Hosea 5:5 - Tedim Bible

⁵ Israelte’ kiphatsakna in amau mah’ siat nading ahi hi. Amau’ mawhna in amaute puksak ding a, Judah mite in zong pukpih ding uh hi.

Tedim Bible Revision 2017

⁵ Israel-teʼ kiphatsakna pen amau mahʼ siat nading ahi hi. Amauʼ mawhna in amaute puksak dinga, Judah mite in zong puk pih ding uh hi.

Hosea 5:5 Referans Kwoze

Hosea 7:10

Israel mite’ kiphatsakna in amau’ langkhat ah teci pang hi. Ahi zongin hih thu khempeuhah zong, amau’ Topa Pasian ahi kei lamah hong kihei lo uh a, kei hong zong lo uh hi.

Amos 5:2

Israel puk khin a, thokik ngei nawn lo ding hi. Lei lakah lum dildel a, a phongto ding kuamah om lo hi.

Luka 19:22

A topa in, ‘Nasem gilopa aw, nangma kam sung panin thu kong khen ding hi. Keimah in mi haksa ka hi a, ka koih lohna pan ka lak leh ka vawh lohna-ah ka at hi ci-in na thei hi.

Mattiu 23:31

Tua bang na hih uh ciangin, note in Pasian’ kamsangte a that mite’ tate na hi uh a, no langkhatah teci na pang uh hi.

Hosea 14:1

Israelte aw, note’ Topa Pasian lamah kihei kik un. Na mawhna hangun note na puk khin uh hi.

Hosea 8:14

Bang hang hiam cih leh Israel mite in amau a Piangsakpa mangngilh uh a, inn lianpipite lam uh hi. Judah mite in zong kulh nei khuapi tampi lam thuah uh hi. Keimah in tua khuapite mei tawh halin a inn lianpite uh ka kangtumsak ding hi, ci hi.

Hosea 5:14

Humpinelkai’ sukgawp bangin Israel leh Judah ka sugawp ding hi. Keimah teekteek in amaute balgawpin ka paisan ding hi. Amaute ka tal kaih gawp ding a, kuamah in hon zo lo ding hi.

Hosea 4:5

Na nasepnate uh a sun a zan cih om loin, a kiman’na mel om lo hi; kamsangte zong note bangmah hi lel hi. Na nu uh Israel ka susia ding hi.

Jeremiah 14:7

Ka mite in kei tungah, “Topa aw, ka mawhna-un in kote’ lang khatah hong pang ahi ta zongin, nangma’ min hangin hong hehpih in. Kote in tam veipi kong nungngat uh a, nang tungah kong khial zo uh hi.

Isaiah 59:12

Bang hang hiam cih leh nangma tungah kote’ thu-palsatnate tampi pha a, ka mawhnate uh in kote’ langah teci hong pang hi; kote’ thu-palsatnate, ka mawhnate uh ka thei uh hi.

Isaiah 44:9

Milim a bawl mite khempeuh a mawkna hi a, amau’ deih milimte in phattuamna piangsak lo hi; milim a biate in khuamu thei lo, thu theithei lo a, amaute in maizumna thuak uh hi.

Isaiah 3:9

Amau’ maiput in amau langah teci pang hi; Sodom bangin amaute in a mawhna uh genkhia uh hi, amaute in iim lo uh hi. Amaute in gimna ngah ta hen! Bang hang hiam cih leh amaute in amau tung mah ah siatna kitun’ uh hi.

Paunak 30:13

Mihoih pha mahmah-a a kingaihsun, a kiliansak mi pawlkhat om hi.

Paunak 24:16

Mihoihte, sagih vei dong a puk hangin thokik kik thei a, migilote ahih leh tuahsiatna tuakin kithallot hi.

Paunak 14:32

Migilopa, ama tatsiatna in puksak a, mihoihpa, ama hoihtatna in hu hi.

Paunak 11:21

Migilote in daan a thuak hamtang nading, midikte daan tawh a kipelh nading thei in.

Paunak 11:5

Thumanna in midikte’ nuntakna a nuam zaw-in piangsak a, migilote in amau’ gitloh mah puklawh uh hi.

Jeremiah 2:19

Na gitlohna mah in nangmah hong thu hilh ding-a, na thu up nawn lohna in nangmah hong mawhsak ding hi. Topa na Pasian nong nusiat ciang, kei nong kihtak nawn loh ciangin, nuam hetlo-a kha keei hi, cih thu thei in la, mu in, a vanglian Topa Pasian in kong ci hi.

Isaiah 3:8

Bang hang hiam cih leh, amau kampaute leh amau gamtatnate in Topa langpangin, a minthang ama omna dem uh ahih manin, Jerusalem khua kipukin, Judah gam kia hi.

Hosea 14:2

Topa’ lamah kihei un la, “Ka mawhna khempeuh uh hong maisak in la, kong thuumna uh hong ngai in. Ka kam pauna bangun kong gamta ding uh hi.