Hosea 10:9 - Tedim Bible

⁹ Gibeah khua-a a khialh uh-a kipanin kei tungah hong khialhna uh Israel mite tawp nai lo uh hi. Tua ahih manin Gibeah khua-ah gal in amaute pha ding hi.

Tedim Bible Revision 2017

⁹ Gibeah khua ah a khialh uh a kipanin kei tungah hong khialhna uh Israel mite tawp nai lo hi. Tua ahih manin Gibeah khua ah gal in amaute pha ding hi.

Hosea 10:9 Referans Kwoze

Hosea 9:9

A gamtatna uh gen theih lohin siahuai uh a, Gibeah khua-a a gamtat ngeite uh tawh kibang hi. Pasian in amau’ mawhnate thei-in daan tat ding hi.

Thukhente 20:5

Tua ciangin Gibeah mite kei langah hong ding uh a, zan-in kote’ omna innkiim-ah hong pang uh hi; amaute in kei hong that nuam uh a, ka zineu buan gawpin tu-in amah si hi.

Piancilna 8:21

Topa in a namtui gimnam a nap ciangin, a lungsim sungah, “Mi’ hangin leitang ka samsiat kik ngei nawn kei ding hi, bang hang hiam cih leh mi’ lungsim ngaihsutna pen a neucil panin gilo hi; tu-a ka hih bangin nuntakna a neite khempeuh zong ka susia ngei nawn kei ding hi.

Piancilna 6:5

Leitungah mihing’ gitlohna a liatna leh mihing' lungsim ngaihsutna peuhmah a sia a hih ngitngetna thu Topa in mu hi.

Hosea 5:8

Galdo nading zaksakna-in Gibeah khua-ah tuutal’ ki tum un la, Ramah khua-ah peengkul tum un. Beth-aven khua-ah pataukohna gingsak un. Benjamin mite aw, kithawi un!

Hosea 10:8

Israelte in milim bia-in mawhna a bawlna munte kisusia ding a, a biakna taute uh tungah ling leh kiak po ding hi. Tua ciangin mite in mual liante kiangah, “Hong vuk cip un,” ci ding uh a, mual neute kiangah, “Hong deng cip un,” ci ding uh hi.

Hosea 10:10

Hih mi mawhte thuhilh nadingin daan ka pia ding a, a thuap thuap-a a mawhna hangun thuhilh nadingin minam dangte in amaute hong sim ding uh hi.