Hosea 14:6 - Tedim Bible

⁶ Amaute meeng thakin oliv kung bangin meel hoih ding a, Lebanon Mual bangin namtui ding uh hi.

Tedim Bible Revision 2017

⁶ Amaute meeng thakin oliv kung bangin melhoih ding uh a, Lebanon Mual bangin namtui ding uh hi.

Hosea 14:6 Referans Kwoze

Late 52:8

Ahih hangin kei ka hih leh Pasian’ inn sunga oliv kung hing tawh ka kibang hi. Pasian’ itna kip ka muang ngitnget hi.

Filippi 4:18

Keimah in na khempeuh ka nei ta a, ka hau hi! Pasian tungah a lungdamhuai, a san’ huai gim namtui biak piakna ahi note’ hong khak huhnate Epafroditas’ khut sung pan ka ngah maninah ka hau hi.

Johan 15:1

“Keimah in leenggah gui ka hi a, ka Pa in leenggah gui locingpa ahi hi.

Mattiu 13:31

Thugentehna adang inah, “Vantung Gam in, mi khat in lo lai-ah a cin’ ankamtang tawh kibang hi.

Jeremiah 11:16

Khat vei lai-in Topa in note, a hing dikdek a gah pha oliv kung tawh kong genteh hi. Ahih hangin kong hal ding a, na hiangte kang tumin a ging huhu ding hi.

Late 128:3

Nangma inn sungah na zi in a gah pha mahmah leenggui tawh kibang ding a, na sabuai kim-ah na tate in oliv-no dawng hilhhelh tawh kibang ding uh hi.

Piancilna 27:27

Tua ahih ciangin amah a nai-ah pai-in a pa nam hi; amah in a puan gimnamte nam a, amah thupha pia-in, “En in, ka tapa’ gimnam in Topa in thupha a piak-sa gam lak gimnam tawh kibang!

Late 92:12

Thuman mi in nisuh kung bangin palh a, Lebanon mual tunga taamtaak kung bangin a khang hi.

Isaiah 27:6

Hong pai ding hunte sungah Jakob in zung kha ding a, Israel palhin dawnkhia ding a, leitung khempeuh gah tawh dimsak ding hi.

Isaiah 35:2

tampi takin palhkhia ding a, lung nopna leh lasakna tawh lungdam ding hi. Lebanon mual a minthan’na, Karmel mual leh Sharon mual, a min liatna ama tungah kipia ding hi. Amaute in Topa’ minthan’na, i Pasian’ liatna mu ding uh hi.

Isaiah 66:14

Hih thu hong piang na muh uh ciangin na lungdam ding uh hi; na guhte uh lopano a hing kilkel tawh kibang ding hi. Tua ciangin ka nasemte tungah ka huhna, leh ka galte tungah ka hehna ka lahna thu na thei ding uh hi, ci hi.

Hosea 6:3

Topa i theih zawh nadingin hanciam ni. Zingsang sialin pel loin khua a vak mah bangin pel loin eite kiangah amah hong pai ding a, lei a kawtsak khuapi guah a pelh loin hong zuk bangin eite kiangah amah hong pai hamtang ding hi,” a ci ding uh hi.