Hosea 2:22 - Tedim Bible

²² Leitung in an, leenggahzu, leh sathaute piangsak ding hi.

Tedim Bible Revision 2017

²² Leitung in an, leenggahzu le sathaute piangsak ding hi.

Hosea 2:22 Referans Kwoze

Joel 2:19

Topa in ama mite’ thungetna dawng a, “Tu-in note tungah an, leenggahzu leh sathau, ka hong pia a, na kham takun na ne ding uh hi. Minam dangte’ simmawhin na om nawn kei ding uh hi.

Hosea 1:11

Judah mite leh Israel mite kigawm kik ding uh a, amaute a makai dingin mi khat seh ding uh hi; amaute khangin ci-thei kik ding uh a, tua Jezre-el hun pen a nuam mahmah hun hi ding hi.

Hosea 1:4

Tua ciangin Topa in Hosea kiangah, “Na tapa’ min dingin Jezre-el phuak in: bang hang hiam cih leh ama pute Jehu in Jezre-el khua-ah a mi thahna hangin, Israel kumpipa tungah daan ka pia baih ding a, Israel mite tungah Jehu’ suan-le-khakte’ ukna ka beisak ding hi.

Jeremiah 31:12

Amaute hong pai-in Zion mual tungah ngaihtakin la a sa ding uh a, Topa’ hehpihna ahi, buh, leenggah tui, sathau leh tuuno, bawngnote’ hangin amaute a lungdam mahmah ding uh hi. A nuntakna uh, tui kibuak huan bang ahi ding a, a lungkham ngei nawn kei ding uh hi.

Hosea 14:7

Keima liim nuai-ah khat vei hong om kik ding uh hi. Huan hoih sunga a po ankung hoihte bang ding uh a, leenggui gah pha bangin tampi pha ding uh hi. Lebanon gam leenggahzu bangin minthang ding uh hi.

Isaiah 62:4

Nang pen a kinusia, hong kici nawn lo ding a, na leitang pen Gamkhing, kici nawn lo ding hi. Nang pen ama tungah ka lungkimna om, hong kici a, na leitang pen Kiten’pih, kici ding hi; bang hang hiam cih leh nangma tungah Topa lungkim a, na leitang pen a kiten’pih zi bang ding hi.

Jeremiah 24:7

Keimah Topa ka hih lam theihtheihna lungsim ka pia ding hi. Amaute in a lungsim khempeuh uh tawh kei kiangah hong kileh ding uh ahih manin amaute ka mi ahi ding uh a, keimah in amaute’ Pasian ka hi ding hi.

Zekhariah 8:8

Jerusalem khua sungah ka tun’pih kik ding hi. Amaute in keima mi hi-in, kei in amau’ Pasian ka hi ding a, amau tawh ka thuciamnate uh lim takin ka zui ding uh hi.