Hosea 2:13 - Tedim Bible

¹³ Kei hong mangngilh tan vei sung, Baal pasian tungah paknamtui a hal tan vei sung, leh a pasal it dangte tawh kikhawl dingin a manpha kizepna a tuamtuamte tawh a kizep hun tan vei sung zah mah daan ka pia ding hi.

Tedim Bible Revision 2017

¹³ Kei hong mangngilh tanvei sung, Baal pasian tungah paknamtui a hal tanvei sung le a pasal it dangte tawh a kikhawl dingin a manpha kizepna a tuamtuamte tawh a kizep hun tanvei sungzah mah gim ka pia ding hi.

Hosea 2:13 Referans Kwoze

Hosea 13:6

Ahi zongin gam hoihna mun tungin na gil uh a vah ciangin na lungsim uh kiphasakin kei nong mangngilh uh hi.

Thukhente 3:7

Topa’ muhna-ah Israel mite a sia gamta-in, Topa amau’ Pasian mangngilh uh a, Baalte leh Asheroth-te’ na sem uh hi.

Hosea 13:1

Efraimte beh in thu a gen ciangin adangte lau uh a, Israel minam beh dangte in Efraimte beh tung et uh hi. Ahi zongin Baal milim biakna hangin amaute khial uh hi; tua hangin si ding uh hi.

Hosea 11:2

Ahi zongin tapa bangin limbawl semsem leng, kei kiang panin gamla pai semsem hi. Ka mite in Baal tungah biakna pia uh a, milim biakna-in paknamtui hal uh hi.

Jeremiah 7:9

Note in na gu-in, tual that-in, angkawmin, a hi lopi kiciam-in, Baal kiangah meihal biakna pia-in, na theih ngei loh uh pasian dangte delhin,

Hosea 9:7

Daan tahna hun hong tung ta a, thukkikna hun hong tung ta hi. Tua hun ciangin Israel mite in na thei ding uh hi. Note’ mawhna hang leh note in kei nong muhdah luat manun, “Hih kamsangpa mi hai hi; hih thumu-pa lungsim kicing lo hi,” nong ci uh hi.

Hosea 8:14

Bang hang hiam cih leh Israel mite in amau a Piangsakpa mangngilh uh a, inn lianpipite lam uh hi. Judah mite in zong kulh nei khuapi tampi lam thuah uh hi. Keimah in tua khuapite mei tawh halin a inn lianpite uh ka kangtumsak ding hi, ci hi.

Hosea 4:6

Ka mite in kei hong phawk lo uh ahih manin ka susia ding hi. No siampite in kei hong phawk nuam loin, ka thuhilhnate nial na hih manun ka siampi dingin kong deih nawn kei a, na tate uh zong siampi-in ka zang kei ding hi.

Hosea 4:13

Amaute in mual sangte’ dawn-a biakna munte-ah biakna pia uh a, a nuai liim hoih ahih manin mual neute tungah a po tawsaw kung, poplar kung, leh terebinth kungte nuai-ah paknamtui halin bia uh hi. Tua thu hangin na tanute uh numei paktat suak uh a, na mote un midang tawh mawhna a bawl uh hi.

Hosea 2:7

Amah in a pasal it dangte a delh ding a, ahi zongin amaute kiang tung zo lo ding hi; amah in amaute zong niloh ding a, ahi zongin mu zo lo ding hi. Tua ciangin amah in, “Ka pasal masa kiangah ciahkik ning; tu-a banga ka om sangin ama kiang nuam zaw hi,” a ci ding hi.

Hosea 2:5

A nu uh a paktat hi a, tua ahih manin amaute, tua a paai numei in zumna mel thei loin a gamta ahi hi. Amah in, “Ka it pasal dangte kiangah ka pai ding hi; amaute in an leh tui, samul puan leh saihadial puan, leh oliv thau leh zu hong pia uh hi,” a ci zaw lai hi.

Ezekiel 23:35

Tu-in Topa Pasian in hih bangin gen hi: Nangmah in kei hong mangngilhin hong nungngat na hih manin na hukna leh na paktatna hangin na thuak ding hi,” hong ci hi.

Ezekiel 22:12

Pawlkhat in sum deih manin mi that uh hi. Pawl khatte in a Israel mipih sum leitawi late tungah nuamtak sa-in a met lakna tawh hauh lawh uh hi. Amaute in kei hong mangngilh uh hi, Topa Pasian in ci hi.

Ezekiel 16:17

Nang kong piaksa kham leh ngun kibawl kizepnate, pasal limin na bawl a, tuate tawh paktatna na gamta hi.

Jeremiah 23:2

Tua ahih manin ka mipihte a kem gam ukte tawh kisai-in Topa, Israel mite’ Pasian in hong gen-inah, “Note in ka mite kikhenthang sakin na hawlkhia mang uh a, amaute na don kei uh hi. En un, Topa in kong cih-inah, na gamtat siate uh hangin daan kong pia ding hi.

