Hosea 13:9 - Tedim Bible

⁹ No Israelte kong sugawp ding hi. Kua in note hong huh zo ding ahi hiam?

Tedim Bible Revision 2017

⁹ No Israel-te kong su gawp ding hi. Kua in note hong huh zo ding ahi hiam?

Hosea 13:9 Referans Kwoze

Jeremiah 2:17

Israel aw, Topa na Pasian in lampi-ah hong makaih laitakin amah na nusiat manin hih teng nang’ tungah hong tung hilo ahi hiam?

Jeremiah 2:19

Na gitlohna mah in nangmah hong thu hilh ding-a, na thu up nawn lohna in nangmah hong mawhsak ding hi. Topa na Pasian nong nusiat ciang, kei nong kihtak nawn loh ciangin, nuam hetlo-a kha keei hi, cih thu thei in la, mu in, a vanglian Topa Pasian in kong ci hi.

Thu-hilhkikna 33:26

“Israel aw, nangmah huh dingin vantungah a tuang, a liatna tawh vanpi-ah a om, Pasian tawh a kibang kuamah dang om lo hi.

Hosea 14:1

Israelte aw, note’ Topa Pasian lamah kihei kik un. Na mawhna hangun note na puk khin uh hi.

Jeremiah 5:25

Na khialhnate un hih na hoihte khaktan a, na mawhnate hangun tuate na taan lawh uh hi.

Malakhi 1:9

Tua ciangin no siampite aw, Pasian in eite hong hehpih theih nadingin ama kiangah thuum un. Na hih ngeisa bangun na ngetnate uh hong pia lo ding a, tua in nomau’ khialhna ahi hi.

Hosea 13:4

Keimah in Izipt gam pana kipan note’ Topa Pasian ka hi hi. Tua hun lai-in kei sim loh Pasian dang na thei kei uh a, note a hong honkhiapa in kei bek ka hi hi.

Isaiah 3:11

Mi gilo in gimna ngah ta hen! Ama khut in a hihsate ama tung mah ah kithukkik ding ahih manin ama tungah thu sia ding hi.

Isaiah 3:9

Amau’ maiput in amau langah teci pang hi; Sodom bangin amaute in a mawhna uh genkhia uh hi, amaute in iim lo uh hi. Amaute in gimna ngah ta hen! Bang hang hiam cih leh amaute in amau tung mah ah siatna kitun’ uh hi.

Paunak 8:36

Ahi zongin kei hong mu lopa in amahmah a kisusia hi a, kei hong mudah peuhmah, a si nuam ahi hi,” hong ci hi.

Paunak 6:32

Ahi zongin numei tawh mawhte in thu ngaihsun thei lo mi hi a, amah leh amah a kisusia tawm ahi hi.

Late 146:5

Jakob’ Pasian pen ama huhpa hi-in, ama Topa Pasian, a muangpa in mi lungdam ahi hi.

Late 46:1

Pasian in eima belh leh i thahatna hi a, haksat hunin hong huh pahpahpa ahi hi.

Late 33:20

Topa i ngak hi; amah in eimah huhpa leh i lum ahi hi.

Thu-hilhkikna 33:29

Israel aw, mi nuamsa na hi hi. Nang hong kihuhna lum, leh na gualzawhna namsau ahi Topa in nang banga, a hotkhiat mi kua om ahi hiam? Na galte in hong mai-etin na kiangah hong pai ding uh a, amau’ pumpi na tuancil ding hi,” a ci hi.

Jeremiah 4:18

Na lungsim leh na gamtatnate hangin hih thu nang’ tungah hong tung hi. Hih in nangma’ gitlohna hang hi a, kha-in na lungtang hong vut hi.”

Malakhi 1:12

Ahi zongin note in keima biakna tau bangmah a man nei loin genin, tua biakna tau tunga na piak uh ante na thupi ngaihsut loh uh ciangin, keimah a hong simmawh na hi uh hi.

Malakhi 1:13

Note in, ‘Hihte cimtak khin hang,’ ci-in nap nong nitsan lel uh hi. Keimah biak nadingin a kigu ganhing khatpeuh ahi a, a liam a bai, ahih kei leh a cina peuh nong paipih uh hi. Tua bangte, a sang dingin hong ngaihsun na hi uh hiam?

2 KHANG TANGTHU NIHNATE 28:23

Bang hang hiam cih leh amah a zo Damaskas’ pasiante tungah biakna pia-in, “Siria kumpite’ pasiante in amaute huh ahih manin amaute in kei hong huh theih nadingin amau’ tungah biakna ka pia ding hi,” ci hi. Ahih hangin tua pasiante in amah leh Israel khempeuh’ siatna ahi hi.

Hosea 7:14

Amaute in lungsim takpi tawh kei tungah huhna hong ngen lo uh a, a lupna tung panun phunphun bek uh hi. An leh leenggahzu hong ngen loin milimte a bia uh hi. Amaute in kei hong lehdo uh hi.

Hosea 7:15

Amaute khoi-in a thahat mite suaksak napi-in, amaute in kei hong lehsawm zawsop uh hi.