Hosea 14:4 - Tedim Bible

⁴ Ka mite tungah heh nawn lo ka hih manin ka mite ka kiangah ka sam kik ding a, lungsim takpi tawh amaute ka it ding hi.

Tedim Bible Revision 2017

⁴ Tua ciangin Topa in, “Ka mite tungah heh nawn lo ka hih manin ka kiangah ka mite ka samkik dinga, lungsim takpi tawh amaute ka it ding hi.

Hosea 14:4 Referans Kwoze

Isaiah 57:18

Amau’ mawh gamtatnate ka mu khin a, ahih hangin amaute ka damsak ding hi; amaute makaih-in hehnepna ka pia ding a, a dah a kapte muk panin phatna ka piangsak ding hi.

Isaiah 12:1

Ni khat ni ciangin mite in, “Topa aw, kei’ tungah na heh hangin na hehna dam a, nangmah in kei hong hehnem na hih manin nang kong phat ding hi.

Zefaniah 3:17

Topa na Pasian un note hong ompih a, ama vangliatna in hong gualzo sak hi. Note tungah Topa lungkim ding a, ama itna tawh hong thak bawl ding hi. Note hangin Topa lungdamin la sa ding a,

Hosea 6:1

“Hong pai un, Topa kiangah ciahkik ni; amah in eite hong balgawp hangin hong damsak kik ding a, eite hong liamsak hangin i liamnate hong tun’sak kik ding hilo ahi hiam?

Jeremiah 3:22

Topa in, “Hong kilehkik un, a zulhzau ka tate aw, na zulhzauna uh kong damsak ding hi,” a ci hi. Amau in zong, “En in, nang kiangah kong pai uh hi; bang hang hiam cih leh Topa kote’ Pasian na hi hi.

Jeremiah 14:7

Ka mite in kei tungah, “Topa aw, ka mawhna-un in kote’ lang khatah hong pang ahi ta zongin, nangma’ min hangin hong hehpih in. Kote in tam veipi kong nungngat uh a, nang tungah kong khial zo uh hi.

Titu 3:4

Eite Honpa Pasian’ hehpihna leh mite a hong itna hong kilat ciangin,

2 TIMOTI NIHNA 1:9

Tua Pasian in eite gamtatna hang hi lo, tang lai a hun hong tun’ ma-in, Khazih Zeisu sungah eite ading ama hanciamna leh a hong piak hehpihna a ngaihsut kholhsa bangin eite hong gumkhia a, a siangtho sapna tawh hong sam hi.

Efesa 1:6

Zeisu Khazih hangin ama tapa-za i ngah nadingin hong deih hong hehpihna hangin, amahmah adingin amasa-ah hong koih khol hi.

ROM (Romans) 3:24

Ahih hangin Zeisu Khazih in hong tan ahih maninah, a man pia loin Pasian’ hehpihna hangin dikkisakna i ngah hi.

Hosea 11:7

Ka mite in kei kiang panin pial ding ngaihsun tawntung ahih manin amaute in kol bulhna thuak ding uh a, kuamah in a kol sutsak lo ding hi.

Jeremiah 33:6

Ahih hangin en in, keimah in hih khuapi ka damsak ding a, cidamin ka om sak ding hi. A mite cidam sakin nopna leh lungmuan’na a kicing ka lak ding hi.

Jeremiah 17:14

Topa aw, hong damsak lecin kei ka dam ding a, hong honkhia lecin ka suakta ding hi; bang hang hiam cih leh nang kong phatpa na hi hi.

Jeremiah 8:22

Gilead-ah zatui om lo ahi hiam? Zato siam om lo ahi hiam? Bang hanga ka mite dam thei lo uhahi hiam?

Jeremiah 5:6

Tua ahih manin tuulak panin humpi khat in amaute that ding a, sehnel gam panin keivom khat in a petgawp ding hi. Kamkei khat in a khuapite uh vil gige a, a pusuak khia peuhpeuh balzan gawp ding hi; bang hang hiam cih leh amaute’ mawhna uh tamlua a, kei hong taisan mun lua uh hi.

Late 78:38

Ahi zongin, amah in hehpihna lungsim nei ahih manin amau khialhnate maisak a, amaute susia lo hi; amah in a hehna iip zelzel a, a hehna khempeuh phongkhia lo hi.

Gamlak-vakna 25:11

“Siampi Aaron’ tapa Eleazar, Eleazar’ tapa Finehas in Israel mite tungah ka hehna damsak kik hi; keima pammaihsak bangin amah in pammaih sa a, tua ahih ciangin pammaih ka sakna tawh Israel mite ka beisak kei hi.

Gamlak-vakna 25:4

Topa in Moses kiangah, “Israel mite tung panin Topa’ hehna a kihtakhuai a kipelh theih nadingin mite’ ukpite khempeuh man in la, Topa mai-ah suntangin amaute khai in,” a ci hi.

Paikhiatna 15:26

“Note in Topa na Pasian’ thu lim takin na ngaih uh a, ama' maiah a man nate hih-in, ama' thupiakte don a, ama' ngeina kipte khempeuh na zuih uh leh, Izipt mite' tungah ka tun’sak natnate khat beek note' tungah kong tungsak kei ding hi; bang hang hiam cih leh keimah in Topa, note hong damsakpa ka hi hi,” a ci hi.

Isaiah 55:1

A dangtak mi peuhmah tui phualah hong pai un; an nei lote aw, hong pai-in lei un la, ne un! Hong pai un, sum leh a man ding pia loin leenggahzu leh bawngnawi lei un.

Jeremiah 31:20

Efraim, ka it ka tapa ahi hiam? Amah ka ngaihno ahi hiam? Bang hang hiam cih leh ama’ thu ka gen simin amah ka phawk lailai hi. Tua ahih manin amah ka ngaihsun tawntung a, ka hehpih taktak ding hi, Topa in ka ci hi.

Ezekiel 33:14

Migilo khat kiangah, na si taktak ding hi, ci-in ka hilhkholh hangin, a mawh gamtatna khawlin a man a hoihin hong gamta kik hen la,

Ezekiel 36:36

Tua ciangin note kimkot-a om a suakta lai minam dangte in, a siasa khuapite lam kikin, a kinusiasa lote a puah kikpa in Topa ahi keimah ka hihna thu thei ding uh hi. Topa ahi keimah in hih thu ka gen khin a, ka gen bangin ka gamta ding hi.

Late 10:14

Nangmah in na mu hi; hi takpi hi, na khut sungah na koih theih nadingin haksatna leh gimna na ciamteh hi; tuahsia mi in nangma tungah ama pumpi hong ap hi; pa nei lote a huhpa na hi hi.

Late 20:8

Amaute kinawmsawm-in puk ding uh a, ahih hangin eite tho-in i dingtang ding hi.

Hosea 2:19

Israel aw, nang, zi-in kong nei kik ding a, nang tungah thuman thutangin kong gamta ding hi. Nang hong itin kong hehpih tawntung ding a, keima’ aa na hi tawntung ding hi.