Hosea 2:9 - Tedim Bible

⁹ Tua ahih manin anlak hun ciangin ama tungah ka piak ngei an leh leenggahzute ka pia nawn kei ding a, silh dingin ka piak samul puan leh saihadial puante ka pia nawn kei ding hi.

Tedim Bible Revision 2017

⁹ Tua ahih manin anlak hun ciangin ama tungah ka piak ngei an le leenggahzute ka pia nawn kei dinga, a silh dingin ka piak samul puan le saihadial puante ka pia nawn kei ding hi.

Hosea 2:9 Referans Kwoze

Malakhi 3:18

Tua ciangin, midikte leh migilote, leh keima na hong semte leh hong sem lote a kilamdan’na na mu kik ding uh hi,” a ci hi.

Malakhi 1:4

Esau’ suan-le-khak Edom mite in, “I khuapite a kisiat khit hangin i lamkik ding hi,” ci le uh, Topa in, “A ut uh leh lam uh hen, ahi zongin ka susia kik veve ding hi. Midangte in, ‘Gam gilo, Topa’ heh tawntungna minamte,’ ci-in ko ding uh hi,” ci-in dawng ding hi.

Hosea 2:3

A gamtat hoih lohna khawl kei leh, a nu sung pan a suah lai-in a guaktangin a om mah bangin, a puan teng hawk khiatsakin a guaktangin ka om sak ding a, a keu, bangmah a po zawh lohna gamlak bangin ka bawl ding a, dangtakin a si ding hi.

Zefaniah 1:13

Amau’ neihsa khempeuh kisut ding a, a innte uh kisuksiatsak ding hi. Inn a lam hangun a sungah teeng kha lo ding uh a, leenggui a suan hangun leenggahzu dawn kha lo ding uh hi,” ci hi.

Joel 2:14

Topa, i Pasian in a lungsim kheelin, an hauhsakna tawh thupha hong pia kha ding hi. Tua hi leh ama tungah an leh leenggahzu tawh biakna i pia thei ding hi.

Hosea 9:2

Ahi zongin tua ante, oliv thaute leh leenggahzute na kham takun na nei kha kei ding uh hi.

Hosea 8:7

Paunak-ah, Huih a tuhte in huihpi ngah kik ding a, a vui om lo an kung in an nek ding piang sak lo hi, kici hi. A vui om lo an kung panin an kingah mah taleh zong gamdang mite in a netum ding hi.

Daniel 11:13

Siria kumpipa khatvei kuan kikin amasa sanga a tam zaw galkap a kaikhawm ding hi. A hun kicingta a kisak ciangin galkap tampi leh galhiam kicing pikpek tawh a kuankhia ding hi.

Ezekiel 23:26

Na puante hong hawkkhiatsakin, a manpha na kizepnate zong hong laksak ding uh hi.

Ezekiel 16:39

Na lunggulh mite’ khut sungah kong pia ding a, na paktat gamtatna munte leh na milim biakna munte, amaute in susia gawp ding uh hi. Na puante leh a manpha na kizepnate hong lakkhiatsakin, na guaktangin hong koih ding uh hi.

Ezekiel 16:27

“Tu-in nangmah daan a pia ding leh na nopsakna teng a la khia dingin ka khut ka liik khin hi. Nang hong mudahin, na gamtat hoih lohna hangin nang a hong hua Filistia mite khut sungah nang kong pia zo hi.