Hosea 4:16 - Tedim Bible

¹⁶ A kizualsak zo lo bawngla bangin Israel mite phengphi uh ahih manin, lonona munah tuunote an vak bangin amaute bangci an vak ding ka hi hiam?

Tedim Bible Revision 2017

¹⁶ A kizualsak zo lo bawngla bangin Israel mite phengphi uh ahih manin, lo nona munah tuunote an vak bangin amaute bangci vak ding ka hi hiam?

Hosea 4:16 Referans Kwoze

Zekhariah 7:11

Ahi zongin amaute in mang nuam het lo uh a, hih thute ngaihsutin zong nei nuam lo uh hi.

Hosea 11:7

Ka mite in kei kiang panin pial ding ngaihsun tawntung ahih manin amaute in kol bulhna thuak ding uh a, kuamah in a kol sutsak lo ding hi.

Jeremiah 14:7

Ka mite in kei tungah, “Topa aw, ka mawhna-un in kote’ lang khatah hong pang ahi ta zongin, nangma’ min hangin hong hehpih in. Kote in tam veipi kong nungngat uh a, nang tungah kong khial zo uh hi.

Jeremiah 8:5

Tua ahih leh bang hangin hih mite lam khial-in nungkin paisuak lawmlawm uh ahi hiam? Amau in pasian zuau milimte lenkip uh a, hong kilehkik nuam lo uh hi.

Jeremiah 7:24

Ahih hangin amaute in ka thu hong mang lo uh a, a bil uh hong ngat lo uh hi. Amau’ gitlohna lungsim uh zui-in amau’ thuthu-in a omzaw uh a, mainawt loin a nungkin zaw uh hi.

Jeremiah 5:6

Tua ahih manin tuulak panin humpi khat in amaute that ding a, sehnel gam panin keivom khat in a petgawp ding hi. Kamkei khat in a khuapite uh vil gige a, a pusuak khia peuhpeuh balzan gawp ding hi; bang hang hiam cih leh amaute’ mawhna uh tamlua a, kei hong taisan mun lua uh hi.

Jeremiah 3:11

Tua ciangin Topa in kei hong hopih-a, “A zulhzau Israel in numei gina lo Judah sangin a mawhna tamzaw hi.

Jeremiah 3:8

A zulhzau Israel, midang tawh a khialhna hangin kimaakna lai pia-a ka hawlkhiat zong amah in a mu hi. Ahih hangin numei gina lo Judah lau tuanloin pai a, amah zong numei paktat khat mah a va suak veve hi.

Jeremiah 3:6

Kumpipa Josiah a maan’ laitakin Topa in kei hong hopih a, “A zulhzau Israel, mual sang tung khempeuh-ah pai a, sing liim nuai khempeuh ah numei paktat banga om kawikawina na mu khin zo hiam?

Isaiah 22:18

hong pingpeipei ding a, lei tanzau munah bawlung bangin hong lawn ding hi; na topa’ inn sung’ adingin maizumna ahi nang pen tua munah si-in, na kisaktheihpih na sakol leengte lakah na tuk ding hi.

Isaiah 5:17

Tua ciangin tuunote in amau’ tatna gamlak mun bangin lopa ne ding uh a, a thau ganhingte leh keelnote in a siasa khuapi sungah gamta ding uh hi.

1 SAMUEL MASA 15:11

“Kumpi-in Saul ka koih ka kisik hi; bang hang hiam cih leh amah in keimah zuihna panin kihei kik a, ka thupiaknate sem lo hi,” a ci hi. Tua ciangin Samuel heh hi; zan tawntung Topa’ tungah kiko hi;

Siampi Laibu 26:33

Keimah in minamte lakah note kong thehthang ding a, keimah in namsau a paai panin dokin note kong delh ding hi; na leitang uh gamkhing hi ding a, na khuapite uh a sia hi ding hi.

Isaiah 30:23

Amah in, khaici na tuh nadingun guah hong zusak ding a, lei pan-a piang an hoih tampi tak hong pia ding hi. Tua ni ciangin gankhahna mun zaina-ah na ganhingte un lopa ne ding uh hi;

Jeremiah 31:18

Efraim’ kahna aw ka za zo a, ‘Topa aw, bawngtal sin loh bangin keimah nong thuhilh khin zo hi. Kong ciahkik theih nadingin hong la kik in, bang hang hiam cih leh nangmah in Topa ka Pasian na hi hi.

Hosea 10:11

Israel in lim takin a kihilhsa, an a cil nuam bawngla tawh kibang hi. Ahi zongin a etlawm a ngawng zangah kol bulhin lo khawhsak ding ka ngaihsun hi. Lo khawhna leeng, Judah ka kaisak a, lei kalhkhapna singka, Israel ka kaisak hi.

Hosea 11:6

Galte in a khuapi sung uh luhin, a khuapi kulh kongpi zawlte uh suktansak ding hi. Ka mite in thuhoih lo zui kha uh ahih manin gal in susia mang ding hi.