Hosea 11:11 - Tedim Bible

¹¹ Izipt gam panin vasa bangin lawp takin hong leeng ding uh a, Assiria gam panin vakhu bangin hong leeng ding uh hi. Tua ciangin keimah in amaute’ inn ngeisa-ah ka tun’pih kik ding hi, Topa in ci hi.

Tedim Bible Revision 2017

¹¹ Egypt gam panin vasa bangin lawptakin hong leeng ding uh a, Assiria gam panin vakhu bangin hong leeng ding uh hi. Tua ciangin keimah in amauteʼ inn ngei sa ah ka tunpihkik ding hi, Topa in ci hi.

Hosea 11:11 Referans Kwoze

Isaiah 11:11

Tua ni ciangin Topa in, Assiria gam, Izipt gam, Pathros gam, Ethiopia gam, Elam gam, Shinar gam, Hamath gam leh tuipi gei-a gamte panin ama mi a om laite a ngahkik nadingin a vangliatna zang kik ding hi.

Isaiah 60:8

Meiipi leeng bangin hong pai henhan hih teembawte, vakhute a buk-ah a leeng bangin hong leeng henhante kua ahi hiam?

Zekhariah 10:10

Izipt leh Assiria gam panin amaute ka ciahpih kik ding a, amau’ gam amau’ lei-ah ka teengsak ding hi. Gilead gam leh Lebanon gamah zong ka teengsak ding a, gam khempeuhah mi dim ding hi.

Hosea 7:11

Israel in a khem nop kawl vakhu hai tawh kibang hi. Izipt-te kiangah huhna va ngen masa uh a, tua ciangin Assiria-te kiangah va tai uh hi.

Obadiah 1:17

Ahih hangin Zion mualah pawlkhat a suakta ding uh a, mun siangtho a suak ding hi. Jakob innkuante in amau gam mah a luah kik ding uh hi.

Hosea 3:5

Tua khit ciangin Israel mite in Topa amau’ Pasian leh a kumpipa uh David lamah hong kihei kik ding uh hi. Tua hun ciangin amaute in Topa zahtakin, ama letsongte sang ding uh hi.

Ezekiel 37:25

A pu a pate uh a ten’ nasa ahi ka nasempa Jakob tungah ka piak leitangah amaute teeng ding uh a, amaute bek hi loin a suan a khak dongun teeng suak ding uh hi. Ka nasempa David in amaute uk tawntung ding hi.

Ezekiel 37:21

amaute kiangah, Topa Pasian in hih bangin ci hi, ci-in gen in: Amaute’ omna minam dangte lak panin Israel mite la-in ka kaikhawm ding a, amaute’ gamah ka paipih kik ding hi.

Jeremiah 31:12

Amaute hong pai-in Zion mual tungah ngaihtakin la a sa ding uh a, Topa’ hehpihna ahi, buh, leenggah tui, sathau leh tuuno, bawngnote’ hangin amaute a lungdam mahmah ding uh hi. A nuntakna uh, tui kibuak huan bang ahi ding a, a lungkham ngei nawn kei ding uh hi.

Ezekiel 34:27

Singkungte tampi tak gahin, lo-ah an tampi piang ding a, mi khempeuh a leitang ciatah nuam takin teeng ding uh hi. Sal ahihna panun ka mite suakta sakin, a kikhihna kolte uh ka sutsak khit ciangin, Topa ka hihna thu amaute in hong thei ding uh hi.

Ezekiel 34:28

Gamdang mite in hih gawpgawp nawn lo ding uh a, gamsate in thatin ne nawn lo ding uh hi. Amaute lungmuang takin om ding uh a, kuamah in lausak nawn lo ding uh hi.

Zekhariah 8:7

Nisuahna leh nitumna gamte panin ka mite ka honkhia ding a,

Zekhariah 8:8

Jerusalem khua sungah ka tun’pih kik ding hi. Amaute in keima mi hi-in, kei in amau’ Pasian ka hi ding a, amau tawh ka thuciamnate uh lim takin ka zui ding uh hi.