Hosea 2:8 - Tedim Bible

⁸ Ama tungah an, leenggahzu, leh oliv thau ka piakna, leh Baal pasian biak nadingin a zat ngun leh kham tampi tak a piapa ka hih lam phawk kha lo hi.

Tedim Bible Revision 2017

⁸ Ama tungah an, leenggahzu le oliv thau ka piakna le Baal pasian biak nadingin a zat ngun le kham tampi tak a pia pa ka hih lam hong phawk kha lo hi.

Hosea 2:8 Referans Kwoze

Isaiah 1:3

Bawng in amah a neipa thei a, la in ama topa’ an piakna mun thei buang hi; ahih hangin Israel in thei lo hi, keima mite in thei-thei lo hi,”

Hosea 13:2

Tua hi napi-in amaute khial thuah semsem uh a, a biak ding uh milim bawl uh hi. Amau’ ngunte milimin bawl uh a, a hoih takin khutsiamte bawlsak uh hi. Tua ciangin, “Hihte tungah biakna pia un,” ci uh hi. Mihing in milim bia-in nam tazen uh hi.

Hosea 8:4

Amaute in kei hong dong loin kumpi ding vaihawm uh a, kei’ theihpih lohin ulian koih uh hi. A ngun a khamte uh tawh amau’ siat nading milim bawl uh hi.

Hosea 4:11

Leenggahzu in ka mite’ thu ngaihsut theihna beisak hi.

ROM (Romans) 1:28

Amaute in Pasian thei nuam lo uh ahih ciangin a kituak lo nate ahih nading Pasian in amaute gitlohna lungsim sungah a piak mah bangin,

Luka 15:13

Tua nung ciangin sawtvei kihal loin a taneu in ama sum khempeuh khawm a, gamlapi gamah pai-in tua santak ah noptatna lamsang uang lua ahih ciangin, a sum teng a zang khin hi.

Habakkuk 1:16

A ngente un amau’ deih peuhpeuh ngahsak ahih manin, amaute in a ngente uh bia-in, biak piakna zong pia uh hi.

Hosea 2:5

A nu uh a paktat hi a, tua ahih manin amaute, tua a paai numei in zumna mel thei loin a gamta ahi hi. Amah in, “Ka it pasal dangte kiangah ka pai ding hi; amaute in an leh tui, samul puan leh saihadial puan, leh oliv thau leh zu hong pia uh hi,” a ci zaw lai hi.

Daniel 5:23

Vantung Topa langah na pang hi. A biakinnpi hai leh kuangte la-in sabuai tungah nangmah tawh, na u liante tawh, na zite leh na zi-neute uh tawh zu dawnna-in na zang uh hi. Theihna a neilo, a mu thei lo, khua a za thei lo, ngun, kham, sumngo, sik, sing leh suang tawh a kibawl pasiante’ min na phat uh hi. Na nuntakna leh na hihna khempeuh a hong uk Pasian na zahtak kei hi.

Jeremiah 7:18

Naupangte in sing tom-in, a pate un mei a tawh uh a, nupite in a nusian uh vantung kumpinu’ ading tangho a su uh a, kei hong hehsak nadingun, pasian dangte’ dawn dingin biakna a pia tazen uh hi.

Isaiah 46:6

Sumbawm panin khamte uang zatin tawi-tehna tawh ngunte a tehkhiate in kham seekpa cial a, amah in tua nate pen pasian-in seeksak hi; tua ciangin amaute kunin tua milim bia uh hi.

Thukhente 9:27

Amaute lo-ah kuanin a leenggui lo uh panin leenggah khawmin cil uh a, pawi khamin amaute’ pasian’ inn-ah pai uh a, anne tuidawnin omin Abimelek zahko uh hi.

Hosea 10:1

Israel mite ahih leh a gah pha mahmah leenggui tawh kibang hi. Cithei semsem leh biakna tau tam semsem lam uh hi. A gam sung uh cithei semsem leh biakna khuampi hoih bawl semsem uh hi.

Thu-hilhkikna 8:18

Tu ni-a mah bangin na pu na pate uh tunga a kiciamna a kipsak theih nadingin, na hauh nadingun vangliatna hong piapa in amah ahih manin Topa na Pasian uh na phawk ding uh hi.

Ezekiel 23:41

Lupna hoih mahmah tungah tu-in a mai uhah sabuai limtakin koih uh hi. Tua sabuai tungah keima piaksa paknamtui leh oliv thaute koih uh hi.

Daniel 3:1

Nebukhadnezzar kumpipa in a dung tong sawmguk a sang, a vai lam tongguk a gol kham milim pi khat bawl saka Babilon gamsung Dura zanglei-ah a koih hi.

Hosea 13:1

Efraimte beh in thu a gen ciangin adangte lau uh a, Israel minam beh dangte in Efraimte beh tung et uh hi. Ahi zongin Baal milim biakna hangin amaute khial uh hi; tua hangin si ding uh hi.

1 KHANG TANGTHU MASATE 29:16

Topa kote’ Pasian aw, na min siangtho pahtawi nadingin nang ading inn lam nadingin ka piaksa uh hih a tampite in nangma khut sung panin hong pai hi a, a vekpi-in nangma aa mah ahi hi.

JOB (Job) 19:8

Pasian in ka lampi khaktan a, ka paisuak zo kei hi. Amah in ka pai nading lampi khua mialcipsak hi.