Hosea 5:12 - Tedim Bible

¹² Tua ahih manin Israel ka beitumsak ding a, Judah ka beimang sak ding hi.

Tedim Bible Revision 2017

¹² Tua ahih manin Israel ka beitumsak dinga, Judah ka beisak mang ding hi.

Hosea 5:12 Referans Kwoze

Isaiah 51:8

Bang hang hiam cih leh nget in puan a nektum bangin amaute beimang ding a, lungno in samul puan a pehtum bangin amaute maimang ding hi; ahih hangin keima dikna om tawntung ding a, khang tawntungin ka hotkhiatna kip ding hi.”

JOB (Job) 13:28

Tua huhau-in singmuat bangin ka puk a, nget in a nek puan bangin ka zangawp hi.

Jonah 4:7

Ahih hangin a zingsang khuavak ciangin Pasian in tua umgui lungno khat nesak-a a keu hi.

Isaiah 50:9

En un, Topa Pasian in kei hong huh hi; kua in kei mawh hi ci-in gen thei ding ahi hiam? En un, amaute khempeuh puan bangin paatkhia ding uh hi; nget in amaute netum ding hi.

Paunak 12:4

Zi hoih in a pasal’ minthan’na leh lungdamna hi a, a pasal a maizumsak zi in a pasal adingin a dam thei lo guhnatna tawh kibang hi.

Late 39:11

Mawhna hangin mi satin na tai ciangin, nget in a nektum bangin ama na manpha na beisak hi; mi khempeuh in husan’ khat bang bek hi takpi hi.

Isaiah 5:24

Tua ahih ciangin, mei in buhkung keute kangtum a, meikuang sungah lopa keute a kattum bangin, amaute’ zung pen muatna hi ding a, amaute’ pak palhte pen leivui bangin van-ah leengto ding hi; bang hang hiam cih leh Vanglianpen Topa’ thu nialin, Israelte’ Siangtho Pa’ thu simmawh uh hi.