Hosea 12:11 - Tedim Bible

¹¹ Gilead gamah milim biakna om a, tuate in a kiman’na om lo hi. Gilgal gamah bawngtal tawh bia uh a, lo khote in a suang deih loh teng uh a phualphualin a cian’ kawikawi tawh kibangin, a biakna taute uh bangmahin kimang lo ding hi.

Tedim Bible Revision 2017

¹¹ Gilead gamah milim biakna om a, tuate a kimanna om lo hi. Gilgal gamah bawngtal tawh bia uh a, lokhote in a suang deih loh teng uh a phualphualin a cian kawikawi tawh kibangin, a biakna taute uh bangmahin kimang lo ding hi.

Hosea 12:11 Referans Kwoze

Hosea 8:11

Israel mite in mawh maisak nading mun biakna tau tam bawl semsem leh mawh nading mun tam a behlap semsem suak zawsop uh hi.

Hosea 6:8

Gilead in mi hontangte’ omna khuapi hi a, amau’ sul in mi thahna sisan luang tawh kidim hi.

Hosea 4:15

No Israel mite, kei tungah citak loin nong taisan hangun, note bangin Judah mite khial kei ta hen. Gilgal-ah ahi a, Beth-aven-ah ahi zongin pai kei un la, tua lai munah Topa’ min tawh na kiciam kei un.

Hosea 9:15

Topa in hih bangin gen hi. Amau’ gamtatsia khempeuh Gilgal phual pan akipan hi a, tua mun-a kipanin amaute ka muhdah a kipan ahi hi. Amaute’ gamtatsiatna hangin ka gam sung panin ka hawlkhia ding hi. Amaute ka it nawn kei ding hi. A uliante un kei hong langpang uh hi.

Hosea 10:1

Israel mite ahih leh a gah pha mahmah leenggui tawh kibang hi. Cithei semsem leh biakna tau tam semsem lam uh hi. A gam sung uh cithei semsem leh biakna khuampi hoih bawl semsem uh hi.

Jonah 2:8

Kiman’na nei lo milim a biate in nangmah hong tai san uh hi.

Amos 5:5

A bia dingin Be-ersheba-ah pai kei un. Beth-el-ah hong zong kei un, a mawkna suak ding hi. Gilgal-ah zong lut kei un, Gilgal mite, sal a suak ding uh hi lel hi.

Amos 4:4

Israel mite aw, Beth-el-a mun siangtho ah va pai un la, tua lai-ah khialhna va bawl un. Gilgal ah va pai un la, va khial semsem un. Zingsang simin biakna va pia un la, nithum simin sehsawm suah sehkhat pia un.

Jeremiah 10:15

Kiman’na nei lo, a haihuaipi hi a, a kidaantah ni ciangin a kisia ding uh hi.

Jeremiah 10:8

A mi pilte uh mihai mimawl ahi uh hi; sing milim in amaute bangci hilh theih mah ding ahi hiam?

Jeremiah 2:28

No ading-a na bawl uh na pasiante uh koiah om ahi hiam? Haksatna na tuah uh ciangin, a hong hot theih leh kihon sak ta ve un; bang hang hiam cih leh Judah gam aw, na khuapi zahzah-ah pasian na nei tazen uh hi.

Jeremiah 2:20

“Sawt pek lai-a kipanin ka hakkol kuaitan-in ka ukna nong nial a, hong kihenna khau sutat-in, ‘Na na ka sem kei ding hi,’ nong ci hi. Hi hi, numei paktat na bang a, mualsang tung teng leh singliim nuai tengah milim na bia kawikawi hi.

1 KUMPI MASATE 17:1

Tu-in Gileah gamsung Tishbe khua panin Tishbe mi Elijah in Ahab kiangah, “A mai-ah ka din’na Israel Pasian, Topa in a nungta ahih mah bangin keima thu tawh loin daitui ahi a, guah ahi zongin hong tung ding kumte sungah om lo ding hi,” a ci hi.

Hosea 10:2

A lungsim uh man lo ahih manin tu-in a mawhna uh thuak ding uh hi. Topa in amau’ biakna taute suzanin, a biakna khuampite suksiatsak ding hi.

Gamlak-vakna 12:6

Amah in, “Ka thu za un: Note lakah kamsang a om leh Topa keimah in ama tungah mangmuhna tawh ka kilak a, amah tawh mang sungah ka kiho hi.

2 KUMPI NIHNATE 17:13

Ahi zongin Topa in kamsangte khempeuh leh thu-mu-te khempeuh tung tawnin Israel leh Judah hilhkhol a, “Na pu na pate uh ka thupiak thukhamte khempeuh, leh kamsangte ahi ka nasemte tung tawnin note kiangah thu kong puak bangin na gamtat siate panun kihei-in ka thupiaknate leh ka thukhamte zui un,” a ci hi.

Ezekiel 17:2

“Ezekiel aw, Israel mite kiangah thugentehna khat gen in la,