Hosea 11:6 - Tedim Bible

⁶ Galte in a khuapi sung uh luhin, a khuapi kulh kongpi zawlte uh suktansak ding hi. Ka mite in thuhoih lo zui kha uh ahih manin gal in susia mang ding hi.

Tedim Bible Revision 2017

⁶ Galte in a khuapi sung uh luhin, a khuapi kulh kongpi zawlte uh suktansak ding hi. Ka mite in thu hoih lo zui kha uh ahih manin gal in susia mang ding hi.

Hosea 11:6 Referans Kwoze

Hosea 13:16

Israelte in a Pasian uh lehdo ahih manin a mawhna uh thuak ding uh hi. Gal sungah amaute si ding uh a, a naungeekte uh lei kiden’ nading a, a nupi naupaaite uh kikuikham ding hi, ci hi.

Hosea 10:14

gal in na mite uh hong sim ding a, na kulh muanhuaite uh kisusia ding hi. Kumpi Shalman in a galsimna-ah Bethar-bel khuapi sugawpin, nupite leh a tate leilak den’na-in a sih mangsak hun lai mah bang ding hi.

Hosea 10:6

Bang hang hiam cih leh Assiria gama kumpi lianpa tungah siah a piak dingin tua milim kipuakhia ding hi. Thu kigen zui-in milim a biakna hangun Israel mindai-in maizum ding uh hi.

Malakhi 4:1

Vanglianpen Topa in hih bangin ci hi: “En un, mi kiphasak khempeuh leh migilo khempeuh, a zung a hiang cih om loin buhtu bangin a kattum ding hun hong tung ding hi. Tua ni ciangin khat zong suakta loin a vekpi-in kangtum khin ding uh hi.

Micah 5:11

Na gam sung uh-a khuapite susia-in, na galpan’na munte uh ka phelkhia ding hi.

Ezekiel 20:47

Leitaw lam tulakte kiangah thu gen in la, Topa’ thugen ngai un. Topa Pasian in hih bangin ci hi: ‘En un, tu-in gam hal a kipan ding ka hi a, na sunga om singkung a hing, a keu-in kangtum mang ding hi. Kuamah in tua meikuang phelh zo lo ding hi. A taw panin a khung dongin kangtum mang ding hi.

Jeremiah 5:17

Amaute in lo-a na ante leh na an huante uh hong gaihsak ding uh a, na tapate leh na tanute uh hong thahsak ding uh hi. Na tuu honte leh na bawng honte uh hong gaihsak ding uh a, na lenggahte leh na thei gahte uh hong nek mangsak ding uh hi. Na muan’ mahmah kulhpi tawh a ki-uum na khuapite uh, namsau tawh hong suksiat sak ding uh hi.”

Isaiah 30:1

Topa in, kei’ ngimna hi lopi-in thu vaihawmna a sem khia, kei’ kha tawh lopi-in kipawlna dang a bawl manun khialhna a bawl thuahthuah; keimah thu hong dong lopi-in Faro’ hutna sung a beel ding leh Izipt’ liahna bukna a zong dingin Izipt gamah paisuk ding a, a kuankhia a genhak naupangte in gimna ngah ta hen!” a ci hi.

Isaiah 27:10

Bang hang hiam cih leh a muanhuai khuapi pen gamlak bangin amah guakin omin, mite’ teen’na mun pen kitaisan-in kinusia hi; tua lai-ah bawngno gamta-in, lum a, a hiangte kheuh hi.

Isaiah 18:5

Bang hang hiam cih leh leenggah lawh hun ma deuh, leenggui a pak khit, leenggah a puamcin’ lai takin, amah in singhiang heuhna temkawi tawh a selte atkhia ding a, a zam zeizai a hiangte heuhkhia ding hi.

Isaiah 9:14

Tua ahih ciangin Topa in Israel sung panin a makaite leh a mihonte, a lu panin a mei dongin, nisuh hiang leh pumpengte anihin ni khat thu-in vat mai hi.

Late 106:43

Amah in amaute tam veipi honkhia hi; ahih hangin amaute in lehdona lungsim vom uh a, amau mawhna hangin amaute kiniam koih hi.

Late 106:39

Tua ahih ciangin amau sepna tawh amaute a nin suak uh a, amau gamtatnate tawh palhngulhna a bawl uh hi.

Thu-hilhkikna 32:25

Namsau in amaute gamlakah susia in, inn sungah launa lianpi om ding a, tangval leh nungak, naungek nawi nete sam kangsate tawh susia khawm ding hi.

Thu-hilhkikna 28:52

Na gam sung uh a, a om na muan’ uh a sang a muan’ huai na kulhpite uh a cip khit dong matengin na khuapite khempeuh sungah amaute in note hong umcih ding uh hi; Topa na Pasian un note hong piaksa na gam sung khempeuh uhah a om na khuapite khempeuh sung uhah note hong umcih ding uh hi.

Siampi Laibu 26:33

Keimah in minamte lakah note kong thehthang ding a, keimah in namsau a paai panin dokin note kong delh ding hi; na leitang uh gamkhing hi ding a, na khuapite uh a sia hi ding hi.

Siampi Laibu 26:31

Keimah in na khuapite uh siasakin, na biakinnte uh gamkhing ka suaksak ding a, nomau’ gim namtuite ka diik kei ding hi.

Jeremiah 50:35

“Topa in kong cih-inah, Khaldea mite, Babilon khua-a teengte a kumpi uliante leh a mipilte namsau tawh kithat uh hen.

Kah la 2:9

Kulh kongpite cim gawpin lei in vukcip a, kongpi kalhna zawlte a kitan gawp hi. Kumpipa leh miliante salin a om khin uh hi. Thukham kihilh nawn lo a, kamsangte in Pasian kiang pan mang a mu nawn kei uh hi.

Hosea 4:16

A kizualsak zo lo bawngla bangin Israel mite phengphi uh ahih manin, lonona munah tuunote an vak bangin amaute bangci an vak ding ka hi hiam?

Hosea 4:17

Israel mite, milim biak uuk lua uh a, cih theih hi lo hi.

Amos 6:8

Topa Pasian thupi takin kiciam khin a, Topa, mihonte’ Pasian in hih bangin ci hi: Israelte’ kiphatsakna ka hua a, a munmuanhuaite uh ka mu nuam kei hi. Tua ahih manin a khuapi leh a sunga om teng, galte khut sungah ka pia ding hi.

Siampi Laibu 26:25

Keimah in thuciamna omsa bangin phulakna na a sem ding namsau khat note tungah kong tung sak ding hi; na khuapi sung uhah note na kikhaihkhop uh leh zong keimah in note’ lakah natna kong tung sak ding a, galte khut sungah note hong kipia ding hi.