5 - Tedim Bible

⁵ Tua ahih manin note hong thuhilh ding leh note hong taii dingin ka kamsangte kong sawl hi. No ka mite’ gamtat ding ka deih zia kitel sinsen hi.

Tedim Bible Revision 2017

⁵ Tua ahih manin note a hong thuhilh ding le note a hong taii dingin ka kamsangte kong sawl hi. No ka miteʼ gamtat ding ka deih zia kitel sinsen hi.

Hosea 6:5 Referans Kwoze

Jeremiah 23:29

Ka kammal in mei tawh ahi zongin, suangtum a sat nen zo sek tawh ahi zongin kibang hilo ahi hiam? Topa in kong ci hi.

Jeremiah 1:10

Gam khempeuh leh kumpi khempeuhte’ tungah a botkhia ding leh a phelkhia dingin ahi zongin, a susia ding leh a suankhia dingin ahi zongin, a lam ding leh a phut dingin ahi zongin, tu ni-in za, nang kong pia zo hi,” hong ci hi.

Jeremiah 5:14

Tua ahih manin Topa, a vanglian Pasian in hong gen-inah: “Amaute in tu-a bangin gen uh ahih manin na kam sunga mei banga ka kuan’sak ka thute in sing tawh kibang hih minamte kangtum zaw ding hi.

Hebru 4:12

Bang hang hiam i cih leh, Pasian’ thu in nungta a, vangliatna nei a, lang nih a hiam namsau sangin hiamzaw a, nuntakna leh kha ahi zongin, guh-le-tang leh guhngeek ahi zongin, khenin pailet thei a, lungsim ngaihsutnate leh hanciamnate khempeuh a thei thei hi.

ROM (Romans) 2:5

Tua bangin na lungkhauh leh, a kisik nuam lo na lungsim mah bangin Pasian’ hehna leh Pasian’ thuman thukhenna a kilat Ni ciangin na pumpi tungah hehna na khol hi.

Mangmuhna 9:21

amaute thahnate, mi bumnate, numei leh pasal mawhnate, guktaknate zong a kisik kei uh hi.

Mangmuhna 9:15

Tua lai takin mi seh thumsuah seh khat thah nading tua nai, ni, kha, kum hun ading a kikoih khol vantungmi lite a kikhahkhia hi.

Mangmuhna 2:16

Tua ahih ciangin na kisikkik in. Tua bang ahih kei leh, nangma kiangah a manlangin kong pai ding a, ka kam sungpan a pusuak namsau tawh tua mite ka do ding hi.

Mangmuhna 1:16

A khut tak lamah aksi sagih a tawi hi. A kam sungpan a lang nih a hiam namsau a pusuak hi. A maitang meel in a tang pha mahmah ni tawh kibang hi.

Sawltak 7:31

Moses in tua lamdang na a muh ciangin a lungmang hi.

Zefaniah 3:5

Ahi zongin tua khuapi sungah Topa om a, a thuman na bek semin, a khial-in gamta ngei lo hi. Zingsang simin mihingte tungah pelh ngei loin thutang lak hi. Ahi zongin tua lai-a mihing thuman lote, a sia-in gamta teitei uh a, maizumna meel thei thei lo uh hi.

Ezekiel 43:3

Hih ka maang muhna pen, Pasian in Jerusalem khuapi susia dingin a pai lai-a ka muh leh Khebar Gun gei-a ka muh tawh kibang hi. Tua ciangin thakhatin leilak kiden’na-in ka boksuk hi.

Ezekiel 3:9

Suang khempeuh sangin a sakzaw, diamond suang zahin a sakin na lungsim kong bawl ding hi. Tua ahih manin hih a lehdo thei mite kihta kei in,” hong ci hi.

Jeremiah 13:13

Tua ciangin nangmah in amaute kiangah, ‘Topa in hong cih-inah, En un, David’ tokhom tung-a tu kumpite, siampite, kamsangte leh Jerusalem khua-a teeng mi khempeuh-a kipan gamsunga om mite khempeuh zu tawh kidim sakin ka khamsak ding hi.

Jeremiah 1:18

En in, hih gambup langah ding dingin, Judah kumpite, uliante, siampite leh hih gam mi khempeuh langpan’ dingin tu ni-in nang, khuapi muanhuai khat bangin ahi zongin, sik khuampi khat bangin ahi zongin, sumngo kulhpi khat bangin ahi zongin kong bawl hi.

Isaiah 58:1

“Na aw sit loin nakpi takin kiko in la, peengkul aw bangin gingsak in; ka mihingte tungah amau khialhnate gen in la, Jakob innkuan tungah amau mawhnate gen in.

Isaiah 11:4

a kitangsam mite thumanna tawh thukhensak ding a,, mizawngte’ thu a tangin khensak ding hi; ama kam pan a, molhtum tawh leitung mite daan kitat ding a, a muk pan a, a husan’na tawh mi gilote si ding uh hi.

