Hosea 13:15 - Tedim Bible

¹⁵ Israel mite kiak bangin a pung ahi zongin sehnel gam panin nisuahna huih sa mahmah ka nungsak ding a, a tuikhukte uh leh a tuinakte uh a kangsak ding hi. Tua huih in a manpha nate leh deih theih peuhmah leen’ mang ding hi.

Tedim Bible Revision 2017

¹⁵ Israel mite kiak bangin a pung ahi zongin sehnel gam panin nisuahna huih sa mahmah ka nungsak dinga, a tuikhukte uh le a tuinakte uh a kangsak ding hi. Tua huih in a manpha nate le deih theih peuhpeuh leen mang ding hi.

Hosea 13:15 Referans Kwoze

Ezekiel 19:12

Ahi zongin hehna tawh leenggui kizung bawh a, leilak kiden’na hi. Nisuahna huihpi hong nung a, a gah teng keutumsak hi. A hiangte kikuai-tan a, keu-in kihaltum hi.

Ezekiel 17:10

Hih leenggui pen a kisuan hi mah hi. Ahih zongin hingin khang zo ding ahi hiam? Nisuahna huihpi in a mutkhiat ciangin keutum ding hilo ahi hiam? Tua a kisuanna munah keutum lel ding hilo ahi hiam?” hong ci hi.

Jeremiah 4:11

Tua hun ciangin hih mite leh Jerusalem khuamite’ kiangah, “A sa mahmah huih sehnel gam a sang mun panin ka mite’ tungah hong nung ding a, tua huih pen an vaite zapsiang dinga a nung huih bang hi lo hi.

Piancilna 49:22

Josef in a gah pha leenggui hi a, cik tui gei-a a gah pha hiang ahi hi; a hiangte kulh tungah zam hi.

Piancilna 41:52

A nihna amah in Efraim phuak hi; “Bang hang hiam cih leh ka thuakna gamsungah kei a pungin hong bawl hi,” ci hi.

Nahum 2:9

Ngunte la un! Khamte la un! Khua sungah sum manpha bei cih om thei lo a, van manpha bei cih om thei lo hi.

Hosea 10:1

Israel mite ahih leh a gah pha mahmah leenggui tawh kibang hi. Cithei semsem leh biakna tau tam semsem lam uh hi. A gam sung uh cithei semsem leh biakna khuampi hoih bawl semsem uh hi.

Hosea 9:11

Israel’ min liatna teng vasa bangin leeng mang ding a, amau’ sung panin nau suak nupi gai, nau paai cih om nawn lo ding hi.

Hosea 4:19

Huihpi nung in a mut khiat bangin amaute a phiat khia mang ding lungsim paai uh hi. Amau’ biak pasiante in amaute huh lo ding hi.

Daniel 11:8

Amah in amaute’ milim pasiante leh na manpha ngun leh khamte Izipt gamah a pua ding hi. Kum tawm vei sung bek kilemna a om ding hi.

Jeremiah 51:36

“Tua ahih manin Topa in kong cih-inah: En un, na thu uh kong sepsak ding a, no adingin kong thuk sak ding hi. A bual ka keusak ding a, a ciktui ka kangsak ding hi.

Jeremiah 20:5

Tua tham loin khuapi sunga hauhna khempeuh, a nasep sa uh khempeuh, a neih a lam thupi teng khempeuh leh Judah kumpite’ sum leh pai khempeuhte a galte’ khut sungah ka pia ding a, amau in sutin, manin, Babilon khua-ah a paipih ding uh hi.

Isaiah 41:16

amaute na haih ding uh a, huih in amaute mutkhia ding a, huihpi in amaute thehthang ding hi. Tua ciangin Topa’ hangin na lungdam ding uh a, Israelte’ Siangtho Pa’ hangin na minthang ding uh hi.

Isaiah 17:13

Tui lianpi a ging bangin minamte awng uh hi, ahih hangin amah in amaute tai ding a, gamlapi-ah amaute taikhia ding uh hi; mual tunga huih mai-ah ansi leeng bang leh huihpi mai-a pingpei bangin amaute lengkhia mang ding uh hi.

Isaiah 14:21

Amaute khangto-in leitung a neih loh nading leh leitung maitang teng khuapi tawh a kidimsak loh nadingin amau’ pate’ mawhna hangin ama tate’ kithah nading vaihawm in.”

Late 109:13

Ama suan-le-khakte bei hen la, khang khat sungin ama min maimang ta hen!

Late 1:4

Migilote ahih leh tua bang hi lo a, huih letkhiat ansi tawh kibang uh hi.

JOB (Job) 18:16

Lei sunga ama zungte keu in, a tunga ama hiangte a si ta hi.

Thu-hilhkikna 33:17

A tacil bawngtal in minliatna nei a, a kite in gamsial kite ahi hi; amah in tuate tawh mite nawt ding a, lei mongdong ah amaute khempeuh phul ding hi; Efraim tul sawmte in tua bang hi a, Manasseh tul tampite in zong tua bang mah ahi hi,” a ci hi.

Piancilna 48:19

Ahih hangin a pa in nial a, “Ka thei hi, ka ta aw, ka thei hi; amah zong mi khat suak ding a, amah zong lian ding hi; ahi zongin a naupa amah sangin lianzaw ding a, a suan-le-khakte in minam lianpi khat suak ding hi,” ci hi.

Piancilna 41:6

En in, tuate’ khit ciangin nisuahna huih in theemsakin a hawm vui sagih hong po khia hi.

Isaiah 27:8

A kithukkim dingin amah in amaute sal suahsakna tawh daan pia hi; nisuahna huihpi a nun’ ni-in amah in a kihtak huai a ging pha tawh amaute khinkhia hi.

Jeremiah 4:12

Ka sawl huih in tua bang dingin hat lua ding hi. Tu-in keimah in amaute’ tungah thu khen-in ka gen hi,” a kici ding hi.

Jeremiah 51:1

Topa in a cih-inah: “En un, Babilon khuapi leh Khaldea gama teengte susia dingin keimah in huih ka nungsak ding hi.

Hosea 2:3

A gamtat hoih lohna khawl kei leh, a nu sung pan a suah lai-in a guaktangin a om mah bangin, a puan teng hawk khiatsakin a guaktangin ka om sak ding a, a keu, bangmah a po zawh lohna gamlak bangin ka bawl ding a, dangtakin a si ding hi.

Jonah 4:8

Ni hong suah ciangin Pasian in nisuahna lam panin huih a sa mahmah nungsak a, ni in zong Jonah lu zang kapsuk veva ahih manin a gim mahmah hi. Tua ciangin amah in, “Ka nuntak sangin si leng kei adingin a hoihzaw hi,” ci-in a sih nading thu a ngen hi.

Piancilna 41:23

tuate khit ciangin nisuahna huihpi in a keusak, a hawm, a theem vui sagihte hong po a,