Hosea 5:6 - Tedim Bible

⁶ A tuute uh leh a bawngte uh tawh Topa tungah biakna pia dingin paipih ding uh a, ahi zongin a mawkna suak ding hi. Topa in amaute nusia khin ahih amanin amah mu zo lo ding uh hi.

Tedim Bible Revision 2017

⁶ Topa tungah biakna-in piak dingin a tuute uh le a bawngte uh paipih ding uh a, ahi zongin a mawkna suak ding hi. Topa in amaute nusia khin ahih manin amah mu zo lo ding uh hi.

Hosea 5:6 Referans Kwoze

Johan 7:34

Nong zon’ uh hangin nong mu kei ding uh hi. Ka omna mun nong tung zo kei ding uh hi,” a ci hi.

Paunak 1:28

Tua bang hun ciangin kei nong sam ding uh a, ahi zongin kong dawng kei ding hi. Lim takin kei nong zong ding uh a, ahi zongin koi mah-ah nong mu kei ding uh hi.

Ezekiel 8:6

Tua ciangin amah in, “Ezekiel aw, amaute’ gamtatnate na mu hiam? Israel mite in a bawl uh a muhdahhuai gamtatnate, ka mun siangtho panin a gamla semsem-ah kei hong nawhkhiatnate en in . Hihte sangin a mindaihuai zaw nangawn na mu lai ding hi,” hong ci hi.

Kah la 3:44

Na hehna in meiipi zahin sah lua ahih manin, ka thungetna uh na kiang a hong tung zo kei hi.

Jeremiah 7:4

‘Hih in Topa’ biakinn ahi hi, Topa’ biakinn ahi hi, Topa’ biakinn ahi hi,’ a kicici zuauthute um kei un.

Paunak 15:8

Topa in migilote’ biakpiakna kihhuai sa a, thuman mite’ thungetna-ah lungdam hi.

Luka 5:16

Ahih hangin amah gampa lakah pai a, thu a ngen hi.

Jeremiah 11:11

Tua ahih ciangin Topa in kong cih-inah, en un, a suahtak theih loh uh gimna amau’ tungah ka tungsak ding a, kei kiangah a hong kap liang uh zongin ka dawng nawn kei ding hi.

Isaiah 66:3

“Biakna-in bawngtal a gopa in mihing zong that hi; biak piakna-in tuuno a gopa in ui ngawng zong tan hi; an tawh biak piakna a bawlpa in vok si zong pia hi; paknamtui tawh phawkna biak piakna a bawlpa in milim zong bia-in thupha pia hi. Hih mite in amau’ ut bang ciatin gamta uh a, amau’ kihhuai gamtatna uhah nuam sa uh hi.

Solomon la 5:6

Ka ngaihno, lutsak dingin kong ka hon’ a, amah na taikhia khin ta hi. Amah a taikhiat manin ka dah lua a, amah ka zon’ hangin ka mu kei a, amah ka sap hangin hong dawng lo hi.

Paunak 21:27

Topa in migilote’ biakpiakna deih lo hi; ngimna hoih lo tawh a piakte uh deih lo kanlai hi.

Paikhiatna 10:9

Moses in, “Ka khangnote uh leh ka khanghamte uh tawh ka paikhawm ding uh hi; ka tapate uh, ka tanute uh, ka tuuhonte uh leh ka bawnghonte uh tawh ka pai ding uh hi; bang hang hiam cih leh Topa’ adingin pawi khat ka kham ding uh hi,” a ci hi.

Micah 3:4

Topa tungah huhna ngenin na kiko hun uh hong tung ding a, ahi zongin amah in note hong dawng lo ding hi. Note gamtatsia na hih manun, na ngetna uh hong ngai lo ding hi.

Ezekiel 8:18

Tua ahih manin amaute in ka heh mahmahna thuak ding uh a, amaute ka zah kei ding a, zong ka khasiat kei ding hi. Amaute in a tha neih tawpun kei tungah thu hong nget uh hangin amaute’ thungetna ka ngai kei ding hi,” hong ci hi.

Jeremiah 11:14

“Tua ahih manin Jeremiah aw, hih mite ading thungetsak kei in la, amau’ taangin thuumsak kei in. Bang hang hiam cih leh amau gim ngah a, hong sap uh ciangin ka ngai kei ding hi.

Jeremiah 14:12

An a tan’ uh hangin amau’ thuumna ka ngai kei ding a, meihal biakna leh an tawh biaknate hong piak uh hangin ka sang kei ding hi. Amaute namsau tawh ahi zongin, kial tawh ahi zongin, pulnatna tawh ahi zongin ka sisak zaw ding hi,” hong ci hi.

Hosea 8:13

Amaute in gan tawh biak ding utin, a biakna sate ne nuam uh hi. Ahi zongin Topa ahi keimah ka hih leh amaute tungah ka lungkim kei a, amaute’ mawhna phawkin tua mawhnate hangin amaute daan ka pia ding hi. Izipt-ah amaute ka sawl kik ding hi.

Malakhi 1:10

Vanglianpen Topa in, “Ka biakna tau tungah, bangmah-a a kimang lo mei na tawh mawkmawk theih loh nadingun, note khatpeuh in biakinn kongkhakte khak le uh cin ka ut hi. Note tungah ka lungkim kei a, nong puak uh biak piaknate kong sang kei ding hi.

Amos 8:12

Mihingte, leilu pan leitaw dong, nisuahna pan nitumna dong, Topa’ thu kanin vak kawikawi ding uh a, ahi zongin mu zo lo ding uh hi.