Late 119:120

Nang kong zahtakna-in ka khuasikmul suak a, na thukhennate ke’n ka zahtak hi.

Late 37:6

Amah in na dikna khuavak bangin, na thumanna sun ni taang bangin hong lang sak ding hi.

JOB (Job) 34:10

“Ahi zongin no thu ngaihsun theite in ka thugenna hong ngai un. Pasian in gitlohna gamta ngei ding a, Vanglianpa in a man lo sem ngei peuhmah ding ahi hiam?

2 KHANG TANGTHU NIHNATE 21:12

Tua ciangin kamsang Elijah tung panin ama kiangah laikhak khat hong tung a, “Na pu David’ Pasian, Topa in hih bangin ci hi, ‘Na pa Jehoshafat’ lampi ahih kei leh Judah kumpi Asa’ lampi tawn loin,

2 KUMPI NIHNATE 1:16

tua ciangin ama kiangah, “Topa in hih bangin ci hi, “Bang hang hiam cih leh nangmah in Ekron pasian, Baalzebub kiangah thu dong dingin kamtaite na sawl khin hi, thu dot ding Israel sungah Pasian om nawn lo ahi hiam?Tua ahih ciangin tu-a na lupna panin nang na thokik nawn kei ding hi; nang na si taktak ding hi,’ ci hi,” a ci hi.

1 KUMPI MASATE 19:17

Jehu in Hazael’ namsau panin a suakta mipa that ding hi; Elisha in Jehu’ namsau panin a suakta mipa that ding hi.

1 KUMPI MASATE 18:17

Ahab in Elijah a muh ciangin, ama kiangah, “Nang in Israel mite a lungkhamsakpa na hi hiam?” a ci hi.

1 KUMPI MASATE 17:1

Tu-in Gileah gamsung Tishbe khua panin Tishbe mi Elijah in Ahab kiangah, “A mai-ah ka din’na Israel Pasian, Topa in a nungta ahih mah bangin keima thu tawh loin daitui ahi a, guah ahi zongin hong tung ding kumte sungah om lo ding hi,” a ci hi.

1 KUMPI MASATE 14:6

Ahih hangin Ahijah in amah kongkhak hong tun’ a khe ging a zak ciangin, “Hong tum in, Jeroboam zi aw; bang hangin midang khat kineih na hi hiam? Bang hang hiam cih leh nang adingin thu gik khat kei tungah hong kipia hi.

1 SAMUEL MASA 15:22

Tua ciangin Samuel in, “ Topa in meihal biaknate leh biakpiaknate, Topa’ thu man’ ding zahin deih ahi hiam? En in, biakpiakna sangin thuman’ ding hoihzaw a, tuutal thaute sangin thungaih ding hoihzaw hi.

1 SAMUEL MASA 13:13

Tua ciangin Samuel in Saul kiangah, “Na hai gamtat hi; amah in nang hong thupiak ahi Topa na Pasian’ hong thupiakna na zui kei hi; bang hang hiam cih leh tu-in Topa in Israelte tungah kumpi dingin nang leh na suan na khakte a kipsak suak ding ahi hi.

Piancilna 18:25

Thuman mite in mi gilote tawh a kibat nadingin mi gilote tawh thuman mite thah khawm ding, hi thei ahi hiam? Tua pen hi thei lo ding hi. Leitung khempeuh Thukhenpa a manin gamta lo ding ahi hiam?” ci hi.

Efesa 6:17

Gupna sik-lukhu khu un la, Pasian’ Thu ahi Kha Siangtho tem tawi un.

1 SAMUEL MASA 15:32

Tua ciangin Samuel in, “Amalekte’ kumpi Agag hih lai ka kiangah hong paipih in,” a ci hi. Tua ciangin Agag launa liin’na tawh ama kiangah hong pai hi. Agag in, “Sih ding lungkhamna hong tung taktak ta hi,” a ci hi.

1 SAMUEL MASA 15:33

Tua ciangin Samuel in, “Na namsau in numeite ta bei-in a bawl mah bangin na nu zong numeite lakah ta bei hi ding hi,” a ci hi. Tua ciangin Samuel in Topa mai Gilgal-ah Agag semnen hi.

Ezekiel 32:18

“Ezekiel aw, Izipt mi tampite’ hangin kapin thuum in. Mi site’ omna Leinuai gamah a vanglian minam dangte tawh pai sak in. Amaute kiangah hih bangin ci in:

JOB (Job) 15:30

khuamial panin suakta lo ding hi. Amah pen, a hiangte mei in a kattumsak, a pakte huih in a letkhiatsak singkung tawh kibang ding hi.

Ezekiel 11:4

Tua ahih ciangin Ezekiel aw, hih mite tungah thukhenna thu gen in,” hong ci hi.