Hosea 5:4 - Tedim Bible

⁴ Amaute’ gamtatna in a Pasian kiang uh zuansak thei lo hi. Amaute in nakpi takin biak nopna lungsim nei uh ahih manin Topa phawk kha lo uh hi.

Tedim Bible Revision 2017

⁴ Amauteʼ gamtatna in a Pasian kiang uh zuansak thei lo hi. Amaute in nakpi takin milim biaknopna lungsim nei uh ahih manin Topa phawk kha lo uh hi.

Hosea 5:4 Referans Kwoze

Hosea 4:12

Ka mite in aisanin sing them peuh thu dotin nei uh a, amau thu theih nopte, ciangkang peuhin gen tazen hi. Amaute in kei hong taisan uh a, a paktat numei bangin pasian dangte zuan uh hi.

Johan 16:3

Amaute in ka Pa thei loin kei zong hong thei lo uh ahih ciangin, tua thu a bawl ding uh hi.

Johan 8:55

Note in tua Pasian na thei kei uh hi. Ahih hangin ke’n ahih leh, ka thei hi. Ka thei kei hi ci leng, note bangin zuauthu gen ka hi ding hi. Ahih hangin tua Pasian thei-in ama thu ka ngai hi.

Hosea 4:6

Ka mite in kei hong phawk lo uh ahih manin ka susia ding hi. No siampite in kei hong phawk nuam loin, ka thuhilhnate nial na hih manun ka siampi dingin kong deih nawn kei a, na tate uh zong siampi-in ka zang kei ding hi.

Hosea 4:1

Israel mite aw, Topa’ thugen ngai un. Hih gamsung a a teeng mite tungah Topa lungkim lo a, hih bangin mawhsak hi: Hih gam sungah cihtakna ahi a, itna ahi zongin om lo a, mite in kei pen Pasian-in hong ngaihsun lo uh hi.

Jeremiah 50:38

Guahzu kei hen la, a gunte uh kang hen! Bang hang hiam cih leh milim biakna gam hi a, milimte a hailawh uh hi.

Jeremiah 24:7

Keimah Topa ka hih lam theihtheihna lungsim ka pia ding hi. Amaute in a lungsim khempeuh uh tawh kei kiangah hong kileh ding uh ahih manin amaute ka mi ahi ding uh a, keimah in amaute’ Pasian ka hi ding hi.

Jeremiah 9:24

A kisa theite in, keimah, leitungah migitna, thumanna leh thu tan’na zang ka hihna leh tuate sungah nuam a sapa ka hi hi, cih hong telna leh hong theihna uhah kisathei uh hen,” Topa in kong ci hi.

Jeremiah 9:6

Khat khit khat-in mite a bawl sia uh a, zuau zong a phuakphuak uh hi. Kei hong thei nuam lo uh hi, Topa in ci hi.

Late 9:10

Topa aw, nangmah hong zongte nusia lo na hih manin, na min a theite in nang hong muang hi.

1 SAMUEL MASA 2:12

Tu-in Eli’ tapate in bangmah man lo mite ahi uh hi; amaute in Topa zahtakna nei lo uh hi.

Hosea 4:14

Na tanute uh a paktat manun daan ka pia kei ding a, na mote uh midang tawh a mawh manin zong daan ka pia tuan kei ding hi; bang hang hiam cih leh note mahmah numei paktatte tawh na mawh uh a, biakinn numeite tawh nu-le-pa mawhna biakna na bawl uh hi. Paunak-ah, “Thu hoih phawk theihna a nei lo mite in siatna thuak ding hi,” kici hi.

Hosea 7:11

Israel in a khem nop kawl vakhu hai tawh kibang hi. Izipt-te kiangah huhna va ngen masa uh a, tua ciangin Assiria-te kiangah va tai uh hi.

Hosea 13:13

Israel mite, naungeek bangin a suah khiat hun tung khin napi-in, a hai luat manin suak khia loin a nu sung mahah omom lai hi.

Hosea 4:11

Leenggahzu in ka mite’ thu ngaihsut theihna beisak hi.

Hosea 8:11

Israel mite in mawh maisak nading mun biakna tau tam bawl semsem leh mawh nading mun tam a behlap semsem suak zawsop uh hi.