Hosea 14:5 - Tedim Bible

⁵ Gam keuna mun-a guahzu bangin Israel mite tungah nuntakna guah ka hi ding hi. Unok Paak bangin amaute palh ding a, Lebanon gama singkungte bangin zung thuk kha-in kip ding uh hi.

Tedim Bible Revision 2017

⁵ Gam keuna mun a guahzu bangin Israel mite tungah nuntakna guah ka hi ding hi. Paak bangin amaute palh ding uh a, Lebanon gam a singkungte bangin zung thuk khakin a kip ding uh hi.

Hosea 14:5 Referans Kwoze

Isaiah 35:2

tampi takin palhkhia ding a, lung nopna leh lasakna tawh lungdam ding hi. Lebanon mual a minthan’na, Karmel mual leh Sharon mual, a min liatna ama tungah kipia ding hi. Amaute in Topa’ minthan’na, i Pasian’ liatna mu ding uh hi.

Isaiah 27:6

Hong pai ding hunte sungah Jakob in zung kha ding a, Israel palhin dawnkhia ding a, leitung khempeuh gah tawh dimsak ding hi.

Efesa 3:17

upna hangin Khazih in note lung sungah a om nadingin, minthan’na tawh a dim mah bangin note hong pia-in, itna thu-ah zungkha-in, khuam zong kiphut kipin note in,

Mattiu 6:28

Puan silh dingah bang hangin lunghimawh na hi uh hiam? Gamlakah unok kungte in bangci khang thei ahi uh hiam ci-in lungngai un. Amaute in na lah sem lo, khau lah kheek lo uh hi.

Late 72:16

Gam sungah an tampi piang hen la, mualliante dawn-ah dim mema-in Lebanon gam sung bang hen la, gam lak-a lopate bangin khuapite sung panin mite pung ta uh hen!

JOB (Job) 29:19

A zung in tui a ngah tawntung singkung tawh ka kibang a, a hiangte daitui in a nomsak tawntung singkung tawh ka kibang hi.

Thu-hilhkikna 32:2

Ka thuhilhna in guahmal bangin zu-in, ka thugenna daitui bangin kia hen la, longeek tunga guah phin leh ankung tunga guahzu bang ta hen.

Micah 5:7

Tua ciangin a om lai Israel mite pen, Topa in minam tampite’ adingin a piak, zing daitui, lopate a khangsak guahtui bang ding uh hi. Amaute in mihing muanin nei loin Pasian bek muang ding uh hi.

Isaiah 44:3

Bang hang hiam cih leh a dangtak leitang tungah tui ka sung ding a, leikeu tungah lui tui ka luangsak ding hi; na suan leh khakte tungah ka Kha ka pia ding a, na tu na tate tungah ka thupha ka pia ding hi.

Isaiah 26:19

Nangma mi a site hingkik ding a, amaute’ pumpi tho ding hi. Han sunga a lum mite aw, tho un la, lungdamin la sa un! Bang hang hiam cih leh zing daitui in leitung a nosak kik bangin, sawtpi a, a si mite, Topa in hingkik sak ding hi.

Isaiah 18:4

Bang hang hiam cih leh Topa in kei tungah, “Nitaang sunga nisa silsel, anlak nisa sunga meiizun bangin, ka omna panin daitakin ka en ding hi” hong ci hi.

Late 72:6

Amah, pawn lak lopa tunga guah kia leh lei a kawtsak guahzu tawh kibang ta hen!

2 KUMPI NIHNATE 19:30

Tua ciangin Judah innkuan a suakta a om laite in a thuk lamah zungkha kikin a tung lamah gah hong gah to ding hi;

2 SAMUEL NIHNA 23:4

amah in amaute tungah zingsang khuavak bangin taang a meii kaai loh ni zingsang-a nitaang khia, lei lak panin lopate a selkhiasak guahtui bang hi.

Luka 12:27

Unok kungte in bangci khang thei ahi uh hiam ci-in na lungngai un. Amaute in na lah sem lo, khau lah kheek lo uh hi. Ahih hangin Solomon nangawn in a minthan’na puan a silh lai takin, tua unok khat bangin kizeem lo hi ci-in kong gen hi.

Solomon la 4:5

Na nawite in, unok pak lakah a takhawm helhel sanang nih tawh ahi a, a takhawm hialhial sakhi peeng tawh ahi zongin kibang hi.

Solomon la 2:16

Ka ngaihno in keima aa hi; kei in ama aa hi’ng. Amah in unok paakte lakah a tuu cing a,

Paunak 19:12

Kumpipa’ hehna in humpinelkai hawk bangin lauhuai a, ama pahtakna in lopa tunga daitui taak bangin deihhuai hi.

Late 80:9

Nangmah in tua leenggui’ adingin lei na hahsiang a, amah in zung thuk kha-in leitang dim hi.

Late 92:12

Thuman mi in nisuh kung bangin palh a, Lebanon mual tunga taamtaak kung bangin a khang hi.

Late 133:3

Tua in, Zion mualte tunga a kia Hermon mual pan-a daitui tawh kibang hi. Bang hang hiam cih leh Topa in nuntak tawntungna thupha tua mun-ah a pia hi.

Isaiah 45:8

“Vantungte aw, tung lam panin thumanna zusak un la, vantungte in thumanna buasuk ta un. Hotkhiatna a po khiat theih nadingin leitang kihong sak un la, thumanna zong po khiato sak un; keimah Topa in hih thu ka bawl khin zo hi.

Late 92:13

Topa’ inn sungah amaute kisuan a, i Pasian’ huang sungah amaute palh uh hi.

Isaiah 12:1

Ni khat ni ciangin mite in, “Topa aw, kei’ tungah na heh hangin na hehna dam a, nangmah in kei hong hehnem na hih manin nang kong phat ding hi.

Isaiah 57:18

Amau’ mawh gamtatnate ka mu khin a, ahih hangin amaute ka damsak ding hi; amaute makaih-in hehnepna ka pia ding a, a dah a kapte muk panin phatna ka piangsak ding hi.

Isaiah 57:19

Nopsakna, nopsakna, a gamla leh a nai mi khempeuh tungah om ta hen; keimah in amaute ka damsak ding hi, Topa in ci hi.

Jeremiah 3:22

Topa in, “Hong kilehkik un, a zulhzau ka tate aw, na zulhzauna uh kong damsak ding hi,” a ci hi. Amau in zong, “En in, nang kiangah kong pai uh hi; bang hang hiam cih leh Topa kote’ Pasian na hi hi.

Jeremiah 32:41

Amaute’ tungah hoihna ka bawl manin ka lungdam ding a, ka lungsim khempeuh leh ka kha khempeuh tawh thuman takin hih gamah amaute ka phut ding hi.

Hosea 6:3

Topa i theih zawh nadingin hanciam ni. Zingsang sialin pel loin khua a vak mah bangin pel loin eite kiangah amah hong pai ding a, lei a kawtsak khuapi guah a pelh loin hong zuk bangin eite kiangah amah hong pai hamtang ding hi,” a ci ding uh hi.

Micah 7:18

Topa aw, nang tawh a kibang Pasian dang om lo a, a om lai na gamluah mite’ mawhna na maisak hi. Nang na heh paisuak kei a, na itna kip nong lak hi.