Hosea 13:1 - Tedim Bible

¹ Efraimte beh in thu a gen ciangin adangte lau uh a, Israel minam beh dangte in Efraimte beh tung et uh hi. Ahi zongin Baal milim biakna hangin amaute khial uh hi; tua hangin si ding uh hi.

Tedim Bible Revision 2017

¹ Efraim-te beh in thu a gen ciangin a dangte lau uh a, Israel minam beh dangte in Efraim-te beh tung et uh hi. Ahi zongin Baal milim biakna hangin amaute khial uh hi; tua thu hangin si ding uh hi.

Hosea 13:1 Referans Kwoze

Hosea 11:2

Ahi zongin tapa bangin limbawl semsem leng, kei kiang panin gamla pai semsem hi. Ka mite in Baal tungah biakna pia uh a, milim biakna-in paknamtui hal uh hi.

Luka 14:11

Bang hang hiam na cih uh leh, ama pumpi a phat mi khempeuh in niamkhiatna a ngah ding uh hi. A kiniamkhiat mi in minphatna a ngah ding uh hi,” a ci hi.

Paunak 18:12

A kiniamkhiatte in zahtakna ngah uh a, a kihisakte in siat ding a manawh hi ta hi.

1 KUMPI MASATE 12:25

Tua ciangin Jeroboam in Efraim mualtung gam sungah Shekhem khua lamin tua lai-ah teeng hi; tua ciangin tua lai panin amah paikhia-in Penuel lam hi.

1 SAMUEL MASA 15:17

Tua ciangin Samuel in, “Nang na kineu ngaihsut hun a om hangin, tu-in nang in Israel minamte’ lutang hilo na hi hiam? Topa in Israelte tungah kumpi-in nang sathau hong nilh hi.

Thukhente 12:1

Efraim mite galhiam tawi dingin kisam uh a, amaute Zafon-ah galkah uh a, Jefthah kiangah, “Bang hangin Ammon mite sim dingin galkahin, nang tawh a kuan khawm dingin kote hong zawn lo na hi hiam? Na inn nang tawh kong hal nelh ding uh hi,” a ci hi.

Thukhente 8:1

Tua ciangin Efraim mite in ama kiangah, “Midiante do ding na pai lai-in kote nong sap loh, kote hong bangci bawl na hi hiam?”a ci uh hi. Amaute in nakpi takin amah mawhsak uh hi.

Joshua 3:7

Tua ciangin Topa in Joshua kiangah, “Moses tawh ka omkhawm bangin nang tawh kong omkhawm nading thu amaute in a theih nadingun Israel mite khempeuh muhna-ah tu ni-in nang liatsak ding ka kipan ding hi.

Gamlak-vakna 13:16

Hihte in gam vaan dinga Moses in a sawl mite’ min ahi hi. Moses in Nun’ tapa Hoshea pen Joshua ci hi.

Gamlak-vakna 13:8

Efraim minam panin Nun’ tapa Hoshea;

Gamlak-vakna 10:22

Efraim mite’ giahphual dialkhai a neite a pawl pawlin ding khia uh hi; tua mihonte Ammihud’ tapa Elishama in uk hi.

Piancilna 2:17

ahih hangin a pha leh a sia theihna singkung pen na ne kei ding hi; bang hang hiam na cih leh tua na nek ni-in na si taktak ding hi,” ci hi.

2 KORIN NIHNA 5:14

Bang hang hiam na cih uh leh, mi khempeuh tang ding mi khat bek si ahih ciangin mi khempeuh a si uh ahi zongin,

ROM (Romans) 5:12

Tua ahih ciangin mi khat hangin khialhna in leitungah tung a, mawhna hangin sihna a piang mah bangin, mi khempeuhte in zong a mawh zo uh ahih ciangin, mi khempeuh tungah sihna hong tung hi.

Isaiah 66:2

Hih nate khempeuh keima khut in a bawlsa hi a, tua ahih ciangin hih nate khempeuh kei’ aa ahi hi, Topa in ci hi. Ahih hangin, kiniamkhiatin kha lamah lungsim a kitamzan mipa, keima thu-ah lau-in a liing kelkelpa pen keima deih mipa ahi hi.

JOB (Job) 29:21

“Mite in ka thugen ngai-in hong ngak uh a, ka thugente pau loin lim takin hong ngai uh hi.

JOB (Job) 29:22

Thu ka gen khit ciangin a genthuah ding uh bangmah thei nawn lo uh a, ka thugennate hoih takin na sang pah uh hi.

Hosea 2:8

Ama tungah an, leenggahzu, leh oliv thau ka piakna, leh Baal pasian biak nadingin a zat ngun leh kham tampi tak a piapa ka hih lam phawk kha lo hi.

Hosea 8:4

Amaute in kei hong dong loin kumpi ding vaihawm uh a, kei’ theihpih lohin ulian koih uh hi. A ngun a khamte uh tawh amau’ siat nading milim bawl uh hi.

Isaiah 7:8

Bang hang hiam cih leh Siria’ lutang pen Damaskas khuapi hi a, Damaskas’ lutang in Rezin ahi hi. (Kum sawmguk leh kumnga sungin minam a hi zo nawn lo zah dongin Efraim kitamzan gawp ding hi.)

Hosea 2:10

Tua ciangin ama it pasal dangte’ muhna-ah a puante hawk khiatsakin a guak tangin ka om sak ding a, kuamah in kei’ khut sung panin amah honkhia zo lo ding hi.