Jeremiah 18:15

Ahih hangin ka mite in kei hong mangngilh khin uh a, milim pasiante kiangah paknamtui a hal uh hi. Amau’ tot ding lampi-ah tuk uh ahih manin a tot ngei uh lampi lui zui nawnloin, lampi lopi a tawn uh hi.

Jeremiah 11:13

Bang hang hiam cih leh, Judah aw, na khua om zahzah uh pasian na nei uh a, Jerusalem khua kongzing om zahzah meihal biakna tawh Baal biak nading a zum huai biakna taute na bawl tazen uh hi.

Jeremiah 2:32

Nungak khat in a kizepnate a mangngilh thei hiam? A kipi mothak nu in a mothak puante a mangngilh thei hiam? Ahih hangin ka mite in sim zawh loh ni tampi a hong mangngilh uh hi.

Isaiah 17:10

Note in, nomau’ kihotkhiatna Pasian mangngilhin,nomau’ belh Suangpi phawk lo na hih manun note in biakna huan bawlin kung hoihte suan a, leenggui kung namdangte tawh peh-in,

Late 106:21

Amaute in Izipt gam sungah na lianpite a bawl, Ham’ gam sungah nalamdangte leh San Tuipi-ah a kihtak-huai nate a bawl, amau’ Honpa, Pasian mangngilh uh hi.

Late 106:13

Ahih hangin amaute in ama nasepte mangngilh pah uh a, ama thugen ding ngak loin gamta pah uh hi.

Late 78:11

Ama bawlsa leh amau tunga nalamdang a lahsate amaute in mangngilh uh hi.

JOB (Job) 8:13

Pasian a mangngilh mi khempeuh tua mah bang ahi hi; Pasian a don lo mite’ lametna a bei hi.

2 KUMPI NIHNATE 21:3

Bang hang hiam cih leh amah in a pa Hezekiah’ suksiatsa mual tunga biaknate lamkik hi; tua ciangin amah in Baal adingin biakna taute phut a, Israel kumpipa Ahab’ bawl bangin Asherah milim khat bawl a, vantung a, om nate khempeuh bia-in tuate’ na sem hi.

2 KUMPI NIHNATE 10:28

Tua bangin Jehu in Israel sung panin Baal siakkhia hi.

2 KUMPI NIHNATE 1:2

Tu-in Samaria a, a inndei tungnung sung a kikalh simsiam panin Ahaziah kia-in a cina hi; tua ahih ciangin amah in kamtaite sawlin amaute kiangah, “Pai un, hih cinatna panin ka damkik zo ding hiam cih thu Ekron pasian, Baalzebub kiangah va dong un,” a ci hi.

1 SAMUEL MASA 12:9

Ahih hangin amaute in Topa a Pasian uh mangngilh uh hi; tua ciangin amah in Hazor kumpipa Jabin’ galkap mangpa Sisera tung leh Filistiate tung leh Moab kumpipa tungah amaute zuak hi; hih mite in amaute do uh hi.

Thukhente 10:6

Tua ciangin Israel mite in Topa’ muhna-ah a sia gamta kik uh a, Siria mite pasiante, Sidon mite pasiante, Moab mite pasiante, Ammon mite pasiante, leh Filistia gam mite’ pasiante ahi Baalte leh Ashtaroth’ na sem uh hi; amaute in Topa nusia-in ama’ na sem lo uh hi.

Thu-hilhkikna 32:18

Note a hong Honkhiapa na phawk kei uh a, note hong suaksak Pasian na mangngilh uh hi.

Thu-hilhkikna 6:12

salsuahna Izipt leitang panin hong paikhiatpih Topa na mangngilh khak loh nading uh kidawm un.

Paikhiatna 32:34

Ahih hangin tu-in pai in, nang' tunga kong gensa mun-ah mite paipih in; en in, na mai-ah ka vantungmi pai ding hi. Ahi zongin ka thukkik ni ciangin amau' khialhna amau' tungah ka thuk ding hi,” a ci hi.

Ezekiel 16:12

Nakbahte, bilbahte leh na khuk ding kumpi lukhu hoih kong guan hi.

Jeremiah 7:34

Tua ciangin Judah gam khuapite leh Jerusalem khua kongzing lakah gualnopna leh lungdamna awte leh zi nei thakte leh mothakte’ awte ka gingsak nawn kei ding hi; bang hang hiam cih leh tua mun kinusia ding hi.

Kah la 1:4

Ni siangtho ni cianga a bia dingin Biakinnpi ah kuamah a pai nawn kei hi. Tua lai-a lasa numeite in gimna thuak uh a, siampite a tau uh hi. Khuapi kongpi-ah kuamah om nawn lo a, Jerusalem khuapi in gimna a thuak hi.

Kah la 5:14

Puteekte khuapi kongpi ah tu nawn lo uh a, khangnote in la a sa nawn kei uh hi.

Amos 8:10

Na lungdam pawite uh dahna ka suaksak ding a, na lasaknate uh kahna awging ka suaksak ding hi. Dahna limin puanhampi na silh ding uh a, na sam uh zong na mettol ding uh hi. A tapa khat neihsun a sihsuah nupa na bang ding uh hi. Tua hun in a tawp dongin nasia semsem ding hi.