Hosea 13:6 - Tedim Bible

⁶ Ahi zongin gam hoihna mun tungin na gil uh a vah ciangin na lungsim uh kiphasakin kei nong mangngilh uh hi.

Tedim Bible Revision 2017

⁶ Ahi zongin gam hoihna mun tungin na gil uh a vah ciangin na lungsim uh kiphasakin kei nong mangngilh uh hi.

Hosea 13:6 Referans Kwoze

Late 10:4

Migilo in kiphatsakna maisuah tawh amah zong lo a, ama ngaihsutna khempeuh ah, “Pasian om kei,” ci hi.

Nehemiah 9:35

Amaute tungah na piak gamzai leihoih ah omin, amaute tungah na piak hauhna lianpi tawh nuamsa-in amau’ kumpite’ khut nuai-ah a om laitak nangawn-un amaute in nangma’ na hong sem lo uh a, gamtat hoih lote uh nusia lo uh hi.

Thu-hilhkikna 32:18

Note a hong Honkhiapa na phawk kei uh a, note hong suaksak Pasian na mangngilh uh hi.

Hosea 10:1

Israel mite ahih leh a gah pha mahmah leenggui tawh kibang hi. Cithei semsem leh biakna tau tam semsem lam uh hi. A gam sung uh cithei semsem leh biakna khuampi hoih bawl semsem uh hi.

Hosea 8:4

Amaute in kei hong dong loin kumpi ding vaihawm uh a, kei’ theihpih lohin ulian koih uh hi. A ngun a khamte uh tawh amau’ siat nading milim bawl uh hi.

Hosea 2:13

Kei hong mangngilh tan vei sung, Baal pasian tungah paknamtui a hal tan vei sung, leh a pasal it dangte tawh kikhawl dingin a manpha kizepna a tuamtuamte tawh a kizep hun tan vei sung zah mah daan ka pia ding hi.

Isaiah 17:10

Note in, nomau’ kihotkhiatna Pasian mangngilhin,nomau’ belh Suangpi phawk lo na hih manun note in biakna huan bawlin kung hoihte suan a, leenggui kung namdangte tawh peh-in,

Paunak 30:9

Hau lua leng, nang hong nialin, “Topa i cih kua hiam?” kong ci kha ding a, zawng lua leuleu leng, mi’ na guk sakin, ka Pasian’ min kong daisak kha zel ding hi.

Jeremiah 5:7

“Na mawhna uh hong koici maisak ding ka hi hiam? Na tate un kei hong nusia zo uh a, pasian ahi lopi peuh tawh kiciam zo uh hi. Amaute a gilvah dong uh an ka vak khit ciangin, ang kawmin numei paktatte’ innah a hon om uh hi.

Ezekiel 23:35

Tu-in Topa Pasian in hih bangin gen hi: Nangmah in kei hong mangngilhin hong nungngat na hih manin na hukna leh na paktatna hangin na thuak ding hi,” hong ci hi.

Ezekiel 28:5

Sumbawl na siamna tawh na hauhna na behlap a, na hauhna na kisaktheihpih hi.

Hosea 2:7

Amah in a pasal it dangte a delh ding a, ahi zongin amaute kiang tung zo lo ding hi; amah in amaute zong niloh ding a, ahi zongin mu zo lo ding hi. Tua ciangin amah in, “Ka pasal masa kiangah ciahkik ning; tu-a banga ka om sangin ama kiang nuam zaw hi,” a ci ding hi.

Hosea 4:6

Ka mite in kei hong phawk lo uh ahih manin ka susia ding hi. No siampite in kei hong phawk nuam loin, ka thuhilhnate nial na hih manun ka siampi dingin kong deih nawn kei a, na tate uh zong siampi-in ka zang kei ding hi.

Hosea 4:7

Siampi tam semsem leh kei tungah a khialhna uh tam semsem hi. Amau’ minthan’na mindaina ka suaksak ding hi.

Hosea 7:14

Amaute in lungsim takpi tawh kei tungah huhna hong ngen lo uh a, a lupna tung panun phunphun bek uh hi. An leh leenggahzu hong ngen loin milimte a bia uh hi. Amaute in kei hong lehdo uh hi.

Hosea 8:14

Bang hang hiam cih leh Israel mite in amau a Piangsakpa mangngilh uh a, inn lianpipite lam uh hi. Judah mite in zong kulh nei khuapi tampi lam thuah uh hi. Keimah in tua khuapite mei tawh halin a inn lianpite uh ka kangtumsak ding hi, ci hi.

Hosea 12:8

Israel mite in, “Tu-in ka hau uh a, kote’ adingin neihsa tampi ka ngah uh hi,” ci uh hi. Ahi zongin a hauhna teng un a mawhna teng uh loh zo lo hi.

Hosea 5:14

Humpinelkai’ sukgawp bangin Israel leh Judah ka sugawp ding hi. Keimah teekteek in amaute balgawpin ka paisan ding hi. Amaute ka tal kaih gawp ding a, kuamah in hon zo lo ding hi.