Hosea 13:13 - Tedim Bible

¹³ Israel mite, naungeek bangin a suah khiat hun tung khin napi-in, a hai luat manin suak khia loin a nu sung mahah omom lai hi.

Tedim Bible Revision 2017

¹³ Israel mite, naungek bangin a suahkhiat hun tung napi-in, a hai luat manun suak khia loin a nu uh sung mahah omom lai uh hi.

Hosea 13:13 Referans Kwoze

Isaiah 37:3

Amaute in ama kiangah, “Hezekiah in, ‘Tu ni pen lungkham ni, tai ngah ni, mindai ni ahi hi; naungeek a suah hun tung napi-in a hingkhia zo lo nupi tawh i kibang hi.

Isaiah 13:8

amaute lau ding uh hi. Amaute in gim mahmahna leh nat velvalna thuak ding uh a, numei nausuak ding bangin na sa ding uh hi. Amaute khat leh khat lamdang sakna tawh ki-en ding uh a, a maitangte uh meikuang bang ding hi.

Isaiah 26:17

Topa aw, nangma hangin kote pen naupaii numei a hun a nai ciangin na sa-in kiheek a, a kap tawh ka kibang uh hi;

Late 48:6

numei nausuak na a sa bangin amaute liinggawp uh hi.

2 KUMPI NIHNATE 19:3

Amaute in ama kiangah, “Hezekiah in hih bangin ci hi: Tu ni in lungkham ni, hong kitai ni, min dai ni ahi hi; naungekte a suah hun tung a, amaute hin’ khiatna ding thatang om lo hi.

1 THESALONIKA MASA 5:3

Amaute in, “Nopsakna a om hi, launa om lo hi,” ci-in a gen lai takun, ta gai numei tungah ta suah hun gimna a tun’ bangin amaute tungah kisiatna gal in thakhatin tung ding a, suahtakna neukha beek a ngah kei ding uh hi.

Paunak 22:3

Mipilte in a lauhuai thu mu thei-in pelh uh a, mi mawkmawkte in phu suakin thuak uh hi.

2 KORIN NIHNA 6:2

Bang hang hiam na cih uh leh: “A kilawm hun ciangin nangma kam ka ngai hi, gupna ni ciangin nang kong huh hi,” Pasian in a cih mah bangin tu laitak in a kilawm hun ahi hi, tu laitak in gupna ni hun ahi hi.

Sawltak 24:25

Paul in dikna thu, kidekna thu leh hong tung ding Thukhenna Ni thu a hilh ciangin Feliks Mangpa lau a, “Tu-in pai ta in. Tu nung a kilawm hun ciangin kong samkik ding hi,” a ci hi.

Jeremiah 49:24

Damaska khua mite thazaw uh a, taimang dingin a kithawi uh hi. Lungkhamna, dahna leh launa in amau lencip a, nupi nausuak ding bangin a om uh hi.

Jeremiah 30:6

Tu-in ngaihsun dih un. Pasalte nau a suak ngei uh hiam? Tua ahih leh bang hangin pasal khempeuh in numei nausuak dingte bangin, a taai uh hum ahi hiam? Bang hangin a mai uhah si teeng lo ahi hiam?

Jeremiah 22:23

Lebanon gam pan-a kila taamtaak inn sungah nuam takin na teeng uh hi. Ahih hangin gimna hong tun’ ciangin bang zah takin na tau ding uh hiam? Numei nausuak dingte na bang ding uh hi.

Jeremiah 13:21

Nangma’ lawm ding a, na bawl mite teekteek in nang hong uk ni ciangin bang na ci ding hiam? Numei nau suakte in na a sak uh bangin nang zong na na sa ding hi.

Jeremiah 4:31

Nau suak ding numei kiko bang khat ka za hi, tacil a suak numei khat’ tauna tawh kibang hi. Zion’ tanu husam liang-a a kikona aw hi a, a khut tegel zakin, “Gimna ka thuak ding hi! Kei hong that ding uh hi!” a ci hi.

Isaiah 66:9

Nau suah hun tungsak napi-in suakkhia sak lo ding ka hi hiam? Topa in ci hi; nau a suakkhiasak keimah in naugil khakcip ding ka hi hiam? na Pasian un ci hi.

Isaiah 21:3

Tua ahih ciangin ka pumpi na hi; nausuak numei in na a sak bangin na ka sa hi; khuaza thei lo zah dongin a kuncip-in ka om a, ka muh nate hangin lamdang sa in ka om hi. khua mu thei lo zah dongin lungkia-in ka om hi.

Johan 16:21

Numei in ta a suah lai takin a hun tung ahih ciangin a dah hi. Ahih hangin ta a suah khit ciangin leitungah mi khat suak ahih ciangin lungdam a, a gimna a phawk nawn kei hi.

Thu-hilhkikna 32:6

A hai, ngaihsutna nei lo mite aw, tua bangin Topa thuk ding na hi uh hiam? Amah in, note a hong piangsak, note hong bawlin a hong kipsak, na Pa uh hilo ahi hiam?

Hosea 5:4

Amaute’ gamtatna in a Pasian kiang uh zuansak thei lo hi. Amaute in nakpi takin biak nopna lungsim nei uh ahih manin Topa phawk kha lo uh hi.

Johan 5:4

(Topa’ vantungmi khat ahun hunin hong paisuk zel a, tui a kiloksak hi. Tui a kilawh hun sungin tua bualtui sung a tung masapen pen, a natna peuhpeuh a damsiang pahpah hi).