Hosea 13:8 - Tedim Bible

⁸ A no a kilaksak vompi bangin note hong sugawpin kong balgawp ding hi. Humpinelkai bangin hong phual nek pahin, gamsate bangin kong balthang gawp ding hi.

Tedim Bible Revision 2017

⁸ A no a kilaksak vompi bangin note hong su gawpin kong bal gawp ding hi. Humpinelkai bangin hong phualnek pahin, gamsate bangin kong bal kek gawp ding hi.

Hosea 13:8 Referans Kwoze

2 SAMUEL NIHNA 17:8

Hushai in tua tham loin, “Na pa leh a mite mi thahat hi a, gam lakah a note a kilaksak vompi bangin amaute a hehna na thei hi. Tua ban-ah na pa in galdona-ah a siam ahi hi; amah in mite tawh zan-in omkhawm lo ding hi.

Jeremiah 12:9

Ka mite in, sa sial ne vasa gial khat sa sial ne vasa dangte in a kimkot pan a tuk nainai uh tawh kibang hi. Gamsate aw hong kikhawm un la, pawi hong siim un.

Isaiah 56:9

Lo sunga om ganhing khempeuhte— gamlak-a om ganhing khempeuhte aw, a netum dingin hong pai un.

Isaiah 5:29

Amaute’ kikona pen humpinelkai hawk tawh kibang a, humpinelkai khanglaite bangin amaute hawk uh hi; amaute humhamin a sa nek ding uh man uh a, amaute in puakhia-in kuamah in honkhia zo lo hi.

Paunak 17:12

Mihaite a hai gamtatna uh i tuah khak sangin, a no a kilaksak vompi hang khat tuak leeng hoihzaw lai hi.

Late 80:13

Gamlak-a om Ngal in susia gawpin, zang sunga om ganhing khempeuh in kivakna-in nei uh hi.

Late 50:22

Tua ahih ciangin, Pasian a mangngilh mite aw, hih thu ciamteh un, tua hi kei leh note kong balgawp ding hi, hong honkhia ding kuamah om lo hi.

Jeremiah 25:38

Topa’ namsau hangin ahi zongin a lauhuai ama’ hehna hangin ahi zongin, amau’ gam in gam simtham suak khin ahih manin humpi in a kua a nusiat bangin Topa in a mite a nusia zo hi.

Hosea 2:12

Ka pasal it dangte in thaman-a hong piak hi, ci-a a gen leengguite leh a theikungte ka susia ding a, gamsate in tuate suksiatsakin gamlakpi suak ding hi.

Hosea 5:14

Humpinelkai’ sukgawp bangin Israel leh Judah ka sugawp ding hi. Keimah teekteek in amaute balgawpin ka paisan ding hi. Amaute ka tal kaih gawp ding a, kuamah in hon zo lo ding hi.