Hosea 12:8 - Tedim Bible

⁸ Israel mite in, “Tu-in ka hau uh a, kote’ adingin neihsa tampi ka ngah uh hi,” ci uh hi. Ahi zongin a hauhna teng un a mawhna teng uh loh zo lo hi.

Tedim Bible Revision 2017

⁸ Israel mite in, “Tu-in ka hau uh a, kote adingin neihsa tampi ka ngah uh hi,” ci uh hi. Ahi zongin a hauhna teng un a mawhna teng uh loh zo lo hi.

Hosea 12:8 Referans Kwoze

Mangmuhna 3:17

Kei in ka hau hi, sumte nate nei-in sapna a om nawn kei hi na cih hangin pumpi lunggimna, hehpihhuaina, zawnna, mittawtna, puan neih lohna na thuak lamtak thei na hih ciangin,

Late 62:10

Zawhthawh thu tawh lakna muan’in, nei kei in la, suhgawpnate lamet-in nei kei in; na hauhna a khan’ leh, tuate muan’ in nei kei in.

1 TIMOTI MASA 6:5

Tuate in Pasian biakna lamah nopsakna in sum hauhna hong piangsak hi ci-in a um uh hi.

Zekhariah 11:5

Tuu neite in a tuute go uh a, ahi zongin daan kipia lo hi. Amaute in a tuusa zuak uh a, ‘Topa in thupha ngah ta hen. Tu-in i hau ta hi,’ ci uh hi. A tuucingte mahmah in a tuute hehpihna nei lo uh hi.

Paunak 30:20

A citak lo zi in hih bangin gamta hi: Midang tawh khialin, tua ciangin kisilsiang a, “Bangmah khialhna gamta ke’ng,” ci khem hi.

Paunak 30:12

Amaute a nin mahmah kim lai hi napi-in, amau’ muhna-ah siang a kisa mahmah mi pawlkhat om hi.

Late 52:7

“Pasian a beel lo, ama hauhnate a muang, ama hauhna a beelpa en un!” ci ding hi.

Late 49:6

Mite in a hauhna uh muangin, tampi a neihna uh a kisaktheihpih hangun,

Thu-hilhkikna 8:17

Na lungsim uhah, ‘Ka vangliatna uh leh ka thahatna un hih hauhna hong ngahsak hi,’ ci kha ding na hih manun kingaihsun un.

1 TIMOTI MASA 6:17

Hih leitungah sum hau mite in lungsim kiliatsakna tawh kipelhin, a kip tawntung thei lo sum hauhna muang loin, eite lungdam nading na khempeuh a kicingin hong pia Pasian muangin, nuntakna taktak ahi nuntakna ngah nadingin, hong tung ding hun ciangin, amau ading a bulpi pha zong kholin, midangte tungah thupha bawlna, gamtat hoihna kicingin, midang hopnopna lungsim nei-in, khat leh khat kipawl nadingin kilemna thu bawl nading thu na pia in.

Luka 16:15

Zeisu in, “Note in mite mai-ah phatna na lak nuam uh hi. Ahih hangin Pasian in note lungsim uh a thei hi. Bang hang hiam na cih uh leh, mite phatna in Pasian mai-ah kihhuaina ahi hi.”

Luka 16:13

To nih’ na a sem khawm zo nasempa a om kei hi. Bang hang hiam na cih uh leh, a tote khat mudahin khat a it ding hi. Khat beelin khat a simmawh ding hi. Note in Pasian’ na leh leitung sum na nasem khawm zo kei ding uh hi,” ci-in a gen hi.

Luka 12:19

Ka kha kiangah, ‘Kha aw, kum tampi zat ding na tampi a kikhol zo hi. Khawl in la, anne tuidawn, nuamsa-in om in, ka ci ding hi,’ a ci hi.

Luka 10:29

Tua pa in ama phatna thu a lah nop manin, “Ka lawmte kuate ahi hiam?” ci-in Zeisu a dong hi.

Malakhi 3:13

Topa in hih bangin ci hi: “Kei tawh kisai-in na kam paunate uh khauh mahmah hi. Note in, ‘Bang kam pau ka hi uh hiam?’ na ci uh hi.

Habakkuk 1:16

A ngente un amau’ deih peuhpeuh ngahsak ahih manin, amaute in a ngente uh bia-in, biak piakna zong pia uh hi.

Jeremiah 2:23

Bangci bangin nangmah in, ‘Kei ka nin kei hi, Baal pasiante’ nung ka zui kei hi,’ na ci thei peuhmah ding hiam? Mualkuam zang-a na lampi totte en dih in; na hih sate mu dih in— a leh tai kawikawi kalaoh huk na bang tazen hi.

Jeremiah 2:35

nangmah in, ‘Kei ka mawh kei hi; kei tungah Pasian heh nawnlo taktak hi,’ na ci hi. En in, ‘Kei ka mawh kei hi,’ na cih manin nang’ tungah thu kong khen ding hi.

Malakhi 2:17

Na thugen genna uh tawh Topa na gimsak uh hi. Note in, “Bangci gimsak ka hi uh hiam?” na ci uh hi. “Topa in a sia-a gamtate a hoihin ngaihsun a, zong itin amaute tungah lungkim takpi hi,” na cihna khawng uh leh, “A thutang gen Pasian koi lai-ah om ahi hiam?” ci-in na dotnate uh tawh na gimsak uh hi.

Ezekiel 28:5

Sumbawl na siamna tawh na hauhna na behlap a, na hauhna na kisaktheihpih hi.

Hosea 4:8

Ka mite’ mawhna hangin amaute in hauh lawh uh a, ka mite a mawh semsem uh ut uh hi.

Hosea 13:6

Ahi zongin gam hoihna mun tungin na gil uh a vah ciangin na lungsim uh kiphasakin kei nong mangngilh uh hi.

Hosea 14:1

Israelte aw, note’ Topa Pasian lamah kihei kik un. Na mawhna hangun note na puk khin uh hi.

Paunak 11:1

Topa in tawikhaina man lo a zangte mudah a, tawikhaina man a zangte tungah lungkim hi.

Jeremiah 5:27

Bawm sung dimtak a, vasa kikhum bangin khemna tawh a ngah uh vante tawh a inn uh dim hi. Tua ahih manin amaute lianin hau uh a,

Amos 8:5

Note in na lungsim sung uhah, “I ante i zuak theih nadingin, zumkhak hun sung i ngak lah hi. I mangbuhte i zuak theih nadingin, cik ciangin sabbath ni bei ding hiam? I an tehna seu neu seekin, sum tampi i ngen nuam a, tawi khaina man lo zangin, a hong leite i khem nuam hi.