Hosea 6:11 - Tedim Bible

¹¹ No Judah mite zong daan kong piak ding hun kiseh khin zo hi.

Tedim Bible Revision 2017

¹¹ No Judah mite zong gim kong piak ding hun kiseh khinzo hi. Ka mihingte a ngei uh bangsakkik ning,

Hosea 6:11 Referans Kwoze

Joel 3:13

Amaute gilo mahmah uh ahih manin, anlak huna buh at bangin at gawp un la, leenggahtui dawhna dim letin a luang leenggah cilna kuang sunga om leenggah bangin, tuancil gawp un.

Jeremiah 51:33

A vanglian Topa, Israel mite’ Pasian in kong gen-inah: Babilon mite tawlkhat khit ciangin anlak bangin a kila ding a, sual tunga ancil bangin, a kicilgawp ding hi.”

JOB (Job) 42:10

Job in a lawm thumte’ ading thu a ngetsak khit ciangin, Topa in Job citheisak kik a, ni danga a neih ngei zah nihin neihsa lamsa guan hi.

Mangmuhna 14:15

Tua lai takin vantungmi khat biakinnpi sungpan paikhia-in meii tungah a tu mi kiangah, “Na phiaukawi sawl in la, at in. Bang hang hiam na cih uh leh, at hun tung zo a, leitung gah a min zo a, kuai gawp zo hi,” ci-in nakpi-in a kiko hi.

Zefaniah 2:7

Judah mi a om laite in na gamsung luah ding a, amaute in tuu cin’na-in hong nei-in, Ashkelon khua sunga innte sungah zanin lum ding uh hi. Topa ahi amaute’ Pasian in amaute ompih ding a, amaute, citheisak kik ding hi.

Micah 4:12

Ahi zongin hih minamte in Topa’ lungsim tawng thei lo uh a, ancilna phualah anphalte kaihkhop bangin, kaikhawmin a cil gawp ding ahih lam phawk lo uh hi.

Late 126:1

Topa in Zion-ah eite hong ciahpih kik ciangin, i mang tawh kibang liang hi.

Late 85:1

Topa aw, nangma gam, na lungsim tawh kituak hi; Jakob’ nopsaknate a ngeina na bangsak kik hi.

Jeremiah 30:10

“Tua ahih manin Topa in kong cih-inah; Ka nasempa Jakob’ suante aw, lau kei un. Israel mite aw, patau kei un. Bang hang hiam cih leh gamlapi gam panin no kong honkhia ding a, na suan na khakte-uh’ saltan’na panin kong honkhia ding hi. Jakob’ suante hong ciahkik ding uh a, nuam takin a teeng kik ding uh hi. Kuamah in amaute a lausak nawn kei ding hi.