Hosea 2:11 - Tedim Bible

¹¹ Ama lungdam theihna, a kumsim pawite, a khasim pawite, a nipi sim pawite, a biakna kikhop khempeuh ka beisak ding hi.

Tedim Bible Revision 2017

¹¹ Ama lungdam theihna, a kumsim pawite, a khasim pawite, a nipisim pawite, a biakna kikhop khempeuh ka beisak ding hi.

Hosea 2:11 Referans Kwoze

Amos 5:21

Na biakna pawite uh mudahin ka deih kei a, na biak kikhopna te uhah ka lung a kim kei hi.

Amos 8:5

Note in na lungsim sung uhah, “I ante i zuak theih nadingin, zumkhak hun sung i ngak lah hi. I mangbuhte i zuak theih nadingin, cik ciangin sabbath ni bei ding hiam? I an tehna seu neu seekin, sum tampi i ngen nuam a, tawi khaina man lo zangin, a hong leite i khem nuam hi.

Jeremiah 7:34

Tua ciangin Judah gam khuapite leh Jerusalem khua kongzing lakah gualnopna leh lungdamna awte leh zi nei thakte leh mothakte’ awte ka gingsak nawn kei ding hi; bang hang hiam cih leh tua mun kinusia ding hi.

Jeremiah 16:9

Bang hang hiam cih leh a vanglian Topa, Israel mite’ Pasian in hih bangin kong ci hi: En un, hih mun panin note’ muh tektekin, note’ theih hun sung mahin gualnopna, lungdamna awte leh zi nei thakte, pasal neithakte’ awte ka gingsak nawn kei ding hi.

Nahum 1:10

Amaute, linglom bangin om uh a, zu leh sa tawh kidiahin a om lai takun ham bangin kihaltum ding hi.

Amos 8:3

Tua ni ciangin kumpi inn sunga lungdam lasakna awgingte, kahna awging suak ding hi. Mun khempeuhah mi siluang dim ding a, mun citengah kipaithangin gamdai ding hi,” Topa in ci hi.

Hosea 3:4

Hih in, kumpi ahi a, makai ahi zongin, biak piakna leh biak piakna khuampite ahi zongin, siampi puanpi leh milim pasiante nei loin hun saupi sung Israel mite om ding a cihna ahi hi.

Ezekiel 26:13

Khuapi sungah lasakna awging ka beisak ding a, tum theih awgingte khempeuh zong kiza nawn lo ding hi.

Jeremiah 25:10

Tua tham loin lungdamna leh kipahna awte, zi nei thak pa leh mothaknu’ awte, angawina suang gingte ka gingsak nawn kei ding a, meivak taangte ka sumit ding hi.

1 KUMPI MASATE 12:32

Tua ciangin Jeroboam in Judah a, om pawi tawh a kibangin a kha giatna a ni sawm-le-nga ni-in pawi khat bawl a, biakna tau tungah biaknate pia hi; tua mah bangin amah in Beth-el ah bawlin ama bawlsa bawngnote tungah biakna pia hi. Tua ciangin amah in ama bawlsa mual tunga biakna siampite Beth-el ah koih hi.

Hosea 5:7

Topa’ tungah amaute citak lo uh a, midangte tawh zawlta nei uh hi. Tu-in amaute leh a neihsa khempeuh uh kisusia ding hi.

Siampi Laibu 26:20

na leitang un ama gah piangsak loin, na gam sung uh a, kungte in amau gah gah lo ding ahih manin note’ thatang a mawkna-a bei hi ding hi.