Hosea 2:16 - Tedim Bible

¹⁶ Tua ciangin kei pen, ka pasal, hong ci kik ding a, kei pen ka Baal pasian, hong ci nawn lo ding hi.

Tedim Bible Revision 2017

¹⁶ Tua ciangin kei pen, ka pasal, hong cikik dinga, kei pen, ka Baal pasian, hong ci nawn lo ding hi.

Hosea 2:16 Referans Kwoze

Isaiah 54:5

Bang hang hiam cih leh nangmah hong Bawlpa in na pasal hi a, ama min in Vanglianpen Topa ahi hi; Israelte’ Siangtho Pa in nangmah hong Tankhia-pa hi a, amah pen leitung buppi’ Pasian kici hi.

Hosea 2:7

Amah in a pasal it dangte a delh ding a, ahi zongin amaute kiang tung zo lo ding hi; amah in amaute zong niloh ding a, ahi zongin mu zo lo ding hi. Tua ciangin amah in, “Ka pasal masa kiangah ciahkik ning; tu-a banga ka om sangin ama kiang nuam zaw hi,” a ci ding hi.

Jeremiah 3:14

Hong kilehkik un, a zulhzau ka tate aw, Topa in kong ci hi; bang hang hiam na cih uh leh keimah in note’ Topa ka hi a, khuapi khat panin mi khat ta leh beh khat sung panin nih ta hong la-in, Zion khua-ah kong puak ding hi.

Mangmuhna 19:7

Lungdamin nuam ni, a min phat ni! Bang hang hiam i cih leh, Tuuno’ zipi hun a tung zo hi. A lawmnu in kiging kholsa-in a om hi.

2 KORIN NIHNA 11:2

Na thuak taktak un. Bang hang hiam na cih uh leh, keimah in note nungak siangtho bangin Khazih kiangah kong piak nadingin pasal khat tawh ka hong kiteengsak zo ahih ciangin, Pasian tawh kipawl lunghihmawhna tawh, note ading ka lunghimawh hi.

Johan 3:29

Zipipa in zi neipa ahi hi. Ahih hangin zi neipa kiangah ding a, ama thu a za a lawmpa in zi pipa’ aw a zak manin a lungdam mahmah hi. Tua mah bangin keima lungdamna a kicing hi.

Piancilna 34:3

Ama' lungsim Jakob’ tanu Dinah’ lamah pai hi; amah in tua numei itin ama' tungah kamkhum takin pau hi.

Thukhente 19:3

Tua ciangin a pasal ding khia-in kam neem tawh a hopih ding leh a sam kik dingin tua nu kiangah pai hi. Amah in a nasempa leh a la nih tonpih hi. Tua ciangin tua nu’ pa inn-ah tung hi; numei’ pa in amah a muh ciangin lungdamna tawh a dawn dingin hong pai hi.

Ruth 2:13

Tua ciangin numei in, “Ka topa aw, kei tungah nong dik mahmah hi; bang hang hiam cih leh keimah in na nasem numeite hilo napi-in na nasemnu tungah migitna kam nong pau hi,” a ci hi.

Isaiah 40:2

Dam takin Jerusalem hopih un. Ama gimna hun bei ta a, ama mawhna kimaisakin, ama khialhnate khempeuh hangin Topa in a zah nih in daantat khin zo hi, ci-in ama tungah gen un.

Ezekiel 20:35

Note pen minam tuamtuamte’ gamah kong paipih ding a, tua munah maitang kituahin note tungah thu kong khen ding hi.