Hosea 4:13 - Tedim Bible

¹³ Amaute in mual sangte’ dawn-a biakna munte-ah biakna pia uh a, a nuai liim hoih ahih manin mual neute tungah a po tawsaw kung, poplar kung, leh terebinth kungte nuai-ah paknamtui halin bia uh hi. Tua thu hangin na tanute uh numei paktat suak uh a, na mote un midang tawh mawhna a bawl uh hi.

Tedim Bible Revision 2017

¹³ Amaute in mual sangte dawna biakna munte ah biakna pia uh a, a nuai liim hoih ahih manin mual neute tungah a po tawsaw kung, poplar kung le terebinth kungte nuai ah paknamtui halin a bia uh hi. Tua thu hangin na tanute uh numei paktat suak uh a, na mote un midang tawh mawhna a bawl uh hi.

Hosea 4:13 Referans Kwoze

Isaiah 1:29

Bang hang hiam cih leh tawsaw kungte na biakna hangun note na maizum ding uh a, biakna huan na bawlna hangun zahhuai-in na mai uh san ding hi.

Ezekiel 6:13

Milimte lak leh biakna tau kim-ah siluang hawm kithehthang ding a, mual sang tung teng, mualdawnzang teng, singniim nuai citeng, tawsaw kung lian nuai khempeuh, leh milim biakna-in paknamtui a halna uh mun khempeuh ah siluang hawm om ziazua kawikawi ding hi. Tua ciangin Topa ka hih lamtak mi khempeuh in thei ding uh hi.

Jeremiah 3:6

Kumpipa Josiah a maan’ laitakin Topa in kei hong hopih a, “A zulhzau Israel, mual sang tung khempeuh-ah pai a, sing liim nuai khempeuh ah numei paktat banga om kawikawina na mu khin zo hiam?

Amos 7:17

Amaziah aw, tua bangin kampau na hih manin Topa in nang kiangah, “Na zi pen khua sungah numei paktat suak ding a, na tate, gal sungah si ding uh hi. Na gam kiphelkhamin midang tungah kipia ding a, lawkite gam sungah nang na si ding hi. Israel mite, gal matin kipai khiatpih ding hi,” ci hi,” a ci hi.

Hosea 11:2

Ahi zongin tapa bangin limbawl semsem leng, kei kiang panin gamla pai semsem hi. Ka mite in Baal tungah biakna pia uh a, milim biakna-in paknamtui hal uh hi.

Hosea 2:13

Kei hong mangngilh tan vei sung, Baal pasian tungah paknamtui a hal tan vei sung, leh a pasal it dangte tawh kikhawl dingin a manpha kizepna a tuamtuamte tawh a kizep hun tan vei sung zah mah daan ka pia ding hi.

Ezekiel 16:25

Na meel hoihna beelmang na kizutnelh hi. Na kimuhpih peuhpeuh tungah na pumpi na kipia a, a ni ni-in na paktatna na khan’ semsem hi.

Ezekiel 16:16

Na puan pawl khatte, na biakna mun zep nadingin na zang a, numei paktat bangin mi citeng tungah na pumpi na pia hi.

Jeremiah 3:13

Na mawhna na phawk ding bek kisam hi, Topa na Pasian na langpan’na, singliim nuai khempeuh-ah khualmite tawh na khialh kawikawina leh ka thu nong man’ lohnate pulak in, Topa in kong ci hi.

Jeremiah 2:20

“Sawt pek lai-a kipanin ka hakkol kuaitan-in ka ukna nong nial a, hong kihenna khau sutat-in, ‘Na na ka sem kei ding hi,’ nong ci hi. Hi hi, numei paktat na bang a, mualsang tung teng leh singliim nuai tengah milim na bia kawikawi hi.

Isaiah 57:7

A lian a sang mual tungah nu-le-pa mawhna na bawl uh a, tua munah biakna pia dingin na paito uh hi.

Jeremiah 44:8

Note in si-in, leitunga minam dang khempeuhte in kihaamsiatna-a hong zat ding uh leh a hong simmawh nadingun bang hangin na khut uh tawh milim bawl-in na teen’ nadingun na zuat uh Izipt gamah pasian dangte’ kiangah paknamtui hal-in kei hong hehsak na hi uh hiam?

Hosea 10:8

Israelte in milim bia-in mawhna a bawlna munte kisusia ding a, a biakna taute uh tungah ling leh kiak po ding hi. Tua ciangin mite in mual liante kiangah, “Hong vuk cip un,” ci ding uh a, mual neute kiangah, “Hong deng cip un,” ci ding uh hi.

2 KUMPI NIHNATE 17:7

Hih thu a pian’na in, Israel mite in Izipt kumpipa Faro’ khutnuai Izipt gam panin amaute a paikhiatpih a Pasian uh Topa’ tungah khial a, pasian dangte kihta-in

2 KUMPI NIHNATE 23:7

Tua ciangin amah in numeite in Asherah milim’ adingin a kikhaite a gatna mun Topa’ inn sunga om a paktat pawlte’ innte phelkhia hi.