Hosea 12:10 - Tedim Bible

¹⁰ Kamsangte tungah thu ka gen hi. Mangmuhna a ban banin pia-in, kamsangte tungah thugentehna tawh thu a genpa in keimah ka hi hi.

Tedim Bible Revision 2017

¹⁰ Kamsangte tungah thu ka gen hi. Maangmuhna a banbanin pia-in, kamsangte tungah thu gentehna tawh thu a gen pa zong keimah ka hi hi.

Hosea 12:10 Referans Kwoze

2 KUMPI NIHNATE 17:13

Ahi zongin Topa in kamsangte khempeuh leh thu-mu-te khempeuh tung tawnin Israel leh Judah hilhkhol a, “Na pu na pate uh ka thupiak thukhamte khempeuh, leh kamsangte ahi ka nasemte tung tawnin note kiangah thu kong puak bangin na gamtat siate panun kihei-in ka thupiaknate leh ka thukhamte zui un,” a ci hi.

Ezekiel 20:49

Tua ciangin kei zong, “Topa Pasian aw, mi khempeuh in kei pen khiatna nei-a thu gen theipa hi, ci-a hong ngaihsut uh ka hi hi,” ka ci hi.

Joel 2:28

“Tua khit ciangin mi khempeuh tungah ka Kha ka bua ding a, na tanute uh leh na tapate un kamsang ding uh a, na puteekte un mang manin, na tangvalte un maang mu ding uh hi.

Jeremiah 19:1

Topa in hong hopih a, “Beel sekpa’ kiangah pai in la, leibeel khat va lei in. Mite’ lakah upa pawlkhat leh siampi upa pawlkhat tonpih in la,

Jeremiah 7:25

Na pu na pate uh Izipt gam pan-a a hong paikhiat ni uh-a kipan tu ni ciang dong, ni khat khit ni khat, ka nasemte ahi kamsangte ka sawl tawntung a,

2 KORIN NIHNA 12:7

Ka ngah mangmatnate a lamdan’ mahmah hangin kisaktheihna lungsim ka neih loh nadingin kei hong daantat na’ng Satan’ sawltak ahi, ka pum hong sun ling khat hong pia hi.

2 KORIN NIHNA 12:1

Keimah in kisaktheihna ka bawl ding a kilawm loh hangin ka bawl ding hi. Ahih hangin Topa hong muhsak mangmatna leh thupiakkholhna thu kong gen ding hi.

Sawltak 2:17

‘A nunung nite ciangin Mi khempeuh tungah ka Kha ka bua ding hi. Na tapate na tanute un thu hilhkhol ding uh hi. Na tangvalte un mang a mu ding uh a, Na puteekte un mang a man’ ding uh hi.

Amos 7:14

Amos in Amaziah dawng a, “Keimah in kamsang ka hi kei a, kamsangte’ ta zong ka hi beek kei hi. Keimah in tuucing ka hi a, theiba huan puah tawh a thuah ka hi hi.

Hosea 3:1

Topa in kei kiangah thu hong gen kik a, “Lawm a ngai khinsa, pasal tawh a lumkhawmsa numei khat tawh va kingai in, Israel mite, pasian dangte kiangah pai uh a, leenggah phehkeu tawh a va biak uh hangin, amaute ka it lai veve mah bangin tua numei va it in,” hong ci hi.

Jeremiah 25:4

Topa in ama’ nasem ahi kamsangte khempeuh hong sawl tawntung hi napi-in note in ngai loin na bil uh na dawh kei uh hi.

Jeremiah 19:10

“Tua ciangin na tonpihte’ muhin na beel sukham in la,

Nehemiah 9:30

Kum tampi sung lungduaina tawh amaute na thuak a, na kamsangte tung tawnin na Kha Siangtho tawh amaute na hilhkhol hi; ahi zongin amaute in ngai nuam lo uh hi. Tua ahih ciangin gamdang mite khut sungah amaute na pia hi.

1 KUMPI MASATE 19:10

Amah in, “Vanglianpen Pasian, Topa adingin ka huaiham mahmah hi; bang hang hiam cih leh Israel mite in na thuciamna nusia-in, na biakna taute lawn khia a, namsau tawh na kamsangte that hi; kei, kei bekbek ka om lai hi; amaute in kei thah dingin hong zong uh hi,” a ci hi.

1 KUMPI MASATE 17:1

Tu-in Gileah gamsung Tishbe khua panin Tishbe mi Elijah in Ahab kiangah, “A mai-ah ka din’na Israel Pasian, Topa in a nungta ahih mah bangin keima thu tawh loin daitui ahi a, guah ahi zongin hong tung ding kumte sungah om lo ding hi,” a ci hi.

1 KUMPI MASATE 13:1

En in, Topa’ thu tawh Judah panin Pasian’ mi khat Bethe-el ah hong pai hi. Paknamtui hal dingin biakna tau gei-ah Jeroboam na ding hi.

Gamlak-vakna 12:6

Amah in, “Ka thu za un: Note lakah kamsang a om leh Topa keimah in ama tungah mangmuhna tawh ka kilak a, amah tawh mang sungah ka kiho hi.

Ezekiel 17:2

“Ezekiel aw, Israel mite kiangah thugentehna khat gen in la,

Paikhiatna 20:2

“Keimah in salsuahna, Izipt leitang panin nang a hong paikhiatpih Topana Pasian ka hi hi.

Siampi Laibu 23:42

Note in ni sagih sung buk sungah na teeng ding uh hi; Israelte lakah tualsung mi khempeuh buk sungah teeng ding hi;

Hosea 13:4

Keimah in Izipt gam pana kipan note’ Topa Pasian ka hi hi. Tua hun lai-in kei sim loh Pasian dang na thei kei uh a, note a hong honkhiapa in kei bek ka hi hi.