Hosea 6:1 - Tedim Bible

¹ “Hong pai un, Topa kiangah ciahkik ni; amah in eite hong balgawp hangin hong damsak kik ding a, eite hong liamsak hangin i liamnate hong tun’sak kik ding hilo ahi hiam?

Tedim Bible Revision 2017

¹ Amaute in, “Hong pai un, Topa kiangah ciahkik ni; amah in eite hong bal gawp hangin hong damsakkik dinga, eite hong liamsak hangin i liammate hong tunsakkik ding hi lo ahi hiam?

Hosea 6:1 Referans Kwoze

Thu-hilhkikna 32:39

“Tu-in thei un, Keimah a kicipa in Kei ka hi hi, Kei sim loh pasian dang om lo hi; ka that a, ka nungta sak hi; ka liam sak a, ka dam sak hi; ka khut sung pan a honkhia zo kuamah om lo hi.

JOB (Job) 5:18

Bang hang hiam cih leh amah in a liamsak hangin a liamma tun ding a, ama satna liamma a damsak ding hi.

1 SAMUEL MASA 2:6

Topa in thatin hingsak kik hi; amah in Leinuai-ah paipih sukin thoto sak hi.

Hosea 14:4

Ka mite tungah heh nawn lo ka hih manin ka mite ka kiangah ka sam kik ding a, lungsim takpi tawh amaute ka it ding hi.

Isaiah 55:7

mi gilopa ama gitlohna nusia sak un la, thuman lopa ama ngaihsutna nusia sak un; amah in a hehpih theih nadingin Topa tung leh i Pasian tungah amah paikik sak un, bang hang hiam cih leh a mawhna maisiangsak ding hi.

Jeremiah 30:17

Bang hang hiam cih leh Topa in kong cih-inah, na galte un note paampaih mi pawl, hong ci-in, ‘Kuama’ don loh Zion na hi hi,’ hong cih uh hangin note kong cidamkik sak ding a, na liammate uh ka damsak ding hi.

Isaiah 2:3

mi tampite hong pai-in: “Hong pai un, amah in ama zia-le-tongte eite hong hilh theih nading leh ama lampite i zuih theih nadingin Jakob’ Pasian’ inn, Topa’ mual-ah paito ni,” a ci ding uh hi. Bang hang hiam cih leh Topa in Zion panin thu hong gen ding a, Jerusalem khua panin Topa’ thuhilhna hong paikhia ding hi.

JOB (Job) 34:29

Pasian in bangmah hih het kei taleh zong, kuamah in Pasian mawhsak zo lo ding hi. Amah in hong maingat het kei leh zong, kuamah in bangmah cih zo tuan lo ding hi.

Hosea 14:1

Israelte aw, note’ Topa Pasian lamah kihei kik un. Na mawhna hangun note na puk khin uh hi.

Jeremiah 50:4

“Topa in kong cih-inah, tua ni tua hun ciangin Israel mite leh Judah mite kap kawmin, hong pai khawm ding uh a, Topa a Pasian uh hong zong ding uh hi.

Jeremiah 3:22

Topa in, “Hong kilehkik un, a zulhzau ka tate aw, na zulhzauna uh kong damsak ding hi,” a ci hi. Amau in zong, “En in, nang kiangah kong pai uh hi; bang hang hiam cih leh Topa kote’ Pasian na hi hi.

Isaiah 30:26

Tua tham loin, Topa in ama mite’ liamna tuamin ama satna meimate a damsak ni ciangin kha taang pen ni taang bang ding a, ni taang pen ni sagih sunga taang zah bangin a zah sagih-in taang ding hi.

Jeremiah 33:5

Ka hehna leh ka thangpaihna tawh ka thahlup ding misi luangte tawh a kidimsak dingin Khaldea mite in a hong sim ding uh hi. Bang hang hiam cih leh hih khuapi sunga om mite’ gitlohna hangin hih khuapi panin ka mai ka seel hi.

Late 30:7

Topa aw, nong deihsakna tawh mual kip bangin kei nong phut khin hi; na maitang na seel a, kei ka khasia hi.

