Hosea 4:11 - Tedim Bible

¹¹ Leenggahzu in ka mite’ thu ngaihsut theihna beisak hi.

Tedim Bible Revision 2017

¹¹ Leenggahzu in ka miteʼ thungaihsut theihna beisak hi.

Hosea 4:11 Referans Kwoze

Paunak 20:1

Leenggahzu in kam tam sakin, khamtheih zu in kitawngsak a, zu khamna in haina ahi hi.

Luka 21:34

“Note na kikeem ta un. Ahih kei leh, annek tuidawn hih nuntakna leh lungman’na hangin na lungsim uh a gim lai takin, tua Ni in thang kisai bangin note tungah a hong tung ding hi.

Isaiah 28:7

Hih mite zong leenggahzu tawh hoi-in kham theih zu tawh awn uh hi: siampite leh kamsangte nangawn zu khamin hoi uh hi. Kamsangte in zu kham lua ahih manin Pasian’ muhsak mangmuhnate thei thei lo uh a, siampite in zong zu kham lua uh ahih manin a thukhen dingte uh khen thei lo uh hi.

Hosea 4:12

Ka mite in aisanin sing them peuh thu dotin nei uh a, amau thu theih nopte, ciangkang peuhin gen tazen hi. Amaute in kei hong taisan uh a, a paktat numei bangin pasian dangte zuan uh hi.

Isaiah 5:12

Amaute in a pawi sung uhah laiza la sakna leh harp la sakna, khuang, tamngai leh leenggahzu tampi nei uh hi; ahih hangin amaute in Topa’ sepnate don lo uh a, a khut tawh a bawlte zong mu lo uh hi.

Thuhilh-sia 7:7

Mipil khat in midangte a khem ciangin, mihai bangin a gamta ahi hi. Sumgolh lakna in a lapa’ gamtat hoihna siasak hi.

Paunak 6:32

Ahi zongin numei tawh mawhte in thu ngaihsun thei lo mi hi a, amah leh amah a kisusia tawm ahi hi.

Siampi Laibu 10:9

“Nang hita leh na tapate hita leh kikhopna bukah na pai uh ciangin leenggahzu hita leh kham theih zu hita leh dawn kei un, na dawn uh leh na si ding uh hi; tua in na suan na khakte tungah khang tawntungin ngeina kip khat hi ding hi.

1 SAMUEL MASA 25:36

Tua ciangin Nabal kiangah Abigail hong tung hi; en in, kumpipa’ pawi tawh kibangin amah in a inn sungah pawi na kham hi. Nabal lungnuam mahmah hi; bang hang hiam cih leh amah in zu kham mahmah hi; tua ahih ciangin zingsang khuavak mateng ama kiangah bangmah gen peuhmah lo hi.

Paunak 31:4

Lemuel aw, ka thugen hong ngai in. Kumpite in zu nek huai lo a, mi ukte in khamtheihzu a duh ding hi lo hi.

Hosea 7:11

Israel in a khem nop kawl vakhu hai tawh kibang hi. Izipt-te kiangah huhna va ngen masa uh a, tua ciangin Assiria-te kiangah va tai uh hi.

Jeremiah 23:13

Samaria kamsangte’ sungah, a muhthadah huai khat ka mu hi; Baal min suangin thu a hilh uh a, Israel ka mite lam a pialpih uh hi.

Hosea 5:4

Amaute’ gamtatna in a Pasian kiang uh zuansak thei lo hi. Amaute in nakpi takin biak nopna lungsim nei uh ahih manin Topa phawk kha lo uh hi.