Hosea 13:14 - Tedim Bible

¹⁴ Leinuai-a misite’ omna-ah a pai nading uh panin honin, sihna panin tankhia ding ka hi hiam? Sihna aw, gimna na piakna-ah amaute ka hehpih kei hi. Leinuai-a mi site gam aw, na suksiatna-ah amaute ka khasiat kei hi.

Tedim Bible Revision 2017

¹⁴ Misi khua pan ka tan khia diam, sihna khut pan ka hon khia diam? Sihna aw, na gu koi ah om hiam. Misi khua aw, na suksiatna koi ah om hiam.

Hosea 13:14 Referans Kwoze

Isaiah 25:8

Amah in sihna beimang sak ding a, maitang khempeuh panin khitui nul ding hi; leitung khempeuh panin ama mite a kizahkona lakhia ding hi; bang hang hiam cih leh Topa in hih thu gen zo hi.

Mangmuhna 21:4

Amaute mittang uh pan khitui khempeuh a nul siang ding hi. Sihna zong a nung ciangin a om nawn kei ding hi. Tua tham loin, thuumna, kahna, natna zong a om kei ding hi. A masa nate mangthang khin zo uh hi,” ci-in nakpi-in aw tawh kiko ka za hi.

Jeim 1:17

A pha a kicing hong piak thupha a om khempeuh in khuavakna’ Pa kiang vantung panin hong pai uh hi. Tua pa in kikheel lo tham loin, kihei-in a lim zong a kiasak kei hi.

Isaiah 26:19

Nangma mi a site hingkik ding a, amaute’ pumpi tho ding hi. Han sunga a lum mite aw, tho un la, lungdamin la sa un! Bang hang hiam cih leh zing daitui in leitung a nosak kik bangin, sawtpi a, a si mite, Topa in hingkik sak ding hi.

Late 49:15

Ahih hangin Pasian in Leinuai’ vangliatna panin kei hong tankhia ding hi, bang hang hiam cih leh amah in kei hong sang ding hi.

Late 30:3

Topa aw, Leinuai panin kei nong paikhiatpih to khin a, Leihawm sunga pai khinsate lak panin kei nong nungtakik sak hi.

JOB (Job) 33:24

Vantungmi in amah a hehpihna hangin, ‘Amah suaktasak in! Misite' gamah amah pai sak kei in. Amah tatkhiat nading hih lai-ah om hi,’ a ci ding hi.

ROM (Romans) 11:29

Bang hang hiam na cih uh leh, Pasian’ hehpihna thupha leh hong sapna in a thu a kidok kik ngei kei hi.

Late 86:13

Bang hang hiam cih leh keimah nong itna kip lian mahmah a, Leinuai thuk sung sihna panin kei nong honkhia khin hi.

Late 16:10

Bang hang hiam cih leh keimah Leinuai nong zuan sak kei a, na mi hoihpa Leihawmpi na mu sak kei hi.

1 SAMUEL MASA 15:29

Israelte’ minthan’na in zong zuau gen lo ding a, zong kisik lo ding hi; bang hang hiam cih leh a kisik dingin amah in mi hi lo hi,” a ci hi.

Mangmuhna 20:13

Tua lai takin tuipi in a sungah a om mi site a puak hi, Sihna leh Sihna Gam in a sung uhah a om mi site a puak uh a, mi khempeuh in a gamtatnate bangin thukhenna a thuak uh hi.

1 THESALONIKA MASA 4:14

Zeisu in a sih khit ciangin a thawhkik eite in i up leh, tua bangin Zeisu sungah a si mite zong amah tawh Pasian in a kha khawm ding hi.

2 KORIN NIHNA 5:4

Hih bukah a om kote in vangik pua-in thuumin ka tau uh hi. Puan silh loin om nuam ka hih manun a thuum ka hi kei uh hi; a si thei nuntakna in nuntakna sungah a phumcip dingin puan silhin om nuam ka hih manunah ka thuum uh hi.

ROM (Romans) 11:15

Tua mite kipaih khiatna un leitung mite’ kilem kikna a pian’sak leh, amau kikoihcin’na un sihna pan thawhkikna hilo ahi hiam?

Malakhi 3:6

Keimah in Topa ka hi a, lungsim a kheel lo mi ka hi hi. No Jakob’ suan-le-khakte aw, a sia cimit na hi nai kei uh hi.

Hosea 6:2

Ni nih sungin eite hong thahatsak ding a, ni thum sungin i ngei hong bangsak ding hi. Tua ciangin amah tawh i kikhawl ding hi.

Late 71:20

Gimna lianpipite hong tuaksak nangmah in keimah nong hing kiksak ding a, lei thukpi sung panin nong lakhiato kik ding hi.

Gamlak-vakna 23:19

A zuau dingin Pasian in mihing hi lo hi, a kisik dingin mihing’ tapa hi lo hi. Amah in ci khin hi, amah in hih lo ding ahi hiam? Amah in gen khin hi, amah in tangtungsak lo ding ahi hiam?

Filippi 3:21

Topa in na khempeuh ama nuai-ah a khia thei, a bawlphatna vangliatna hangin a ginalo eite pumpi, minthan’na tawh a dim pumpi a suahsak nadingin hong kikheelsak ding hi.

Jeremiah 15:6

Nangmah in kei nong taisan zo hi, Topa in kong ci hi, kei nong nungngat niloh hi; tua ahih manin ka khut kong zan-a kong susia hi—ka hehna ka ki-ipip zo nawn kei hi.

Mangmuhna 6:8

Tua sakol tung tuang mi’ min in Sihna hi a, Hel gam in amah tawh a tonkhawm hi. Leitung seh li suah seh khat namsau tawh, kialpi tawh, pulnatna tawh, leitung gam sahangte tawh thah theihna thu amaute a pia hi.

Jeremiah 20:16

Topa in hehpih lo-a a lumlet khuapite bangin tuapa hi ta hen. Zing sangin kahna aw za hen la, sun ciangin gal patauhna aw za ta hen.

Jeremiah 31:35

Topa in sun-a khuavak dingin ni hong pia a, zan-a khuavak dingin a kikhel ngei lo kha leh aksite hong pia hi. Tuipi a lawh ciangin tuihualte ging zuazua a, ama’ min in Vanglian Topa kici hi.

Ezekiel 37:9

Tua ciangin amah in kei kiangah, “Ezekiel aw, huihte tungah thu gen in la, hih a sisa pumpite sungah hu sangin a hingkik sak dingin mun khempeuh panin hong pai un, ci-in Topa Pasian in thu hong pia hi, ci-in gen in,” hong ci hi.

JOB (Job) 41:22

A ngawng thakhauh mahmah ahih manin, a gim thei lo thatang nei hi.

Late 49:16

Mi khatpeuh a hauh ciang ahi zongin, a innkuan minthan’na a khan’ ciang ahi zongin lau kei in.

Hosea 7:10

Israel mite’ kiphatsakna in amau’ langkhat ah teci pang hi. Ahi zongin hih thu khempeuhah zong, amau’ Topa Pasian ahi kei lamah hong kihei lo uh a, kei hong zong lo uh hi.