Hosea 12:6 - Tedim Bible

⁶ Pasian’ huhna tawh note khempeuh kihei kik un la, thuman thutangin gam ta un. Pasian muang tawntung un.

Tedim Bible Revision 2017

⁶ Pasianʼ huhna tawh note khempeuh kiheikik unla, thuman thutangin gamta un. Pasian muang tawntung un.

Hosea 12:6 Referans Kwoze

Micah 6:8

Mun khempeuh-a om no mihingte aw, Topa in a hoih nate hong gen khin zo hi. Topa in note tung panin hong kalh nate in: thuman thute sem ding a, itna kip nei tawntungin, kiniamkhiatna tawh Pasian’ thu man’ ding ahi hi.

Micah 7:7

Ahi zongin kei ka hih leh Topa ka en ding a, kei hong suaktasak Pasian ka ngak ding hi. Ka Pasian in ka thu hong ngai ding hi.

Hosea 14:1

Israelte aw, note’ Topa Pasian lamah kihei kik un. Na mawhna hangun note na puk khin uh hi.

Zekhariah 7:9

“Note in thu a tangin khenin, khat leh khat tungah itna leh hehpihna kilakin,

Jeim 2:13

Bang hang hiam na cih uh leh, hehpihna a nei lo mi in, hehpihna ngah loin thukhenna a thuak ding hi. Hehpihna in thukhenna zoin a kisathei thei hi.

Jeim 1:27

I Pa Pasian mai-ah a nin lo, a siangtho biakna in pa nei lo naupangte leh meigong numeite a dah lai takun a en a keem thei a, ama pumpi zong leitung kihhuai nitna tawh kipelh nadingin a kikep theihna ahi hi.

Sawltak 26:20

Amaute kisikkik a, kisikkikna tawh kilawm gamtatna bawlin Pasian kiangah a kihei na’ngun Damaskas khua-ah ka gen masak khit ciangin Jerusalem khua akipan Judah gamah a om mi khempeuh kiangah ahi zongin, Gentailte kiangah ahi zongin ka hilh hi.

Sawltak 2:38

Piter in, “Na mawhnate uh kisikkik un la, na vekpi un, mawh kimaisak nadingin Zeisu Khazih’ min tawh kibaptaiz un, Tua bang na hih uh leh, Kha Siangtho’ thupha letsong na ngah ding uh hi.

Zekhariah 8:16

Note, hih bangin gamta un: Note khat leh khat tungah thuman thutak kam kipau un. Thukhenna zumah, kilemna a piangsak ding thutang zang un.

Zekhariah 1:3

Ahi zongin tu-in kei kiangah hong ciahkik le uh cin, kei zong note kiangah kong paikik ding hi.

Zefaniah 3:8

Topa in hih bangin thu gen a, “Tua ahih ciangin minamte ka mawhsak ni hun dong kei hong ngak phot dih un. Minamte leh kumpi gamte kaikhawmin, ka hehna ka thuaksak ding, ka lungsim ka khentat khin hi. Ka heh luatna meikuang tawh, leitung khempeuh kangtum ding hi.

Habakkuk 2:3

Hih thu a tun’ nading hun hi pah nai lo ahih manin, lai-in ciamteh in. Ahi zongin hong tung baih ta ding a, kong lah khempeuh a manin hong tung ding hi. A tung hak tawh a kibang kha ahi zongin ngak keikai in. Ka seh hun a cin’ ciangin hong tung takpi ding a, hong zekai lua nawn lo ding hi.

Amos 5:24

Thutang, tui bangin luang khiasak un la, thuman, a kang ngei lo lui tui bangin luangsak un.

Joel 2:13

Na dah taktakna uh lungkhamna tawh langsak un la, na puan uh a balkeek bek hi kei un,” hong ci hi. Topa, note’ Pasian kiangah ciahkik un. Amah migi-in hehpihna a nei hi a, a lung duai-in hong huh nuam tawntung a, daan hong tat loin hong maisak nuam tawntung hi.