Jeremiah 30:12

“Bang hang hiam cih leh Topa in kong cih-inah: Na liamna uh dam thei lo a, na meima uh nasia mahmah hi.

Isaiah 30:22

Tua ciangin note in ngun tawh a kizut na milimte uh leh kham a kiluan’ a kisung na milimte uh numei nindalna puan bang hi. Nin bangin tuate na thehthang ding uh a, tuate tungah, “Bei mang un!” na ci ding uh hi.

Zefaniah 2:1

A maizum thei lo minam aw, hoih takin thu ngaihsun in.

1 SAMUEL MASA 7:3

Tua ciangin Samuel in Israel mite khempeuh kiangah, “Na lungsim khempeuh uh tawh Topa lamah a kihei kik na hih uh leh note lak panin gamdang pasiante leh Ashtaroth milim koih khia-in Topa lamah na lungsim uh ngat un la, ama’ na bek sem un; tua ciangin amah in Filistiate khut sung panin note hong honkhia ding hi,” a ci hi.

JOB (Job) 16:9

Pasian in a hehna tawh hong balnen ngiingei a, a ha hong gawi sanin hong heh et hi.

Late 6:2

Topa aw, thanem ka hih manin kei tungah dikna hong zang in; Topa aw, ka guh ka tang na ahih manin hong dam sak in.

Late 71:20

Gimna lianpipite hong tuaksak nangmah in keimah nong hing kiksak ding a, lei thukpi sung panin nong lakhiato kik ding hi.

Thuhilh-sia 3:3

Gawh hun om a, khawi hun om hi. Phel hun om a, lam hun om hi.

Isaiah 17:7

Tua ni ciangin mite in amaute a Bawlpa pi ngaihsut ding uh a, amaute’ mit in Israelte’ Siangtho Pa en ding uh hi;

Jeremiah 33:6

Ahih hangin en in, keimah in hih khuapi ka damsak ding a, cidamin ka om sak ding hi. A mite cidam sakin nopna leh lungmuan’na a kicing ka lak ding hi.

Jeremiah 50:5

Zion khua lampi a dong ding uh a, tua khua lam maingat-in, ‘Hong pai un. A kimangngilh ngei nawn lo ding tawntung thuciamna khat Topa’ tungah ciam khawm dih ni,’ a ci ding uh hi.

Kah la 3:11

Amah in lam pamah hong delh khia a, a hong balnen khit ciangin a hong nusia hi.

Hosea 11:10

Humpinelkai bangin a galte uh ka hawksan gawp ding a, tua ciangin ka mite in kei hong zui ding uh hi. Nitumna lam gam panin kei kiangah hong nawh tai ding uh hi.

Hosea 12:6

Pasian’ huhna tawh note khempeuh kihei kik un la, thuman thutangin gam ta un. Pasian muang tawntung un.

Siampi Laibu 14:48

“Ahih hangin siampipa hong pai-in a vel a, a inn a kizut khit ciangin inn sungah natna a kizelh kei leh, tua ciangin siampipa in a natna a dam ahih manin inn siang hi, ci-in gen ding hi.

2 KHANG TANGTHU NIHNATE 30:6

Tua ahih ciangin kumpipa leh a uliante kiang pana laikhakte tawh Israel khempeuh leh Judah sungah laitaite pai uh a, kumpipa’ thupiakna, “Israel mite aw, Assiria kumpite’ khut sung panin a suakta, a om lai note lamah amah hong kihei kik theih nadingin Abraham, Isaak, leh Israel Pasian, Topa’ lamah kihei kik un.

JOB (Job) 22:23

Lungsim tak tawh Vanglianpa lamah kihei in la, na innsung pan gamtatsia khempeuh bei sak in la,

Hosea 3:5

Tua khit ciangin Israel mite in Topa amau’ Pasian leh a kumpipa uh David lamah hong kihei kik ding uh hi. Tua hun ciangin amaute in Topa zahtakin, ama letsongte sang ding uh hi.