Hosea 4:4 - Tedim Bible

⁴ Kuamah in mite mawhsakin, mite taai kei hen. Kei’ lungkim lohna no siampite tung ahi hi.

Tedim Bible Revision 2017

⁴ Kuamah in mihonte mawhsak kei henla, mihonte taii kei hen. Keiʼ lungkim lohna no siampiteʼ tung ahi hi.

Hosea 4:4 Referans Kwoze

Thu-hilhkikna 17:12

Topa note’ Pasian mai-ah na sem dingin a ding siampipa’ thu ahi a, thukhenpa’ thu ahi zongin man’ lohna tawh a khengval a, gamta mipa si ding hi; tua bangin Israelte sung panin gitlohna na siangsak ding uh hi.

Amos 5:13

Tua ahih manin hih bang hun siat hun lai takin, thu ngaihsun thei mite pau loin a om khikhe, lamdangsak ding hi lo hi.

Hosea 4:17

Israel mite, milim biak uuk lua uh a, cih theih hi lo hi.

Amos 6:10

Mi khatpeuh a sihna inn panin, mi si pua khia-in a vui dingin, a behte khatpeuh hong pai ciangin, innsung tawng-a a bu mi khatpeuh kiangah, “Hih lai-ah a si dang a om hiam?” ci-in a dot ciangin, “Om lo hi, pau kei in. Topa’ min na lawh khak ding kidawm in,” ci-in kidawng kik ding hi.

Ezekiel 3:26

Na leii ka zawsak ding a, hih a lehdo thei mite na thuhilh thei kei ding hi.

Jeremiah 18:18

Tua ciangin amaute in, “Hong pai un, Jeremiah sawm ni. Bang hang hiam cih leh eite hong hilh dingin siampite ahi zongin, i dot dingin mipilte ahi zongin, Pasian’ thu hong gen dingin kamsangte ahi zongin i nei hi. Hong pai un, amah mawhsakin ama’ thu peuhmah mal khat zong i mang kei ding hi,” a ci uh hi.

Amos 5:10

Note in thukhen zumah thutang a deihpa na mudah uh a, thuman a genpa na hua uh hi.