Hosea 10:12

Khai tuh bangin thuman tuhin, kei nong itna hangun a piang thuphate at un. Note’ Topa keima lamah nong kihei nading uh a hun hita ahih manin lo thak lei kalkham un. Tua hi leh kei hong pai-in note tungah thupha kong pia ding hi, ka ci hi.

Hosea 4:1

Israel mite aw, Topa’ thugen ngai un. Hih gamsung a a teeng mite tungah Topa lungkim lo a, hih bangin mawhsak hi: Hih gam sungah cihtakna ahi a, itna ahi zongin om lo a, mite in kei pen Pasian-in hong ngaihsun lo uh hi.

Jeremiah 22:15

Taamtaak sing tawh inn na lam manin kumpi kisa na hi hiam? Na pa in an ne tui dawn a, thumanna leh diktatna tawh na a sep manin a maa pai hilo ahi hiam?

Isaiah 58:6

“Kei’ deih antan’na pen hih bang ahi hi! Gitlohna khaute phelin, hakkol savun khaute phel a, a kinengniam mite khahkhia-in, hakkol khempeuh suktan ding ahi hi.

Isaiah 40:31

Ahih hangin Topa a ngak mite a tha uh dimkik ding a, muvanlai bangin kha tawh leengto-in, amaute tai napi-un tawl lo ding uh a, amaute lam pai napi-un gim lo ding uh hi.

Isaiah 31:6

Israel mite aw, nakpi tak-a na dopa uh’ lamah kihei kik un.

Isaiah 30:18

Tua ahih ciangin note hehpih nuamin Topa in hong ngak hi; note tungah hehpihna hong lah ding amah kipakta hi. Bang hang hiam cih leh Topa pen a thutang Pasian ahi hi; amah a muangte khempeuh thupha ngah ahi hi.

Isaiah 8:17

Jakob innkuante’ kiang panin a maitang a seel Topa ngakin amah ka muang ding hi.

Isaiah 1:16

Note kisil tawm un la, a siangtho-in kibawl un; keima muhna-ah na gamtat siatnate uh paikhia un; siatna na bawlte uh khawl un la,

Paunak 21:3

Topa in biakpiakna sangin, thuman thutang deihzaw hi.

Paunak 1:23

Kong thuhilhna hong ngai un, ka ngaihsutna kong gen ding a, ka theihna kong zasak ding hi.

Late 123:2

En in, nasem pasalte in a topa uh muang a, nasem numei in a tonu-uh a muan’ mah bangin, ko tungah hehpihna nong neih matengin Topa kote’ Pasian kong mitsuan uh hi.

Late 37:7

Topa mai-ah khawl dide in la, lungduai-in ngak in; a hihna a daupai-pa tung leh siatna a bawlpa tungah nangmah kilungso tawmsak kei in!

Late 27:14

Topa ngak in; tha khauh in la, na lungsim hangsak in; hi hi, Topa ngak in!

Piancilna 49:18

Na hotkhiatna ka ngak hi, Topa aw.

Ezekiel 18:30

“Topa Pasian ahi keimah in note kiangah kong genin ah: Israel mite aw, na gamtatnasa bang ciatun thu kong khen ding hi. Kisik kikin na gamtatsiatna khempeuh panun khawl un la, na mawhna bangun kisiasak kei un.

Joel 2:12

Topa in hih bangin ci hi, “Tu mahmah nangawnin, lungsim tak tawh kisik kikin, an tangin, kapin, thuumna tawh kei kiangah hong paikik un.

Paikhiatna 3:15

Pasian in zong Moses' kiangah, “'Hih thu Israel mihingte' tungah gen in, "Topa, na pate’ Pasian, Abraham’ Pasian, Isaak’ Pasian, leh Jokob’ Pasian in note' kiangah kei hong sawl hi," ci in: hih in keima' min hi tawntung a, tua ahih manin keimah in khang tawntunga phawk ding ka hi hi.

Amos 4:13

Bang hang hiam cih leh mualte bawlin, huihte a piangsakpa, ama ngaihsutna mihingte tungah kilangsakin, sun nitaang kimlai zanin a bawlpa, leitung khempeuh a ukpa’ min in Topa, mihonpite’ Pasian ahi hi.